Jeremiah 11:4 - Tedim Bible

⁴ Na pute na pate uh, sik haltuina meikhuk tawh a kiang Izipt gam pana ka lakkhiat ni-a ka thuciammna ahi hi. Tua ni-in, ka thu hong ngai a, kong thupiakna bangin na sep uh leh, note ka mi na hi ding uh a, keimah in note’ Pasian hi-in,

Tedim Bible Revision 2017

⁴ Tua pen na pute na pate uh, sik haltuina meikhuk tawh a kibang Egypt gam pan a ka lakkhiat ni-a ka thuciamna ahi hi. Tua ni-in, ka thu hong ngai-in kong thupiakna bangin na sep uh leh, note ka mi na hi ding uh a, kei pen noteʼ Pasian hi-in,

Jeremiah 11:4 Referans Kwoze

Thu-hilhkikna 4:20

Ahih hangin Topa in tu ni-a bangin sik meikhuk, Izipt panin ama neih mi dingin note hong la-in hong paikhiatpih khin hi.

Siampi Laibu 26:12

Keimah in note lakah omin note’ Pasian hi-in, note in keima mite na hi ding uh hi.

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

Zekhariah 8:8

Jerusalem khua sungah ka tun’pih kik ding hi. Amaute in keima mi hi-in, kei in amau’ Pasian ka hi ding a, amau tawh ka thuciamnate uh lim takin ka zui ding uh hi.

Jeremiah 24:7

Keimah Topa ka hih lam theihtheihna lungsim ka pia ding hi. Amaute in a lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, keimah in amaute’ Pasian ka hi ding hi.

1 KUMPI MASATE 8:51

(bang hang hiam cih leh amaute pen Izip panin na paikhiatpih, sik meiphual sung panin na paikhiatpih, nangma mi leh nangma luah ahi uh hi).

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Ezekiel 37:23

Amaute pen a muhdahhuai milimte tawh kininsak nawn lo ding uh a, mawhnate tawh zong kisiasak nawn lo ding uh hi. Amaute’ mawhna leh kei hong lehheknate panin ka suakta sak ding hi. Amaute a siangtho mi-in ka bawl ding a, amaute in keima mi hi-in, kei in amaute’ Pasian ka hi ding hi.

Ezekiel 36:28

Tua ciangin na pu na pate uh tungah ka piaksa gamah na teeng ding uh a, note in keima mi hi-in; kei in note’ Pasian ka hi ding hi.

Ezekiel 14:11

Israel mite in kei hong nusiat loh nading leh a mawhna uh tawh a kinitsak loh nadingun hih bangin ka hih ding hi. Amaute in keima mi hi ding uh a, keimah in amaute’ Pasian ka hi ding hi. Topa Pasian ahi keimah in hih thu ka gen hi,” hong ci hi.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute in keima mi hi-in, keimah in amaute’ Pasian ka hi ding hi.

Jeremiah 30:22

Tua ciangin note in ka mite na hi ding uh a, keimah in note’ Pasian ka hi ding hi,” a ci hi.

Jeremiah 26:13

Tua ahih manin tu-in na nuntakdante uh leh na gamtatziate uh khel un la, Topa na Pasian uh’ thu ngai un. Tua hi leh Topa in note’ kisiat nading a gensa pen a khelkik ding hi.

Thu-hilhkikna 11:27

tu ni-a no kong thupiak ahi Topa na Pasian uh thupiaknate na zuih uh leh thupha hi a,

Siampi Laibu 26:3

“Note in ka thukham zui-in ka thupiaknate mangin tuate na sep uh leh,

Piancilna 17:8

Nangma' tung leh nang’ khit cianga na suan-le-khakte’ tungah tawlkhat na omna Kanaan leitang khempeuh na neih tawntung dingun kong pia ding hi; keimah in amaute’ Pasian ka hi ding hi,” ci hi.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Zekhariah 6:15

Gamlapi-a teeng mite hong pai-in Topa’ inn lam nasep hong huh ding uh hi. Tua biakinn a kilam kik ciangin Vanglianpen Topa in note kiangah kei a hong sawlna thu na thei ding uh hi. Topa na Pasian uh’ thupiaknate cing takin na zuih nak uh leh tu-a ka gen bangin hong piang ding hi.

Ezekiel 37:27

Amaute tawh teeng khawmin, amaute’ Pasian ka hi ding a, amaute pen keima mite hi ding hi.

Jeremiah 32:28

Tua ahih manin, Topa in kong cih-inah: En in, hih khuapi Khaldea mite’ khut sung leh Babilon kumpipa Nebukhadnezzar’ khut sungah ka pia ding a, amah in a la ding hi.

Isaiah 48:10

En un, meikhuk sungah ngun a kisian’sak bangin, gimna meikhuk sungah note kong ze-et hi. Ahi zongin note pen bangmah-a kimang lo na hihna uh hong kimu khia hi.

1 SAMUEL MASA 15:22

Tua ciangin Samuel in, “ Topa in meihal biaknate leh biakpiaknate, Topa’ thu man’ ding zahin deih ahi hiam? En in, biakpiakna sangin thuman’ ding hoihzaw a, tuutal thaute sangin thungaih ding hoihzaw hi.

Paikhiatna 20:6

ahih hangin kei hong it-in ka thupiakte a zui mi a khang tul tampite' tungah itna kip a lakpa ka hi hi.

Isaiah 30:6

Negeb gam-a ganhingte tawh kisai thu: Amaute in, humpinelkai nu leh humpinelkai pa, gul gu nei leh a leengthei gulpi a omna, lungkhamna leh gimna gam nawk-in, amau’ hauhnate la nungzang leh amau sumte kalaoh thuvum tungah suanin amaute bangmah phattuamna a pia thei lo mite tungah puak uh hi.

Jeremiah 11:7

Bang hang hiam cih leh na pute na pate uh tungah Izipt gam pana ka lakkhiat pan-a kipan tuni ciang dong ka thu hong mang un, ci-in tam veipi, nakpi takin ka hilh ngitnget hi.

Jeremiah 38:20

Jeremiah in, “Amaute kiangah nang hong kipia lo ding hi. Tu-a kong gen bangin Topa’ thu mang in. Tua hi leh nang adingin hoih ding a, na nuntakna hong kihu ding hi.

Daniel 3:26

Tua ahih ciangin Nebukhadnezzar mei phualpi kong gei-ah paito a, “Shadrak! Meshak! Abednego! Sangpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Thu-hilhkikna 5:6

“Keimah in salsuahna, Izipt leitang panin nang a hong paikhiatpih Topa na Pasian ka hi hi.

2 KUMPI NIHNATE 18:6

Bang hang hiam cih leh amah in Topa kip takin len hi; amah zuihna panin kihemkhia lo a, Topa in Moses a thupiak thupiaknate zui hi.