Jeremiah 11:13 - Tedim Bible

¹³ Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah meihal biakna tawh Baal biak nading a zum huai biakna taute na bawl tazen uh hi.

Tedim Bible Revision 2017

¹³ Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah mah, meihal biakna tawh Baal biakna ding a zumhuai biakna taute na bawl tazen uh hi.

Jeremiah 11:13 Referans Kwoze

Jeremiah 2:28

No ading-a na bawl uh na pasiante uh koiah om ahi hiam? Haksatna na tuah uh ciangin, a hong hot theih leh kihon sak ta ve un; bang hang hiam cih leh Judah gam aw, na khuapi zahzah-ah pasian na nei tazen uh hi.

2 KUMPI NIHNATE 23:13

Tua ciangin Israel kumpipa Solomon in Sidon mite’ kihhuaina Ashtoreth’ ading, leh Moabte’ kihhuaina Khemosh’ ading, leh Ammon mite’ kihhuaina Milkom’ ading a lam, Jerusalem nisuahna lam Oliv Mual leitaw lam-a om mual tunga biaknate kumpipa in susia hi.

Hosea 12:11

Gilead gamah milim biakna om a, tuate in a kiman’na om lo hi. Gilgal gamah bawngtal tawh bia uh a, lo khote in a suang deih loh teng uh a phualphualin a cian’ kawikawi tawh kibangin, a biakna taute uh bangmahin kimang lo ding hi.

Jeremiah 32:35

En-Hinnom Mualkuam-ah a tapate leh a tanute uh meihal biakna tawh Molek pasian a biak nadingun Baal biakna tau sangte a bawl uh hi. Hih a kihhuai na semin, Judah mite mawhna a bawl sak nadingun amaute ka sawl kei a, zong ka ngaihsun kha ngei beek kei hi.

Jeremiah 19:5

ka thupiak, ka sawl lah a hi lo, ka ngaihsut khak beek zong a hi lo, a tate uh meihal biakna tawh Baal biak nadingin Baal biakna tausangte a lam khin zo uh hi.

Jeremiah 7:9

Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,

Jeremiah 3:24

“Ahih hangin i neu lai-a kipan a zumhuai Baal pasian i biakna hangin i pute i pate’ nasep sa ahi tuute leh bawngte, a tapate le a tanute uh khempeuh i sum khin zo hi.

Isaiah 2:8

Amau gam in milimte tawh kidim hi; amau’ khut tawh a bawlsate, a khutmete tawh a bawlsate amaute in bia uh hi.

Jeremiah 11:17

Israel mite leh Judah mite in mei halna tawh Baal bia-in hong heh sak-a siatna a bawl manun, nang a hong phut keimah a vanglian Topa in nang’ tungah siatna tun’ nading thu kong pia zo hi,” a ci hi.

Jeremiah 19:4

Bang hang hiam cih leh hih mite in kei hong taisan khin zo uh a, amaute-a kipanin a pu a pate uh leh Judah kumpite’ theih ngei loh pasian dangte’ kiangah paknamtui a hal uh a, hih mun a ninsak uh hi. Hih mun mawhna nei lo mite thahna sisan tawh a dimsak uh a,

Jeremiah 44:21

“Judah gam khuapite leh Jerusalem khua kongzing lakah note, na pute na pate uh, na kumpite uh leh kumpi uliante akipan gamsung mi khempeuh in paknamtui halna na bawl uh ciangin Topa in tua pen a phawk lo sa na hi uh hiam? A ngaihsun lo sa na hi uh hiam?

Jeremiah 48:35

Moab gam mual sang tunga kithoihna bawl-a, milim pasiante’ tunga paknamtui a hal mite, Topa in kong cih-inah, tua bang ka hih sak nawn kei ding hi.

Ezekiel 16:24

lam gei khempeuh ah milim biak nading mun bawlin, paktatna na gamta hi.

Hosea 9:10

Topa in hih bangin gen hi. Israel kong muh cilin hoih mahmah a, sehnel gam sungah gah a zun kiuhkeuh leenggah tawh kibang hi. Na pu na pate uh ka muh cilin hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun’ uh ciangin amaute in Baal milim bia pah uh ahih manin, amau’ biak milimte ka muhdah zahin amaute nangawn ka mudah pah hi.

2 KHANG TANGTHU NIHNATE 28:25

Amah in pasian dangte tungah paknamtui hal nadingin Judah khuapi khempeuh ah mual dawn a, biak piaknate bawl a, a pu a pate’ Pasian, Topa a heh nadingin phin hi.

Jeremiah 3:25

Tua ahih manin, zumin lum ni: i minsiatna silh ni. Bang hang hiam cih leh i neulai akipan tu ni ciang dong eite leh i pu i pate in Topa i Pasian’ tungah i mawh khin zo hi. Topa i Pasian’ thu i mang kei khin zo hi,” a ci uh hi.

Jeremiah 17:1

“Judah mite’ mawhna sik laikung khat tawh kigelh hi. Suangmanpha muk zum tawh amaute’ lungtang pek tung leh biakna tau kite tungah khuak-in ki-at hi.

Jeremiah 18:15

Ahih hangin ka mite in kei hong mangngilh khin uh a, milim pasiante kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawnloin, lampi lopi a tawn uh hi.

Jeremiah 44:5

Ahih hangin amaute in ka thu hong ngai loin a bil uh hong dawh lo uh a, a gitlohna uh panin kihei loin, pasian dangte’ kiangah paknamtui hal veve uh hi.

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.