Jeremiah 11:8 - Tedim Bible

⁸ Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial uh ahih manin tua sunga thute a vekpi-in ka tung sak ding hi,” hong ci hi.

Tedim Bible Revision 2017

⁸ Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial veve uh ahih manin tua sunga thute a vekpi-in ka tungsak ding hi,” hong ci hi.

Jeremiah 11:8 Referans Kwoze

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Jeremiah 7:26

ahih hangin amau in ka thu hong ngai loin, a bil uh hong ngat lo uh a, a lung uh a khauhsak uh hi. A pute a pate uh sangin a siazaw uh hi.

Ezekiel 20:8

Ahi zongin amaute in kei hong demin, ka thugen hong ngai lo uh hi. A muhdahhuai a milimte uh paikhia tuan lo uh a, Izipt pasiante zong nusia lo uh hi. Tua hi a, ka heh mahmahna teng Izipt gam sungah thuaksak gawp ning ci-in ka ngaihsun hi.–

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Jeremiah 44:17

Ahih hangin ka ciamsa uh bangin kote, ka pute ka pate, ka kumpite uh leh kumpi uliante in Judah gam khuapite leh Jerusalem khua kongzing lakah ka hih ngei uh bangin vantung kumpinu kiangah paknamtui hal-in tuidawn biakna ka hih zaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

Nehemiah 9:29

Tua hi a, na thukham lamah amaute hong kihei kik nading lim takin amaute na hilhkhol a, ahi zongin amaute kihisakin na thupiaknate don lo uh hi; a zuite tungah nuntakna a pia thei ahi na ngeina kip tungah amaute khial uh hi. Lung khauhin phengphi-in amaute kiheikhia uh a, thu mang nuam lo uh hi.

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

Jeremiah 13:10

Ka thu hong ngai nuam lo-a, amau’ ngaihsutna bang bek-a a pai tentan nuam, pasian dangte’ nasem ding leh bia dinga a nung zuih hih mi gilote in zat theih ding ahi nawn lo, hih dialkaih bang ahi ding uh hi.

Jeremiah 31:32

Tua pen, a pu a pate uh, Izipt gam pana ka lakkhiat nadingin a khut uh tawh ka kaih khiat huna ka bawl uh thu thuciamna tawh kibang lo ding hi. Tua lai-in amaute’ pasal ka hih hangin ka thuciamna a hong palsat uh hi, Topa in kong ci hi.

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.

Jeremiah 38:20

Jeremiah in, “Amaute kiangah nang hong kipia lo ding hi. Tu-a kong gen bangin Topa’ thu mang in. Tua hi leh nang adingin hoih ding a, na nuntakna hong kihu ding hi.

Jeremiah 44:5

Ahih hangin amaute in ka thu hong ngai loin a bil uh hong dawh lo uh a, a gitlohna uh panin kihei loin, pasian dangte’ kiangah paknamtui hal veve uh hi.

Jeremiah 44:16

“Topa’ min a, nong gen thute kong mang kei ding uh hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn lohna ding uh hilh uh hi. Ahi zongin amaute in ka thu ngai nuam loin, ka thu hong mang lo uh hi.

Jeremiah 7:13

Tu-in zong, hih nate khempeuh na hih uh a, kong gengen hangin hong ngai tuan loin kong sap hangin hong dawng lo na hih manun, Topa in kong cih-inah,

Jeremiah 34:14

note kianga nasem dinga hong kizuak na Hebru mipihte uh in no adingin kum guk na hong sep sak khit a kum sagihna sungin na khah khia ding uh a, na na uh na sem sak nawn kei ding uh hi, ka ci hi. Ahih hangin na pute na pate un ka thu hong ngai lo uh a, hong mang lo uh hi.

Jeremiah 35:17

Tua ahih manin keimah Topa, a vanglian Pasian, Israel mite’ Pasian in kong gen-inah: En un, Judah mite leh Jerusalem khua-a teeng mi khempeuh tungah a tung ding a, ka gen khiatsa siatna khempeuh ka tungsak ding hi. Bang hang hiam cih leh amau tungah ka gen hangin amau in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a ci hi.