Jeremiah 12:10 - Tedim Bible

¹⁰ Tuucing dang tampi in ka lenggah lo hong suksiat sak uh a, kei aa teng hong tuatcilsak uh hi. A hoih mahmah ka lenggah lo pawn lak, gamlak suaksak uh hi.

Tedim Bible Revision 2017

¹⁰ Tuucing dang tampi in ka leenggah lo hong suksiatsak uh a, kei aʼ teng hong tuatcilsak uh hi. A hoih mahmah ka leenggah lo pawn lak, gam lak, a suaksak uh hi.

Jeremiah 12:10 Referans Kwoze

Jeremiah 23:1

Topa in a gen-inah: “Ka mite sisak a, a kikhenthang sak gam ukte in gimna ngah ta hen!” a ci hi.

Isaiah 63:18

Nangma misiangthote in na biakinn tawl khat sung bek nei uh hi; ko hong langpangte in tua pen tuancil gawp khin hi.

Jeremiah 6:3

Kumpite in a galkapte uh tawh ama’ kiang hong tung ding uh a, a kimkotah giah phual sat-in a deih peuhpeuh uh a la ding uh hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Mangmuhna 11:2

Biakinnpi pua lamah a om gawl sung teh kei in, siit in. Bang hang hiam na cih leh, tua gawl sung mun Gentailte ading a kipia zo hi. Amaute in Khuapi Siangtho zong kha sawmli leh kha nih tawntung a sik gawp ding uh hi.

Luka 21:14

Tua ahih ciangin, ‘Bang ka ci thukkik ding hiam?’ ci-in na ngaihsut kholh loh nadingun, na lungsim sung uh ah na ciamteh un.

Jeremiah 39:3

Jerusalem khua a kilak laitakin, Nergalsharezer, Samgarnebo, galkapmang Sarsekhim leh sakol galkap mang Nergalsharezer-te akipan Babilon kumpipa’ kumpi uliante khempeuh hong pai-in kongpi laita penah hong tu uh hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Isaiah 43:28

Na uliante un ka biakinn mindaisak uh ahih manin, Israel tungah zahhuaina ka tungsak a, Jakob ka siasak hi.

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Ezekiel 34:2

“Ezekiel aw, keima tuuhon ahi Israel mite a cingte mawhsakna thu gen in. Amaute kiangah thu gen khol in la, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.

Daniel 8:13

Vantungmi khat in a dang vantung mi khat kiangah thu a dot ka za a, “Hih mangmuhna a tangtun’ nading bang tan vei sawt ding a, a muhdah huai mawhna in nisim biakna piakna bang tan vei khak ding hiam? Vantung galkapte leh biakinnpi bang tan vei kituancil ding ahi hiam?” a ci hi.

Zekhariah 7:14

Tua ahih manin Topa in “Huihpi’ mut khiat bangin amaute thehthang gawpin, a theih ngei lohna uh gam dangah amaute teeng ding uh hi. Amau’ nusiat leitang hoih in zong gamkhing suak ding a, a sungah kuamah om nawn loin daicip ding hi,” a ci hi.

Isaiah 3:14

Topa in, upate leh ama mite’ uliante tawh thukhen dingin kipan a; “Leenggui lo a ne tumte pen note na hi uh a, mizawngte’ na a kisutte note’ inn sungah om hi.

Jeremiah 25:37

A lauhuai mahmah Topa’ hehna hangin a nop mahmah a gam uh kisiagawp hi.

Jeremiah 25:38

Topa’ namsau hangin ahi zongin a lauhuai ama’ hehna hangin ahi zongin, amau’ gam in gam simtham suak khin ahih manin humpi in a kua a nusiat bangin Topa in a mite a nusia zo hi.

Ezekiel 34:5

Tua tuute in a cing ding nei lo uh ahih manin kithehthang gawp uh a, gamlak sate’ an suak lel uh hi.