Jeremiah 12:13 - Tedim Bible

¹³ Amau in mangbuh a tuh uh-a ling aat uh hi. Nasep a hahkat mahmah uh hangin bangmah a ngah kei uh hi. A kihtak huai Topa’ hehna hangin an lak hun ciangin a maizum ding uh hi,” a ci hi.

Tedim Bible Revision 2017

¹³ Amaute in mangbuh tuh uh a, ahi zongin kiak bek a ngah uh hi. Nasep a hahkat mahmah hangun bangmah a ngah kei uh hi. A kihtakhuai Topaʼ hehna hangin anlak hun ciangin a maizum ding uh hi,” a ci hi.

Jeremiah 12:13 Referans Kwoze

Haggai 1:6

Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Micah 6:15

Khai na tuh uh hangin a gah na at kei ding uh hi. Oliv gah na cil uh hangin a thau na zang kha kei ding uh a, leenggah na cil uh hangin a zu na dawn kha kei ding uh hi.

Thu-hilhkikna 28:38

Khaici tampi lo-ah na tuh ding uh a, ahi zongin tawmno bek na khawm ding uh hi; bang hang hiam cih leh kauphe in nemang ding hi.

Isaiah 55:2

An ahi lo nate’ adingin bang hangin na sum uh zang a, hong gilvah sak thei lo nate adingin bang hangin na sem na hi uh hiam? Keima thu lim takin ngai-in, a hoih nate ne un la, an limte ah nuamsa-in om un.

Siampi Laibu 26:16

keimah in note tungah hih bangin kong hih ding hi: note tungah hong tung dingin keimah in thakhat thu-a dipkuatna, zawngkhalna, leh mite siasakin nuntakna a kiamsak ding cisa natna kong tung sak ding hi. Note’ lo pawi in a mawkna hi ding hi; bang hang hiam cih leh na galte un tuate ne ding hi;

Habakkuk 2:13

Na zawh uh minamte’ nasepna sate a mawkna suakin, amau’ sepsa teng a khu-in leng mang hi. Hih thu in Vanglianpen Topa’ pian’sak ahi hi.

Jeremiah 4:26

Ka et leh, logam leihoih teng sehnel gam suak khin-a, Topa’ mai leh a hehna lianpi mai-ah, khuapi khempeuh kisia khin uh hi.

ROM (Romans) 6:21

Tua ahih leh, tu-in zumhuai na sak uh tua gamtatna na bawl lai takun, bang phattuamna na ngah uh hiam? Tua gamtatnate’ tawpna lampi in sihna ahi hi.

Siampi Laibu 26:20

na leitang un ama gah piangsak loin, na gam sung uh a, kungte in amau gah gah lo ding ahih manin note’ thatang a mawkna-a bei hi ding hi.

Jeremiah 9:5

Mi khempeuh in a innvengte uh khem ciat uh a, thuman gen kuamah om lo hi; a leii uh zuauthu gen dingin kisinsak uh a, mawhna a bawl manun tawllua-in a kisikkik zo nawn kei uh hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Late 78:62

Amah in, a mite, namsau tawh sisak a, ama luahte tungah a hehna nga hi.

Hosea 8:7

Paunak-ah, Huih a tuhte in huihpi ngah kik ding a, a vui om lo an kung in an nek ding piang sak lo hi, kici hi. A vui om lo an kung panin an kingah mah taleh zong gamdang mite in a netum ding hi.

Haggai 1:9

An hau dingin na kilamet uh hangin tawmcik bek na nei uh hi. Na neihsunte nangawn uh inn na tun’pih uh hangin kong mutkhiatsak mang khin hi. Bang hangin hong tua cih ka hi hiam? Note khempeuh, nomau’ inn ding ciat lamin na manlah uh a, ka biakinn a siapi-in na koihdakna hang uh ahi hi.