Jeremiah 11:12 - Tedim Bible

¹² Tua ciangin Judah mite leh Jerusalem khua mite in meihal biakna tawh a biak uh a pasiante uh kiangah pai-in na va thuum ding uh a, ahih hangin hih gimna hong tun’ ciangin a honkhia thei tuan kei ding uh hi.

Tedim Bible Revision 2017

¹² Tua ciangin Judah mite le Jerusalem khua mite in meihal biakna tawh a biak uh a pasian-te uhʼ kiangah pai-in a va thum ding uh hi. Ahih hangin hih gimna hong tun ciangin a hon khia thei tuan kei ding uh hi.

Jeremiah 11:12 Referans Kwoze

Jeremiah 2:28

No ading-a na bawl uh na pasiante uh koiah om ahi hiam? Haksatna na tuah uh ciangin, a hong hot theih leh kihon sak ta ve un; bang hang hiam cih leh Judah gam aw, na khuapi zahzah-ah pasian na nei tazen uh hi.

Thu-hilhkikna 32:37

Tua ciangin amah in, ‘Amau’ pasiante, a bukna uh suangpi,

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

2 KHANG TANGTHU NIHNATE 28:22

Hih Kumpi Ahaz mah pen—a lungkham hunin Topa tungah citak lo zawlai hi.

Thukhente 10:14

Pai un la note’ teel pasiante tungah ko un;’ na lungkham hun-un amaute kihonkhia sak un,” a ci hi.

Thu-hilhkikna 32:38

amaute’ biak piakna thau ne-in, leenggahzu tawh a biakna uh a dawnte koi-ah om ahi hiam? amaute thosakin note kihuh sak un la, amaute na kidalna uh hi sak un!

Jeremiah 44:8

Note in si-in, leitunga minam dang khempeuhte in kihaamsiatna-a hong zat ding uh leh a hong simmawh nadingun bang hangin na khut uh tawh milim bawl-in na teen’ nadingun na zuat uh Izipt gamah pasian dangte’ kiangah paknamtui hal-in kei hong hehsak na hi uh hiam?

Isaiah 46:7

Amaute in tua pasian pen a liangko tung uhah ngato-in pua uh a, ama om nading munah amaute in koih a, tua lai-ah om niloh hi; ama omna panin amah kinkhia thei lo hi. Mi khatpeuh in amah sam leh amah in dawng thei lo a, ama lungkhamna panin zong honkhia thei lo hi.

Jeremiah 18:15

Ahih hangin ka mite in kei hong mangngilh khin uh a, milim pasiante kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawnloin, lampi lopi a tawn uh hi.