Jeremiah 10:16 - Tedim Bible

¹⁶ Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Tedim Bible Revision 2017

¹⁶ Jakobʼ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Jeremiah 10:16 Referans Kwoze

Thu-hilhkikna 32:9

Ahi zongin Topa’ tanh in ama mite hi a, Jakob suante pen a kipia ama luah ahi hi.

Jeremiah 32:18

Nangmah in mi tul tampite’ tungah a kikhel ngeilo itna na lak a, ahih hangin pate’ mawhnate tate’ tungah na thuk hi. A vanglian Topa a kici a lian mahmah a hat mahmah Pasian aw,

Jeremiah 31:35

Topa in sun-a khuavak dingin ni hong pia a, zan-a khuavak dingin a kikhel ngei lo kha leh aksite hong pia hi. Tuipi a lawh ciangin tuihualte ging zuazua a, ama’ min in Vanglian Topa kici hi.

Jeremiah 51:19

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, ama’ min in a vanglian Topa ahi hi.

Jeremiah 10:12

Pasian in ama’ vangliatna tawh leitung bawl a, ama’ pilna tawh leitung piang sakin, ama’ siamna tawh vantung a zalh hi.

Late 119:57

Topa pen keima tanh ahi hi; na thute zuih ding ka kiciam hi.

Late 74:2

Tanglai-a na ngahsa nangma mihonte, nangma luah minam dinga, na tatkhiatsate phawk in! Na ten’nasa Zion Mual phawk in.

Kah la 3:24

Topa longal neih dang nei lo ka hih manin, Ama tung bekah lametna ka nei hi.

Late 135:4

Bang hang hiam cih leh Topa in ama adingin Jakob teel a, ama neihsa dingin Israel teel khin ta hi.

Jeremiah 50:34

Ahih hangin amaute a Tankhiapa hat a, a vanglian Topa kici hi. Amah in leitungah kilemna a om nading leh Babilon mite in gimna a ngah nadingin, amaute adingin a sem ding hi.

Isaiah 45:7

Keimah in khuavak leh khuamial piangsakin, a pha nate leh a sia nate ka piangsak a, hih nate khempeuh a bawlpa in keimah Topa ka hi hi.

Late 73:26

Ka lungsim leh ka pumpi zawngkhal kha ding a, ahih hangin Pasian in ka lungsim hatna leh keima aa hi tawntung ding hi.

Paikhiatna 19:5

Tua ahih ciangin tu-in note in ka thu mang-in ka thuciamna na zuih uh leh mite khempeuh lak panin note in keima' neihsa na hi ding uh hi; bang hang hiam cih leh leitung khempeuh keima aa hi a,

Isaiah 54:5

Bang hang hiam cih leh nangmah hong Bawlpa in na pasal hi a, ama min in Vanglianpen Topa ahi hi; Israelte’ Siangtho Pa in nangmah hong Tankhia-pa hi a, amah pen leitung buppi’ Pasian kici hi.

Isaiah 51:15

Bang hang hiam cih leh keimah in tuipi tok gawpin tuihualte a hawksak Topa, note’ Pasian ka hi hi—Vanglianpen Topa in ama min ahi hi.

Isaiah 47:6

Ka mite’ tungah ka heh a, keima luah gamh ka ninsak hi; nangma khut sungah amaute kong pia a, nang in amaute na hehpih kei hi; a khangham mite tungah na hakkol na giksak mahmah hi.

Isaiah 47:4

Eite hong Tanpa— Vanglianpen Topa cihna min a neipa— in Israelte’ Siangtho Pa ahi hi.

Paunak 16:4

Topa in na khempeuh ngimna nei-in bawl a, migilote nangawn siatna thuak dingin a bawl ahi hi.

Late 142:5

Topa aw, nang tungah kong kiko hi; nang in keima belh na hi a, a hingte’ leitangah keima tanh na hi hi, kong ci hi.

Jeremiah 10:6

Topa aw, nang bang mi kuamah om lo hi; nang na lian a, na min vanglian mahmah hi.

Jeremiah 33:2

“Leitung bawla a kipsak Topa, a min Topa a kici Topa in kong gen-inah:

Amos 4:13

Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.

Zekhariah 2:12

Judah mite in gam siangtho sungah Topa’ neihtuam mite hong suakkik ding a, Jerusalem khua pen a it penpen khuapi hong hi kik ding hi.

Paikhiatna 34:9

Amah in, “Tu-in na muhna-ah maipha ka muh leh, Topa aw, kong thum hi, lungkhauh mite ka hita zongun kote' kiangah Topa hong pai in; kote’ mawhna leh kote’ khialhna hong maisak in la, nangma' luah dingin kote hong la in,” a ci hi.

Late 33:6

Topa’ kampauna tawh vantung piang a, ama kam pan-a husan’na tawh vantung nate a piang hi.

Isaiah 19:25

Vanglianpen Topa in amaute thupha pia in, “Ka mihingte ahi Izipt leh ka khut tawh ka sepsa ahi Assiria leh keima luah ahi Israel in thupha ngah ta hen,” ci-a thupha a piakte hi ding uh hi.

Jeremiah 46:18

“A vanglian Topa keimah in Kumpipa ka hi hi. Taber mual in mual khempeuh sangin sang zaw-in Karmel mual in tuipi tungah sangpi-in a dawktoh bangin, no hong simpa’ thahatna a lian mahmah ding hi.