Biblia Todo Logo
Bib sou entènèt

- Piblisite -




Jeremiah 10:10 - Tedim Bible

10 Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Gade chapit la Kopi

Tedim Bible Revision 2017

10 Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiliing a, gamte in a hehna nang zo lo hi.

Gade chapit la Kopi




Jeremiah 10:10
69 Referans Kwoze  

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.


Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.


Ahih hangin nang zahtak-huai mahmah teh! Na heh khit phot ciangin nangma mai-ah kua ding zo ding ahi hiam?


Ama hehna kua in nang zo ding a, a lunghamna kua in thuak zo ding ahi hiam? A hehna meikuang bangin hong khahkhia a, ama mai-ah suangtumpi kitamzan hi.


A nungta Pasian kong deih hi. Cik ciangin keimah hong pai-in Pasian’ maitang en ding ka hi hiam?


Bang hang hiam cih leh Topa hoih hi; ama itna kip-in kho tawntung a, ama thumanna a khang a khangin a kip hi.


Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.


Nangma khut sungah keimah kong ki-ap hi; Topa, a thuman Pasian aw, keimah nong tan zo hi.


Topa in a tawntungin Kumpi hi a, ama leitang panin minamte beimang ding hi.


Ama hehna hangin leitung kipumpei in, kiveei a, mual bulpite zong lingin kising damdam hi.


Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.


A nungta Pasian khut sungah puk nading thu in a lauhuai taktak thu ahi hi.


A om tawntung Kumpipa ahi, a si thei lo, mit in a muh theih loh, khat bek a om Pasian in a tawntungin pahtawina leh minthan’na ngah ta hen. Amen.


Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.


“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.


Ahi zongin ama hong pai ni ciangin kua in thuak zo ding a, amah hong kilat ciangin kua nungta zo ding ahi hiam? Amah in, sikte a siangthosak mei, leh puante a siangthosak satpiang tawh kibang hi.


Amah a khawl ciangin leitung liing a, a et ciangin minam khempeuh liing uh hi. Taangtawng lai-a a totsa, taanglai mualliante kitamkham a, a om tawntung mualneute kimetcip hi.


Meikhuk sunga khuainun kikoih bangin, ama khe nuai-ah mual liante tuisuak ding a, mual tung panin tui a luan’sak bangin, guam sungah tua mualte luang suk ding hi.


Amah in van leh lei, tuipi leh tuate sunga omte khempeuh bawl a, a tawntungin thuman hi;


Na Kumpigam pen a tawntunga om kumpigam hi a, na ukna in khang tawntungin a kip hi. Topa pen ama thute khempeuh ah thutak a, a gamtatna khempeuhah hehpihna nei hi.


Leitung aw, suangpi bualtui khuk suak sak a, meisuang pen ciktui a suak sak, Jakob Pasian’ omna, Topa’ omna-ah kiliing in!


Ama khuaphialepte in leitung taang sak a, leitung in mu-in a liing hi.


taanglai pek panin na tokhom a kipsa hi a, nang in a tawntung-a om na hi hi.


Nang hong kizahtakna zah dingin kua in na sinso-na’ vangliatna thei a, na hehna’ husiatna thei ahi hiam?


Ke’n ka lunggulh mahmah hi, hi taktak hi, Topa’ huang sung ka lunggulh mahmah a, ka lungsim leh ka pumpi in a nungta Pasian tungah lungdamin la a sa hi.


Na vanging lianpi pingpei sungah om-in, khuaphialepte in leitung taan’ a, leitang liingin kising hi.


Amah in leitung lokgawp a, a khuampite kiliing hi.


Hun saupi sung Israel in Pasian man tawh om lo, thu a hilh siampi tawh om lo, thukham tawh om lo hi;


Mi khempeuh in tua thu a muh uh ciangin a mai uh lei lam ngatin puk uh hi; amaute in, “Topa in Pasian ahi hi; Topa in Pasian ahi hi,” a ci uh hi.


Na nasempa in humpinelkai leh vomte that khin ngei hi; amah in a nungta Pasian' galkapte ninsak ahih manin dawibia hih Filistiapa in tuate khat tawh kibang ding hi,” a ci hi.


David in ama kianga ding mite kiangah, “Hih Filistiapa that-in Israelte tung panin hih mindaina a beisakpa adingin bang kihih ding ahi hiam? Amah in a nungta Pasian’ galkapte a to dingin hih dawibia Filistiapa in kua ahi hiam?” a ci hi.


“Topa aw, Seir panin na paikhiat ciang, Edom gam panin na paikhiat ciang, leitung liing hi. Vantung panin guahzu hi, hi hi, meiite in tui hong khia hi.


