Jeremiah 10:7 - Tedim Bible

⁷ Gam khempeuhte’ Kumpipa aw, kua in nang hong kihta lo ding ahi hiam? Nang, kihtak ding mah na hi hi. Bang hang hiam cih leh leitung mipil khempeuhte’ lak leh amau’ gamsung khempeuh lakah, nang bang mi kuamah om lo hi.

Tedim Bible Revision 2017

⁷ Gam khempeuhteʼ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amauʼ gam sung khempeuh lakah nang tawh a kibang kuamah om lo hi.

Jeremiah 10:7 Referans Kwoze

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Late 22:28

Bang hang hiam cih leh ukna in Topa aa hi a, minamte tungah amah in uk hi.

Jeremiah 10:6

Topa aw, nang bang mi kuamah om lo hi; nang na lian a, na min vanglian mahmah hi.

Jeremiah 5:22

Kei hong kihta lo na hi uh hiam? Topa in kong ci hi. Ka mai-ah liing lo na hi uh hiam? Tuipi mongah sehnel keima’ koih hi-a, tui ka dal sak tawntung hi. Tuihualte in a lawhlawh hangin zozo lo uh a, a gin’ zuazua uh hangin kantan zo tuan lo uh hi.

Late 89:6

Bang hang hiam cih leh Topa pen vantung-a kua tawh kiteh thei ding ahi hiam? Misiangthote kikhopna sungah a kizahtak Pasian, ama kim-a omte khempeuh tungah lian-in a zahtakhuai Topa pen vanmite lakah kua pen tawh kibang ahi hiam?

Luka 12:5

Kua mi na kihta ding ci-in kong gen ding hi; pumpi a thah khit ciangin hel khua sungah a khul zo Pa na kihta un. Ahi hi, tua pa na kihta un kong ci hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Isaiah 2:4

Amah in minamte khat leh khat kikal ah thukhenin, mi tampite’ thu khentat sak ding hi; amaute in a namsaute uh lo khawh na tu, a teipite uh singhiang heuhna temkawi-in seek ding uh hi; Minam khat leh minam khat kido nawn lo ding a, galdo dingin kithawi nawn lo ding uh hi.

Late 86:9

Topa aw, na bawlsa minam khempeuh hong pai-in na mai-ah hong kun ding a, nangma min hong phat ding uh hi.

Late 76:7

Ahih hangin nang zahtak-huai mahmah teh! Na heh khit phot ciangin nangma mai-ah kua ding zo ding ahi hiam?

Late 72:11

Kumpi khempeuh ama mai-ah boksuk uh hen la, minam khempeuh in ama na sem ta uh hen!

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

1 KORIN MASA 8:6

Pasian khat bek ahi Pa sung pan na khempeuh piang a, amah bek adingin eite i om a, tua Pasian khat bek i nei hi. Topa khat bek hangin eite akipan na khempeuh a pian’na, Zeisu Khazih khat bek i nei hi.

Paikhiatna 8:10

Amah in, “Zingciang,” ci hi. Moses in, “Topa ahi kote’ Pasian tawh a kibang kuamah om lo hi ci-in na theih nadingin nangma' cih bang hi ta hen.

Paikhiatna 9:14

Bang hang hiam cih leh leitung khempeuhah kei tawh a kibang khat beek om lo hi ci-in na theih nadingin hih hunin na sungtawng dong leh na nasemte leh na mihingte' tungah ka gimnate khempeuh kong tungsak ding hi.

Joshua 4:24

Topa’ khut vanglian hi, ci-in leitung mi khempeuh in a theih nading ahi hi; Topa na Pasian uh na zahtak tawntung theih nading uh ahi hi,” a ci hi.

Esther 1:13

Tua ciangin kumpipa in upadi siam a mi pilte thu dong hi; bang hang hiam cih leh upadi leh biakna lam thu theite khempeuh thu dotpen kumpipa’ zat ngei khat ahi hi;

Daniel 2:27

Daniel in, “Kumpipa aw, tua na theih nop thu a hong gen thei ding khongkhaithei, mitphial siam, aisan siam kuamah om lo hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukkhadnezzar kumpipa tungah a hong hilh zo hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, ko’ hunin zong hong hih kik in. Na heh hun ciang nangawnin zong, hehpihna lungsim hong nei in.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

2 KUMPI NIHNATE 17:39

ahih hangin Topa na Pasian uh na kihta ding uh hi; tua ciangin amah in na galte khempeuh uh khut sung panin note hong honkhia ding hi,” a ci hi.

1 KHANG TANGTHU MASATE 16:25

Bang hang hiam cih leh Topa lian a, nakpi takin phat ding ahi hi; pasian khempeuh sangin amah lamdang sak zawk ding ahi hi.

Late 47:3

Mi khempeuh eima nuai-ah, minamte i khe nuai-ah amah in hong zawhsak hi.

Late 86:8

Topa aw, pasiante lakah nang tawh a kibang kuamah om lo a, nangma’ sep bang, kuamah in sem thei lo hi.

Late 147:5

I Topa lian hi, ama vangliatna lian mahmah a, amah in thu a theihtelna pen ngaihsut zawh ding hi lo hi.