Jeremiah 12:7 - Tedim Bible

⁷ Tua ciangin Topa in, “Ka inn ka nusia khin a, ka luahsa mite ka paaimang ta hi. Ka it mahmah ka mite, a galte’ khut sungah ka pia ta hi.

Tedim Bible Revision 2017

⁷ Tua ciangin Topa in, “Ka inn ka nusia khin a, ka luah sa mite ka pai mang ta hi. Ka it mahmah ka mite, a galte uhʼ khut sungah ka pia ta hi.

Jeremiah 12:7 Referans Kwoze

Isaiah 2:6

Amaute pen nisuahna lam gam khongkhaite leh Filistia mite bangin aisante tawh kidim uh a, gamdang mite’ ngeina zui uh ahih manin, Jakob suan leh khakte, na mite nang na nial hi.

Jeremiah 11:15

Ka itte in siatna a bawl khit uh ciangin ka biakinn sungah bang thu nei thei nawn ding uh ahi hiam? Nong kamkhapte uh leh na kithoihna sate un na kisiat nading uh hong kipelh sak thei ding ahi hiam? Tua ciangin note na lungdam thei ding uh hiam?

Hosea 9:15

Topa in hih bangin gen hi. Amau’ gamtatsia khempeuh Gilgal phual pan akipan hi a, tua mun-a kipanin amaute ka muhdah a kipan ahi hi. Amaute’ gamtatsiatna hangin ka gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Joel 3:2

Minam khempeuhte kaikhawmin, Jehoshafat Kuam-ah ka paipih ding hi. Ka mihingte tungah a bawlnasa hangun, tua munah amaute thu ka khen ding hi. Amaute in Israel mite, gamdangah thehthang uh a, ka gamsung teng phelhawm uh hi.

Joel 2:15

Zion mual tungah peengkul tumin, antan’ nading thu pia un la, biak kikhopna khat nei un.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Jeremiah 51:5

Bang hang hiam cih leh Israel leh Judah mite Israel mite’ Siangtho Pa tungah a mawh uh hangin, amaute’ Pasian, a vanglian Topa in taisan nai lo hi.

Jeremiah 7:29

Jerusalem mite aw, na lu uh mettol un la, na sam uh paaimang un; mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khin zo hi.

Jeremiah 7:14

ka min tawh a kilo, note in na muan’ uh hih biakinn leh note leh na pu na pate-uh’ kiang-a kong piak hih mun, Shiloh tunga ka hih bangin ka hih ding hi.

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

Jeremiah 17:4

Nang kong piak na gam zong na taan ding a, na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi.

Jeremiah 23:33

Jeremiah aw, ka mite khat peuhpeuh in ahi zongin, kamsang khat ahi kei leh siampi khat peuhpeuh in ahi zongin, ‘Topa’ thugen in bang ahi hiam?’ ci-a hong dot leh nangmah in, ‘Topa’ thugen in nangmah na hi a, nang in vangik khat na hi hi. Topa in nang, kong paaikhia ding hi, hong ci hi,’ ci in la, gen in.

Jeremiah 23:39

en un, keimah in note leh na pu na pate ka piaksa khuapi ka domto ding a, ka omna panin ka lawnkhia taktak ding hi.

Hosea 11:1

Israel a neu lai-in ka it mahmah a, Izipt gam a nusiat-a kipanin ka tapa aw, ka ci hi.

Thu-hilhkikna 33:12

Benjamin thu genin, “Topa in a it mipa, ama kiangah nuam takin om hi; amah in sun tawntung kemin, a liang kikal-ah ama omna bawlsak hi,” a ci hi.

2 KUMPI NIHNATE 21:14

Tua ciangin keimah in ka gamh a om laite paai khia-in amau’ galte’ tungah ka pia ding a, amaute in a galte’ adingin a mat ding mi leh vankiate suak ding uh hi;

Late 78:62

Amah in, a mite, namsau tawh sisak a, ama luahte tungah a hehna nga hi.

Late 106:40

Tua ciangin ama mite tungah Topa’ hehna hong kikuantawh a, amah in ama luah minamte a kih hi;

Jeremiah 22:5

Ahih hangin note in hih kammalte na ngaih kei uh leh keimah Topa in kong gen-inah, hih in gamlak suaksak dingin ka kiciam hi.