Jeremiah 10:20 - Tedim Bible

²⁰ Ka puanbuk hong kisuksiat sak a, a kikan’na khau khempeuh kitat khin hi. Ka tate in hong taisan uh a, tu-in om nawn lo uh hi; ka puanbuk a hong lamsak ding leh ka kongkhak puante hong khaisak ding kuamah om nawn lo hi.

Tedim Bible Revision 2017

²⁰ Ka puanbuk hong kisuksiatsak a, a kikanna khau khempeuh kitat mangkhin hi. Ka tate in hong taisan uh a, tu-in om nawn lo uh hi. Ka puanbuk a hong lamsak ding leh ka kongkhak puante a hong khaisak ding kuamah om nawn lo hi.

Jeremiah 10:20 Referans Kwoze

Jeremiah 4:20

Siatna khat khit ciang’ khat hong tung a, gamsung khempeuh kisia khin hi. Tha khat thu-in ka bukte hong kisuksiat sak a, ka puan khaite hong kek gawp hi.

Jeremiah 31:15

Topa in hong cih-inah: “Ramah khua ah aw khat kiza a, tauna leh kah ngutngutna aw ahi hi. Rachel in a tate adingin a kap hi. A tate om nawn lo ahih manin kinem zo lo hi.”

Isaiah 54:2

Na buk mun khan in la, na teen’na puanbukte kizalsak in; cil bawl kei in, na khaute sau sak in la, na khetphimte kip sak in.

Kah la 1:5

A galte gualzo uh a, amaute a nuaisiah gawp uh hi. Mawhna tampi a neih manun, Topa in tua bangin gimna a thuaksak hi. Naupangte nangawn sila dingin a kipua khia hi.

Isaiah 51:16

Vantungte zalin, lei bulpi ka phut a, Zion kiangah, ‘Nang in keima mi na hi hi. Na kam ah ka thu kong koih khin a, ka khut lim tawh nang kong hu hi,’ ka ci hi,

Paunak 12:7

Migilote in sihna tuakin ci-mang a, thuman mite nungta-in khang kizom hi.

JOB (Job) 7:8

Kei hong mu ngeipa in kei hong mu nawn lo ding a, na hong et laitak mahin ka mangthang ding hi.

Isaiah 51:18

Na tate khempeuh sung panin nang a hong makaih ding om lo a, na khoisa tapate khempeuh lak panin na khut a hong len ding om lo hi.

Micah 2:9

Ka mihingte’ numeite amau’ inn nuam panin na hawlkhia uh a, a tate un a ngah ding keima thuphate na taan paisuak sak uh hi.

Jeremiah 30:17

Bang hang hiam cih leh Topa in kong cih-inah, na galte un note paampaih mi pawl, hong ci-in, ‘Kuama’ don loh Zion na hi hi,’ hong cih uh hangin note kong cidamkik sak ding a, na liammate uh ka damsak ding hi.