Jeremiah 12:6 - Tedim Bible

⁶ Bang hang hiam cih leh na sanggamte leh na innkuanpihte nangawn in nang hong zuak uh a, nang hong do ding mi honpi a kaikhawm uh hi. Kamkhum tawh nang a hong zol uh hangin um kei in,” ci-in hong dawng kik hi.

Tedim Bible Revision 2017

⁶ Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Jeremiah 12:6 Referans Kwoze

Paunak 26:25

A lungsim-ah a deihhuai lo thu sagih tak om ahih manin, kam khum tak-a a pau manin um kha kei in.

Jeremiah 9:4

Mi khempeuh in a inn vengte uh kidawm uh hen la, a sanggamte uh muang kei uh hen; bang hang hiam cih leh sanggamte khempeuh khemhat ciat uh a, innvengte khempeuh zong gensiat hat ciat uh hi.

Late 12:2

Mi kim in a vengte kiangah zuau thu gen ciat a, phat khemna kamzol leh lungsim nam nih tawh pau uh hi.

Mattiu 10:21

Unau khat leh khat ahi zongin, pa in a tapa ahi zongin, sih nadingin a kiheek ding uh hi. Tate in a nu leh a pate galin do ding uh hi. Tate in a nu leh a pate galin do ding uh a, thah dingin a pia ding uh hi.

Jeremiah 11:21

Tua ahih manin hong that nuam a, “Topa’ min tawh thu hilh kei in. Na hilh leh kote’ khutlum-in na si ding hi,” a hong ci Anathoth khua mite tawh kisai-in

Jeremiah 11:19

A kithatlum dinga kipaipih mawhna nei lo tuuno bang ka hi hi. Amaute in, “Singkung a gah phat hun lai takin phuktan ni; ama’ min a kiphawk nawn loh nadingin, amah that lum ni,” ci-in a gen uh, kei hong sawmna uh ahih lam ka thei kei kha hi.

Sawltak 18:12

Gallio in Akhaia gam mangpa za a ngah ciangin Judah mite in lungsim kikhatin Paul a man uh a, thukhenna tokhom mai-ah a paipih khit uh ciangin,

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Late 69:8

Ka sanggamte lakah midang ka suak khin a, ka innkuanpihte lakah khualmi ka suak hi.

JOB (Job) 6:15

No ka lawmte pen, lui tuikhang bang, a mangthang pak luitui let bang,

Johan 7:5

Bang hangin tua bangin a ci uh hiam i cih leh, a sanggamte in zong Zeisu a um kei uh hi.

Marka 12:12

Amaute in amah mat nading a zon’ uh hangin mihonpi a kihta uh hi. Bang hang hiam i cih leh, amau a cihna a gen ahih lam a thei uh hi. Tua lai takin amah nusia-in a paikhia uh hi.

Isaiah 31:4

Bang hang hiam cih leh Topa in keima tungah hih bangin hong ci a, humpinelkai ahi a, humpinelkai khanglai in ahi zongin a sa nek ding a ngik ciangin, amah do dingin tuucingte honpi khat kisamkhia-in, amaute’ otna hangin lau tuan loin , amaute’ gamlumna hangin a sin a dawilok tuan loh mah bangin, Vanglianpen Topa zong Zion Mual tungah galdo dingin hong kuansuk ding hi.

Sawltak 16:22

Mihonpite in amau langkhatah a ding uh a, thukhen mangte in amau puan balkek uh a, ciangpum tawh sat nadingin thu a pia uh hi.

Jeremiah 9:2

Sehnel gamlakah khawl nading bukno khat nei thei-in ka mite nusia-in taisan thei hi leng maw! A vekpi-un angkawm hat hi khin uh a, thuman lo kim uh hi.

Jeremiah 9:5

Mi khempeuh in a innvengte uh khem ciat uh a, thuman gen kuamah om lo hi; a leii uh zuauthu gen dingin kisinsak uh a, mawhna a bawl manun tawllua-in a kisikkik zo nawn kei uh hi.

Late 12:3

“I leii tawh gual zo ding i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in atkhia ta hen.

Paunak 23:8

Na neksa teng na luakhia kik ding a, na kamsiam ngah teng maimang ta ding hi.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.