Jeremiah 10:12 - Tedim Bible

¹² Pasian in ama’ vangliatna tawh leitung bawl a, ama’ pilna tawh leitung piang sakin, ama’ siamna tawh vantung a zalh hi.

Tedim Bible Revision 2017

¹² Pasian in ama vangliatna tawh leitung bawl a, ama pilna tawh leitung piangsakin, ama siamna tawh vantung a zal hi.

Jeremiah 10:12 Referans Kwoze

JOB (Job) 9:8

Amah bek in vanpi zal a, tuipi tuihualte tuancil hi.

Piancilna 1:1

A kipat cil-in Pasian in vantung leh leitung a piangsak hi.

Paunak 3:19

Topa in a pilna tawh leitung bawl a, a theihtelna tawh vantung bawl hi.

Isaiah 40:22

Leitung-a teeng mite kauphe tawh kibang, tua leitung kimkot tunga kumpi tokhom tungah a tu-pa; vantungte pen puan bangin zal-in, a sungah teen theih nadingin puanbuk bangin a zalpa;

Kolose 1:16

Bang hang hiam na cih uh leh, tua Tapa hangin Pasian in vantung ahi zongin, leitung ahi zongin-ah a om khempeuh a kimutheite, a kimu thei lote, kumpi tokhomte ahi zongin uknate ahi zongin, a sang belnate ahi zongin, vangliatna ahi zongin, na khempeuh a piangsak hi. Tua Tapa hangah ahi zongin, tua Tapa ading ahi zongin na khempeuh a piangsak hi.

Johan 1:3

Thu tawh na khempeuh a kipiangsak hi. A kipiangsak khempeuh lakah, Thu loin a kipiangsak khat beek a om kei hi.

Late 24:2

bang hang hiam cih leh amah in tuipite tungah a bul phut a, gunte tungah kipsak hi.

Zekhariah 12:1

Vanpi zalin, leitung piangsak a, mihingte tungah nuntakna a pia Topa in Israel mite tawh kisai-in thu gen a,

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Jeremiah 10:13

Amah a pau ciang vantungah tuite ging hunhun-a, leimong panin tuikhu a suaksak hi. Guah zuk nadingin khua phiasak a, a saal sung panin huih a nung sak hi.

Isaiah 49:8

Topa in ama mite kiangah, “Note hotkhiat ding hun a tun ciangin maipha kong pia ding a, huhna nong ngetna uh kong pia ding hi. Note hong kemin kong hu ding a, note tung tawnin mi khempeuh tawh thuciamna ka bawl ding hi. A kinusia na gam puahpha in a sung uhah, note a luah dingin kong teengsak kik ding hi.

Isaiah 48:13

Ka khut in leitung bulpi koih a, ka khut taklam in vantungte zal hi; amaute ka sap ciangin amaute omkhawm pah uh hi.

Isaiah 45:18

Vantungte a piangsakpa (amah Pasian!) leitung piangsakin a bawlpa (a kipsakpa; a awngthawl dingin bawl loin, teen’ nading a, leitung a piangsakpa!) Topa in hih bangin ci hi: “Keimah in Topa ka hi a, kuamah dang om lo hi.

Isaiah 45:12

Keimah in leitung ka bawl a, tua tungah mi ka piangsak hi; keima khut in vantungte zal a, keimah in vantung na honpite khempeuh thu ka pia hi.

Isaiah 44:24

Gil sung panin nangmah a hong piangsak, nangmah hong Tanpa, Topa in hih bangin ci hi: “Keimah in na khempeuh bawlin, keimah guakin vantungte zal-in, kuama seppih lohin leitung ka zal hi;

Isaiah 42:5

Vantungte piangsakin a zal, leitung phah-in a tung pan-a hong paikhia nate a piangsak, leitung a, om mite tungah husan’na pia-in, leitung a, a paite khempeuh husan’na a guan Topa Pasian in hih bangin ci hi;

Late 104:24

Topa aw, nangma sepsa bangzah takin tam! Nangmah in ciimna tawh tuate khempeuh na bawl khin hi; leitung in nangma pian’sak ganhingte tawh kidim hi.

Late 33:6

Topa’ kampauna tawh vantung piang a, ama kam pan-a husan’na tawh vantung nate a piang hi.

Paunak 30:4

Vantungah kua kah to a, leitungah hong kumsuk kik ahi hiam? Kua in a khut sungah huihte lomcip a, puanin tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh, a tapa’ min bang ahi hiam?

Late 119:90

Nangma thumanna in khang tawntungin kip hi; nangmah in leitung na kipsak a, om tawntung hi.

Late 78:69

Amah in, kip den dinga a phuhsa leitang, van sangpi bangin, ama biakinn a lam hi.

JOB (Job) 26:7

Pasian in mun awng tungah vanpi zal a, bangmah in len lopi-in leitung khai lingleng hi.

Late 104:2

Puanza bangin, khuavak tawh nang na kituam a, vantungte pen puanbuk bangin na zal hi.

Late 93:1

Topa maang hi; liatna tawh kumpipuan kisilhsak hi; Topa, kumpipuan kisilhsak a, thahatna tawh kidim hi. Hi hi, leitung kikip sak a, kiling ngei lo ding hi;

Piancilna 2:5

Topa Pasian in leitungah guah zusak loin, leitang a kho ding mi om lo ahih manin gamsung kungnote lei tungah om nai loin, lo sung ankungte a po khiat ma hun,

JOB (Job) 37:18

Limlang bangin a sak van peekpi, ama hih bangin zal zo na hi hiam?

Isaiah 37:16

“Vanglianpen Topa, Israelte’ Pasian, Kherubte tunga a tupa aw, leitung kumpi gam khempeuhte’ tungah nang bek Pasian na hi hi; nangmah in vantung leh leitung na bawl khin hi.

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Jeremiah 27:5

‘Keimah in a lian mahmah ka vangliatna tawh ka khut zan-in, leitung leh leitung-a om mite leh ganhingte ka bawl a, piaktuak ka sakte’ tungah ka pia hi.

1 KHANG TANGTHU MASATE 16:26

Bang hang hiam cih leh minam dangte’ pasiante khempeuh milim hi lel a, ahih hangin Topa in vantungte a bawlpa ahi hi.

Late 65:7

tuipi gingte, tuihual gingte, mi gamlumte a daisakpa aw,

Jeremiah 14:22

Gamdang pasian zuaute lakah guahzu sak thei khat beek a om hiam? Ahih kei leh vantung in ama’ thu-in guahzu tawmsak thei ahi hiam? Tua bang a hih thei nang bek hilo na hi hiam? Topa kote’ Pasian aw, Nangmah in tuate khempeuh hih na hih manin nang sungah lametna kong nei uh hi.