Jeremiah 12:1 - Tedim Bible

¹ Topa aw, nang tawh thu i kisel ciangin nang a tawntungin na man den hi; ahih hangin thu khat nang tungah kong dong nuam lai hi. Bang hangin mi gilote a dau pai a, mi khem hatte gualzo sese ahi hiam?

Tedim Bible Revision 2017

¹ Topa aw, nang tawh thu i kiseel ciangin nang a tawntungin na man den hi. Ahih hangin thu khat ka hong dong nuam lai hi. Bang hangin migilote daupai uh a, mi khem hatte gualzo sese ahi uh hiam?

Jeremiah 12:1 Referans Kwoze

Malakhi 3:15

I muhna bang leh, mi kiphasak teng mah in thupha ngahin nuamsa uh hi. Mi gamtatsiate ahih leh cithei bek loin, a gamtat siatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.

Late 37:1

Migilote hangin nangmah kilungsosak kei in la, a man lo-a gamta mite eng kei in!

Daniel 9:7

Topa aw, nang na hih leh na dik a, ahih hangin kote ka hih uh leh a zumhuai-in ka gamta uh hi. Judah gam leh Jerusalem khua sunga teeng Israel mite khempeuh na tungah hong thuman lo uh ahih manin, a nai a gamla gam tuamtuamah na thehthang zo hi.

JOB (Job) 12:6

Guta mite nuam takin om hit-hiat a, Pasian simmawhte nuam takin nungta hi.

Habakkuk 1:4

Thukham in thu nei zo loin a mawkna suak a, thu a manin kisem ngei lo hi. Thutang thute kileh hei-in, migilote in thuman mite zo zawsop hi.

Late 51:4

Nangma tung mahmah-ah khialin, na muhna-ah a sia ka gamta khin hi, tua ahih ciangin na thugenna-ah nang na tang a, na thukhenna ah paubaan’na om lo hi.

Late 37:35

Lebanon gam taamtaak sing banga a sang, migilo kiphasak khat ka mu hi.

Zefaniah 3:5

Ahi zongin tua khuapi sungah Topa om a, a thuman na bek semin, a khial-in gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna meel thei thei lo uh hi.

Jeremiah 11:20

Ahih hangin thuman tak-a thu khen a, mite’ lungsim leh ngaihsutna a entel a vanglian Topa aw, amaute na thukkikna kei hong musak in; bang hang hiam cih leh nang’ tungah ka thu kong ap khin hi.

Jeremiah 12:6

Bang hang hiam cih leh na sanggamte leh na innkuanpihte nangawn in nang hong zuak uh a, nang hong do ding mi honpi a kaikhawm uh hi. Kamkhum tawh nang a hong zol uh hangin um kei in,” ci-in hong dawng kik hi.

Jeremiah 5:11

Israel minamte leh Judah minamte, Topa in ka cih-inah, kei tungah hong thuman nawn het lo uh hi.

JOB (Job) 13:3

Ahi zongin note tawh kam kinial hi loin Pasian tawh kinial ka hi hi. Pasian tawh hih thu ka kinial nuam hi.

Ezra 9:15

Israel Pasian, Topa aw, nang na thutang a, ahi zongin tu ni-a a om lai ko teng nong suakta sak veve hi. Na muhna ah kote a mawhpi mah hita le ung hong hehpih in; bang hang hiam cih leh mawhna hangin nangma mai-ah kuamah om thei lo hi,” ci-in thu ka ngen hi.

Hosea 6:7

Ahi zongin ka ciamna gam a tun’ uh ciangin amaute in Adam khua-ah ka thuciamna palsat uh a, kei tungah hong thuman lo uh hi.

Isaiah 48:8

Note pen a lehheek thei na hih lam uh ka thei a, na suah tung uh akipan mi lehdo thei na hihna uh ka thei hi. Tua ahih manin tanglai akipan na bil uh kihong ngei lo a, zong na thei ngei kei uh hi.

Isaiah 41:21

Na thu uh sung un, Topa in ci hi; na lahtel nopna teng uh gen un, Jakob’ Kumpipa in ci hi.

Paunak 1:32

Bang hang hiam cih leh thu thei lote in, pilna a don loh manun sihlawh uh a,

Late 145:17

Topa pen ama sepna khempeuh ah thutang a, a gamtatna khempeuh ah hehpihna nei hi.

Late 119:137

Topa aw, nang na thuman a, na thukhennate zong thuman mahmah hi.

Late 119:75

Topa aw, na biakna ngeina kipte man hi ci-in ka thei a, na thumanna hangin kei dan nong pia hi.

Thu-hilhkikna 32:4

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

Nehemiah 9:33

Kote tungah hong tungsa thu khempeuh ah nangmah a thutang na hi a, nang citakin a om na hi a, ko a khial gamtat kha ka hi uh hi.

Late 116:5

Topa dikin thuman a, i Pasian in hehpihna nei hi.

Thuhilh-sia 8:14

Ahi zongin hih thugenna a mawknapi ahi hi. Leitunga thupiangte ngaihsun dih in: khatveivei midikte’ in migilote’ daantuah ding teng tuak zawsop a, migilote in midikte’ thaman ngah ding teng ngah zawsop uh hi. Hih thu in a hai vai, a mawkna taktak ahi hi.

Jeremiah 3:7

‘Hih teng a hih khit ciangin kei’ kiangah hong kilehkik ngawn ding hi,’ ci-a ka up hangin amah hong kilehkik tuan lo hi; tua pen numei gina lo a sanggam nu Judah in zong a mu hi.

Jeremiah 3:20

Ahih hangin thuman lo zi in a pasal a nusiat bangin Israel mite aw, Topa in kong cih in ah, no zong kei’ tungah nong thuman kei uh hi,’ ci-in va tangko in,” hong ci hi.

Jeremiah 9:2

Sehnel gamlakah khawl nading bukno khat nei thei-in ka mite nusia-in taisan thei hi leng maw! A vekpi-un angkawm hat hi khin uh a, thuman lo kim uh hi.

Jeremiah 32:16

“Neriah’ tapa Baruk kiangah kileina lai ka piak khit ciangin Topa’ kiangah thu ka ngen a,

Kah la 1:18

Topa in a thutang ahi hi. Bang hang hiam cih leh keimah in ama thu a mang lo ka hi hi. Mun khempeuh-a a om mite aw ka thu genna hong ngai un. Ka thuaknate hong mu dih un. Ka khangno numei pasalte sal-in a kipua khia hi.

Ezekiel 18:25

“Ahi zongin note in, ‘Topa’ hihna zia man lo hi,’ na ci uh hi. Israel mite aw, ka thugen hong ngai un. Keima hihna zia a man loin ngaihsun na hi uh hiam? A man lo pen nomau’ ngaihsutna zia hi zaw hi.

JOB (Job) 8:17

Ahi zongin suangtum lakah a zung a kivial, suangtawphah a phukha zung suak hi.

JOB (Job) 24:12

Khuapi sungah a liam a site’ kikona kiza napi-in Pasian in amau’ thungetnate don lo hi.

JOB (Job) 24:23

Pasian in amah a lungnuamin nungta sak a, ahi zongin amaute langpanin, encik tawntung hi.

Late 51:6

En in, nang in nuntakna sungah thumanna na deih hi; tua ahih ciangin ka lungsim tawngah ciimna hong hilh in.

Daniel 9:14

Topa Pasian aw, nangmah in kote daan pia dingin na kithawi a, na hong pia takpi hi. Bang hang hiam cih leh na hihna khempeuh thuman hi a, kote in na thu ka hong mang kei uh hi.

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.