Jeremiah 10:14 - Tedim Bible

¹⁴ Mi khempeuh hai-in pilna nei lo hi khin uh a, kham sekte khempeuh in a milimte uh a maizum lawh uh hi. Bang hang hiam cih leh a milimte uh zuau hi lel a, naak thei lo uh hi.

Tedim Bible Revision 2017

¹⁴ Mi khempeuh hai-in pilna nei lo khin uh a, kham seekte khempeuh in a milimte uh a maizumlawh uh hi. Bang hang hiam cih leh a milimte uh zuau hi lel a, nak thei lo uh hi.

Jeremiah 10:14 Referans Kwoze

Jeremiah 10:8

A mi pilte uh mihai mimawl ahi uh hi; sing milim in amaute bangci hilh theih mah ding ahi hiam?

Isaiah 42:17

A kisui milimte muangin, a kisung milimte kiangah, “Note in komau’ pasiante na hi uh hi,” a ci mite kinolh ding a, maizum mahmahin ki-om sak ding hi.

Isaiah 45:16

Milim a bawl amaute khempeuh in maizumna thuakin cih nading thei loin om ding uh hi.

Late 97:7

Bangmah man lo milimte a kisak theihpih, milim a bia mi khempeuhte maizumin kikoih a, ama mai-ah pasian khempeuh kun uh hi.

Isaiah 44:11

En un, ama kikholpih mite khempeuh in maizumna ngah ding hi, khutsiamte pen mi hi lel uh hi; amaute khempeuh kikhawm sakin ding sak un, amaute nakpi takin kilausak ding a, a vekpiun maizumin kikoih khawm ding hi.

Late 14:2

A pil gamtat, Pasian a zong a om uh hiam cih a theih nadingin Topa in vantung panin mihing’ tate ensuk hi.

Late 92:6

Migilote lopa bangin selkhia-in, siatna bawl khempeuh a pun’ hangin, amaute pen a tawntungin siatna a thuak ding ahi uh hi; ahih hangin, Topa aw, nang pen asangna-ah a om tawntung na hihna thu, lungsim mawl mi in theithei lo a, lungsim tei lo mi in tel thei lo hi.

Late 94:8

Thei tel un, mi lungsim mawl pente aw! Lung pillote aw, cik ciangin pil ding na hi uh hiam?

Paunak 30:2

Ka hai lua a, mihing ka sun kei hi. Mihing bangin ngaihsut siamna ka nei kei hi.

ROM (Romans) 1:25

Bang hang hiam na cih uh leh, Pasian’ thuman thutak pen thuzuau tawh a kheek uh a, a Piangsakpa nusia-in a pian’sakte a bia uh hi. Tua Topa in thupha a ngah tawntung hi. Amen.

Jeremiah 10:5

A milimte uh, tangmai huan-a vasate’ lau nading-a kikhai milimte tawh kibangin a pau thei kei uh a, lam pai thei lo uh ahih manin puak kul hi. Tuate kihta kei un; siatna bangmah bawl thei lo uh a, phatna zong bangmah bawl thei lo uh hi,” a ci hi.

1 SAMUEL MASA 5:4

Ahih hangin a zing ciang zingtungin amaute a thawh ciangin, en in, Topa’ thuciamna singkuang mai lei lakah Dagon na mai puk leuleu a, Dagon lutang leh a khutte gel kitan khia-in sangkil tungah om hi; Dagon a pumpi bek om hi.

Isaiah 57:12

Na gamtatna a manin na ngaihsun hi. Ahih hangin na gamtatnate ka pholak ding a, na milimte in nang hong huh zo lo ding hi.