Jeremiah 11:16 - Tedim Bible

¹⁶ Khat vei lai-in Topa in note, a hing dikdek a gah pha oliv kung tawh kong genteh hi. Ahih hangin kong hal ding a, na hiangte kang tumin a ging huhu ding hi.

Tedim Bible Revision 2017

¹⁶ Nidang lai-in Topa in note, a hing dikdek a gah pha oliv kung tawh kong genteh ngei hi. Ahih hangin kong hal dinga, na hiangte uh kangtumin ging huhu ding hi.

Jeremiah 11:16 Referans Kwoze

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Late 52:8

Ahih hangin kei ka hih leh Pasian’ inn sunga oliv kung hing tawh ka kibang hi. Pasian’ itna kip ka muang ngitnget hi.

Late 80:16

Amaute in mei tawh hal-in sattan uh hi; amaute heh-et in la, susia in.

Johan 15:6

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Mattiu 3:10

Tu-in zong sing phungah hei a om hi. A gah hoihte a gah lo kung khempeuh phuk paii-in mei sungah kikhul ding hi.

Jeremiah 21:14

Na nasepna gahte tawh kituakin nang kong daantat ding hi, Topa in kong ci hi. Tuulak-a sing hoihte tawh a kilam na kumpi innte uh mei tawh kihal ding a, a kimkot khempeuh ka kangtum sak ding hi,” a ci hi.

Late 83:2

Bang hang hiam cih leh na galte in gamlumna piang sak uh a, nang hong mudahte kiphasak uh hi.

Mangmuhna 11:4

Tua mite in leitung Topa mai-ah a om oliv kung nih, meivak koihna nih ahi uh hi.

Thu-hilhkikna 28:40

Na gam sung khempeuh uhah oliv kung na nei ding uh a, ahih hangin a thau tawh note na kizut kei ding uh hi; bang hang hiam cih leh na oliv gahte uh pulh ding hi.

JOB (Job) 8:16

Amah in nitaang sungah a khang kungno, a huan sungah a dawn hilhhelh kungno ahi hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Hosea 14:6

Amaute meeng thakin oliv kung bangin meel hoih ding a, Lebanon Mual bangin namtui ding uh hi.

Late 80:17

Ahih hangin nangma adinga na hatsak mi’ tapa, na taklam khut-a mipa tungah thahatna guan in.

Jeremiah 2:21

A kiteelteel leenggah gui ci hoihte bangin nang kong suan khin zo-a, ahih hangin nang kisia kik-in bang hangin leenggah gui a hoihlote na suak kik tazen hiam?