Jeremiah 10:2 - Tedim Bible

² Topa in hih bangin ci hi: “Gamdangte’ omdan ciing kei un la, vantunga lim lamdangte lunghih mawhna-in ngaihsun kei un. Bang hang hiam cih leh gamdang mite in tuate a lunghih mawhpih uh hi.

Tedim Bible Revision 2017

² Topa in hih bangin ci hi: “Gamdangteʼ om dan ciing kei unla, vantung a lim lamdangte lunghihmawhna-in ngaihsun kei un. Bang hang hiam cih leh gamdang mite in tuate a lunghihmawh pih uh hi.

Jeremiah 10:2 Referans Kwoze

Siampi Laibu 20:23

Note’ mai-ah keimah in ka paihkhiat ding minamte’ ngeinate na zui kei ding uh hi; bang hang hiam cih leh amaute in hih nate khempeuh gamta uh ahih ciangin amaute ka kih hi.

Siampi Laibu 18:3

Note na ten’na uh Izipt gamah amaute a gamtat bangin note na gamta kei ding uh a, note kong paipihna Kanaan gamah amaute a gamtat bangin zong note na gamta kei ding uh hi. Note in amau’ tatziate na zui kei ding uh hi.

Ezekiel 20:32

Note in na lungsim ngaihsutna uh khentat khinin, gam danga a teeng minam dangte mah bangin sing leh suang na bia nuam uh hi. Ahi zongin note’ ut bang hi thei ngei lo ding hi.

Piancilna 1:14

Pasian in, “Sun leh zan a khen dingin vantungah khuavakte om hen; tuate pen pawi hun leh khua hun, ni leh kumte khen nading limte hi hen la,

Thukhente 6:10

tua ciangin note kiangah, “Keimah in Topa na Pasian uh ka hi hi; na teen’na uh Amor mite pasiante zahtakna na pia kei ding uh hi,’ kong ci hi. Ahih hangin note in ka thu na ngai kei uh hi,” a ci hi.

Jeremiah 10:1

Israel mite aw, note hong hopihna Topa’ kammal ngai dih un.

Thu-hilhkikna 18:9

“Topa na Pasian un note hong piak leitang na tun’ uh ciangin, tua minamte’ gamtatna a kihhuaite zuih ding na kisin kei ding uh hi.