Jeremiah 10:6 - Tedim Bible

⁶ Topa aw, nang bang mi kuamah om lo hi; nang na lian a, na min vanglian mahmah hi.

Tedim Bible Revision 2017

⁶ Topa aw, nang tawh a kibang kuamah om lo hi. Nang na lian a, na min vanglian mahmah hi.

Jeremiah 10:6 Referans Kwoze

Paikhiatna 15:11

“Topa aw, pasiante' lakah kua in nang tawh kibang ahi hiam? Kua in nang tawh kibangin, siangthona-ah lianin, minthang nasepna-ah kihtakhuai-in, nalamdang sem ahi hiam?

Late 96:4

Bang hang hiam cih leh Topa lian a, nakpi tak-a phat ding ahi hi; pasian dangte khempeuh sangin amah zahtak zawk ding ahi hi.

Late 48:1

Topa lian hi, i Pasian khuapi sungah a mual siangtho sungah nakpi taka phat ding ahi hi!

Thu-hilhkikna 33:26

“Israel aw, nangmah huh dingin vantungah a tuang, a liatna tawh vanpi-ah a om, Pasian tawh a kibang kuamah dang om lo hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Late 145:3

Topa lian hi, nakpi tak-a phat ding hi a, ama liatna ngaihsut zawh ding hi lo hi.

Daniel 4:3

Pasian hong lah nalamdangte, bang zahin lian ahi hiam! A bawl nalamdangte, bang zahin vanglian ahi hiam! Pasian in a tawntungin kumpi hi ding a, Amah in a tawntungin a uk ding hi.

Late 147:5

I Topa lian hi, ama vangliatna lian mahmah a, amah in thu a theihtelna pen ngaihsut zawh ding hi lo hi.

2 SAMUEL NIHNA 7:22

Tua ahih ciangin nang na lian takpi hi, Topa Pasian aw; ka bil-un ka zakna uh tawh kizui-in nang tawh a kibang kuamah om lo a, nang sim loh Pasian dang om lo hi.

Jeremiah 32:18

Nangmah in mi tul tampite’ tungah a kikhel ngeilo itna na lak a, ahih hangin pate’ mawhnate tate’ tungah na thuk hi. A vanglian Topa a kici a lian mahmah a hat mahmah Pasian aw,

Isaiah 40:25

Tua ahih ciangin kei kua tawh hong tehkak ding na hi uh hiam? Siangtho Pa in ci hi.

Paikhiatna 8:10

Amah in, “Zingciang,” ci hi. Moses in, “Topa ahi kote’ Pasian tawh a kibang kuamah om lo hi ci-in na theih nadingin nangma' cih bang hi ta hen.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.

Isaiah 46:9

Hun lui nate phawk un; bang hang hiam cih leh keimah in Pasian ka hi a, a dang om lo hi; keimah in Pasian ka hi a, kei tawh a kibang a dang om lo hi.

Isaiah 46:5

“Note in kei, kua tawh hong kibang sakin hong kikim sak ding a, ka kibatpih dingin kua tawh hong enteh ding na hi uh hiam?

Isaiah 40:18

Tua ahih ciangin Pasian pen kua tawh tehkak ding a, amah pen bang lim tawh kibang ci ding na hi uh hiam?

Late 35:10

Ka lungsim khempeuh tawh “Topa aw, ama adinga a hat luate kiang panin a thahat lo mi a gumkhia, a neihsa a sutkhia mi kiang panin mi thahat lo a zawng a gumkhiapa ahi, nang tawh a kibang kua ahi hiam?” ka ci ding hi.

Nehemiah 9:32

“‘Tua ahih ciangin tu-in a lian, a vanglian, a kihtakhuai, itna tawh kipawl thuciamna kip takin a len kote’ Pasian aw, Assiria kumpite’ hun-a kipan tu ni dongin ka kumpite uh, ka uliante uh, ka siampite uh, ka kamsangte uh, ka pu ka pate uh leh ko mi khempeuh tungah hong tung gimnate hong neu ngaihsut sak kei in.

Nehemiah 4:14

Mite’ launa ka muh ciangin, uliante leh mi ukte leh mikhempeuh tungah, “Amaute kihta kei un. Na sanggamte, na tapate, na tanute, na zite uh leh na inn na lote uh adingin hong dosak, a lian a kihtak-huai Topa phawk un,” ka ci hi.

Thu-hilhkikna 32:31

Bang hang hiam cih leh i galte’ suangpi in eite’ Suangpi bang hi lo a, i galte thungetna a mawkna ahi hi.

Paikhiatna 9:14

Bang hang hiam cih leh leitung khempeuhah kei tawh a kibang khat beek om lo hi ci-in na theih nadingin hih hunin na sungtawng dong leh na nasemte leh na mihingte' tungah ka gimnate khempeuh kong tungsak ding hi.

1 KORIN MASA 8:6

Pasian khat bek ahi Pa sung pan na khempeuh piang a, amah bek adingin eite i om a, tua Pasian khat bek i nei hi. Topa khat bek hangin eite akipan na khempeuh a pian’na, Zeisu Khazih khat bek i nei hi.

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

1 KHANG TANGTHU MASATE 16:25

Bang hang hiam cih leh Topa lian a, nakpi takin phat ding ahi hi; pasian khempeuh sangin amah lamdang sak zawk ding ahi hi.