Jeremiah 10:18 - Tedim Bible

¹⁸ Bang hang hiam cih leh Topa in, “En un, tu-in hih gam sunga teeng mite ka lawnkhia ding a, a theih nadingun a tung uhah lungkhamna ka tungsak ding hi,” a ci hi.

Tedim Bible Revision 2017

¹⁸ Bang hang hiam cih leh Topa in, “En un, tu-in hih gam sungah a teeng mite ka lawn khia dinga, a theih nadingun a tung uh ah lungkhamna ka tungsak ding hi,” a ci hi.

Jeremiah 10:18 Referans Kwoze

1 SAMUEL MASA 25:29

Nangmah delhin hong that dingin mite hong thawh leh, nangmah in Topa na Pasian kepna sung a hing mite lakah na om ding hi; amah in suang lotna kuang pan lotkhiat bangin na galte lawnkhia ding hi.

Zekhariah 1:6

Ahi zongin ka nasem ahi kamsangte’ tung tawnin ka hilhkholhna leh ka thupiaknate in note dongin hong su kha lo ding sa na hi uh hiam? Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in daan ka piakna thu phawk uh hi,’ ci in,” a ci hi.

Ezekiel 6:10

Tua ciangin kei pen Topa ka hih lamtak thei ding uh a, amaute daantah ding ka genkholhnate a mawk pau ka hih loh lam phawk ding uh hi,” hong ci hi.

Jeremiah 23:20

A lungsim sunga a tupna teng a tangtun’ sak matengin, Topa’ hehna kilehkik lo ding hi. Hong pai lai ding hunte ah note in siang takin na telzaw semsem ding uh hi.

Jeremiah 16:13

Tua ahih manin hih gam panin note leh na pu na pate un na theih ngei nai loh uh gamah kong nawhkhia ding hi. Tua lai-ah sun-le-zan-in pasian dangte’ na na sem niloh ding uh hi; bang hang hiam na cih uh leh note kong ang-van nawn kei ding hi,” a ci hi,’ na ci ding hi.

Thu-hilhkikna 28:52

Na gam sung uh a, a om na muan’ uh a sang a muan’ huai na kulhpite uh a cip khit dong matengin na khuapite khempeuh sungah amaute in note hong umcih ding uh hi; Topa na Pasian un note hong piaksa na gam sung khempeuh uhah a om na khuapite khempeuh sung uhah note hong umcih ding uh hi.

Jeremiah 22:26

Nangmah leh nang hong paai na nu, na suahna mun a hi lo gam dangah kong lawnkhia ding a, tua lai takah na si ding uh hi.

Zefaniah 1:17

Topa in hih bangin thu gen a, “Mihingte tungah lungkhamna lianpi ka tungsak ding a, amaute in mittaw bangin khua zawt ding uh hi. Keima tungah amaute hong khial uh ahih manin, tui bangin a sisan uh kithehthang ding a, a luanghawm uh, leilakah muatcip ding hi,” ci hi.

Isaiah 22:17

En in, nang mi thahatpa aw, Topa in nang hong lawnkhia gawp ding hi. Amah in nakpi takin nang hong lenin,