Jeremiah 11:9 - Tedim Bible

⁹ Tua ciangin Topa in hong hopih leuleu a, “Judah minamte leh Jerusalem khuamite in kei hong langpan’ uh hi.

Tedim Bible Revision 2017

⁹ Tua ciangin Topa in hong hopih leuleu a, “Judah minamte le Jerusalem khua mite in kei hong langpang uh hi.

Jeremiah 11:9 Referans Kwoze

Hosea 6:9

Zawhthawh thu-in mi’ na sut dingin a pangsim mite bangin siampite gamta uh a, biakna pia dingin Shekhem khua-ah a pai mite nangawn, lam kal-ah that uh hi. Amaute’ gamtatna sia-huai mahmah hi.

Johan 11:53

Tua ahih ciangin tua ni-a kipan Zeisu a thah nadingun amaute kikumin a vaihawm uh hi.

Mattiu 26:15

“Kei in no khut sungah Zeisu kong piak leh, bangzahin nong guai ding uh hiam?” ci-in a dot ciangin, amau in dangka peek sawmthum ama ading a tawikhai uh hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?