Jeremiah 12:11 - Tedim Bible

¹¹ Pawn lak hong suaksak uh a, dah-in ka kap hi. Gamsung khempeuh a kisiat khit hangin kuamah in phamawh sa lo sawnsawn hi.

Tedim Bible Revision 2017

¹¹ Pawn lak hong suahsak uh a, dahin ka kap hi. Gam sung khempeuh a kisiat khit hangin kuamah in phamawh sa lo sawnsawn uh hi.

Jeremiah 12:11 Referans Kwoze

Jeremiah 23:10

Bang hang hiam cih leh mun khempeuh ah angkawmte dim hi. Topa’ haamsiatna hangin gamsung tengah kahna dim a, gamlak lonona munte a keumang hi. Amaute gitlohna lamah pai uh a, a thuneih theihnate uh a man lopi-in a zang uh hi.

Isaiah 42:25

Tua ahih ciangin amah in, ama hehna-so leh gal kidonate eite tungah hong tungsak hi. Israel mi khempeuh lakah mei bangin ama hehna hong kuang a, ahih hangin eite in bangmah i thei kei hi. Tua i thuakna hangin bangmah i phawk khia thei tuan kei hi.

Jeremiah 14:2

“Judah gam kap a, a khuapite maimang dekdek hi. A mite in puanvom khu-in lei lakah a bok uh a, Jerusalem khua mite’ kahna aw ging hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupilak lo na hih manun na thupha ngahte uh tungah samsiatna ka tungsak zo hi.

Zekhariah 7:5

“Gam sung mi khempeuh leh siampite tungah hih bangin gen in: Amaute in a beisa kum sawmsagih sung kha ngana leh kha sagihna sungin an tangin a kahna uh, kei hong pahtawina uh hi lo hi.

Jeremiah 19:8

Hih khuapi a mulkimhuai leh a simmawh huai ka suak sak ding a, a kantan mi khempeuh in khuapi kisiatna hangin lamdang sa-in zahpih-in a phitsan ding uh hi.

Jeremiah 10:25

Nangmah hong thei lo gamte tung leh nangma’ min a hong lo ngeilo mite’ tungah na hehna sungsuk in; bang hang hiam cih leh amaute in Jakob’ suan leh khakte that mangin a ma’ teen’na susia khin uh hi.

Jeremiah 10:22

Ngai dih un, thu khat kigen veh! Judah khuapite gamlak a suaksak ding leh se-alte’ kua a suaksak dingin leilu lam gam panin buaina lianpi khat hong pai veh!

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Jeremiah 6:8

Jerusalem khuapi aw, kidawm in! Na tua cih kei leh kong taisan ding a, kuama’ teen’ lohna gam simtham na suak kha ding hi,” a ci hi.

Isaiah 57:1

Thuman mipa si a, kuamah in a lungsim sungah tua thu ngaihsutin nei lo hi, kuamah in a theih loh kalin thuman mite si uh hi. Bang hang hiam cih leh tuahsiatna panin thuman mipa kilakhia a;

Thuhilh-sia 7:2

Pawi simna sangin si galna hoihzaw hi; sih ding bek a ngak ahihna mihing khempeuh in a phawk ding kilawm hi.

ROM (Romans) 8:22

Bang hang hiam na cih uh leh, a kipiangsak nate khempeuh in tu dongin a tau uh a, gimna thuakin a om uh i thei hi.

Siampi Laibu 26:32

Keimah in leitang ka siasak ding a, tua tungah a teeng na galte un lamdang sa ding uh hi.

Jeremiah 4:20

Siatna khat khit ciang’ khat hong tung a, gamsung khempeuh kisia khin hi. Tha khat thu-in ka bukte hong kisuksiat sak a, ka puan khaite hong kek gawp hi.

Jeremiah 4:27

Bang hang hiam cih leh Topa in, “Gam buppi gamlak suak ding a, ahih hangin ka susia suak sam kei ding hi.

Jeremiah 4:28

Tua hangin leitung kap ding a, vantung a mial ding hi. Bang hang hiam cih leh ka gensa, ka khensat sa hi-a, ka kisikkik loh bangin ka lungsim zong ka khelkik kei ding hi,” a ci hi.

Jeremiah 25:11

Gamsung khempeuh kisia-in gam simtham suak ding a, hih mite khempeuh kum sawmsagih sung Babilon kumpipa’ sal-in a om ding uh hi.

Joel 1:10

Lo ante kisusia a, leengguite keutum a, oliv kungte keugaw ahih manin, lo lai-ah bangmah om nawn lo a, leitang lungzuangin thuum hi.

Jeremiah 9:9

Hih thute hangin daantat lo ding ka hi hiam? Topa in kong ci hi. Hih bang minam khat tungah ka phu la lo ding ka hi hiam?

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.