Bang hang hiam cih leh a si thei mihing khempeuh sung panin eite’ zak bangin mei sung panin a nungta Pasian a paukhiatna awging za-in, a nungta lai kua om ahi hiam?


Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.


Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.


Zeisu pau loin a om hi. Siampi ukpa in, “Nang, Pasian’ Tapa Khazih na hi hiam, na hi kei hiam kote kiangah nong gen nadingin a nungta tawntung Pasian min tawh ka hong sawl hi,” a ci hi.


Simon Piter in, ‘Nangmah in a nungta Pasian’ Tapa, Khazih na hi hi,” a ci hi.


Mualliante in nang hong muh ciangin liing uh a, van panin guah tampi hong zu hi. Lei nuai-a om tuite ging zuazua a, a tuihualte in sangpipi banto hi.


Ama mi honpite tam mahmah uh ahih manin, amaute thu pia-in a mai uh-ah Topa awng a, ama thupiakna banga a semte hat mahmah uh hi. Topa’ ni ding nak kihtakhuai mahmah ahih manin, kua in thuak zo peuhmah ding ahi hiam?


Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.


Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.


A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.


Pasian hong lah nalamdangte, bang zahin lian ahi hiam! A bawl nalamdangte, bang zahin vanglian ahi hiam! Pasian in a tawntungin kumpi hi ding a, Amah in a tawntungin a uk ding hi.


‘Topa’ thugen in vangik khat ahi hi,’ ci-in a gen nawn kei ding uh hi. Bang hang hiam na cih uh leh note’ thu genna note’ vangik ding ahi zaw hi. Note in eite’ Pasian ahi a nungta Pasian, a vanglian Topa’ thu gennate na lumlet gawp uh hi.


Topa aw, na bil hong ngat in la, hong za in; Topa aw, na mit hak in la, hong mu in; Sennakherib in a nungta Pasian a zahkona, hong khak thute khempeuh za in.


A nungta Pasian zahko dingin ama topa, Assiria kumpipa in a sawl a galkap mangpa’ thugennate, Topa na Pasian in za hen la, tua bang thu a gente daantat ta hen. Tua ahih ciangin a om lai i mite’ adingin thungen in,’ a ci hi,” ci-in a gen uh hi.


Topa in thu pia hi; hih thu a pua mihonte tam mahmah hi:


Abraham in Be-ersheba-ah makeng kung khat suan a, tua lai munah Tawntung Pasian, Topa’ tungah thungen hi.


leitung mi khempeuh in Topa in Pasian hi, kuamah dang om lo hi, ci-in thei ding uh hi.


Tuicin tungah Topa tu hi; a tawntung kumpi hihna tawh Topa tu hi.


nangmah Pasian na om manin lei lingin, vantungte in guah zusak hi; Pasian ahi, Israelte’ Pasian’ omna-ah Sinai mual nangawn ling hi.


Mual liante leitang leh leitung na bawl mapek, a tawntunga kipan a tawntung dongin nangmah in Pasian na hi hi.


En un, minamte pen tui phelkhai khat pan-a tuimal taak khat tawh kibang a, tawi tehna tunga leivui neng baang bangin kingaihsun hi; en un, amah in tuikulhte pen leivui neel bangin tawmto lel hi.


Leitungah thupha a kipiak ding a ngenpa in thuman Pasian min tawh thupha a kipiak ding ngen ding a, leitungah thuciamna a lapa in thuman Pasian min tawh a ciam ding hi; bang hang hiam cih leh a beisa huna haksatnate kimangngailh khin a, beimang khin ta hi.


‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.


Mualte ka et leh kiliing damdam uh a, mualneute kileh kawikawi uh hi.


A pukna uh gin’ ngaih lua ahih manin leitung a kiliing ding hi. A kahna aw uh, gam khempeuh ah a kiza ding hi,” a ci hi.


Babilon gam in na sa-in, kitom-in a liing hi; bang hang hiam cih leh ama tunga Topa’ ngimna a tangtung a, Babilon gam simtham suak sakin kuamah a teengsak kei hi.


Joshua in, “A nungta Pasian note lakah a omna hih thu tawh na thei ding uh hi, amah in pel loin note mai panin Kanaan mite, Hit mite, Hiv mite, Perez mite, Girgash mite, Amor mite, leh Jebus mite hawlkhia ding hi.


Topa aw, liatna, leh vangliatna, leh minthan’na, leh gualzawhna, leh min liatna in nangma’ aa ahi hi; bang hang hiam cih leh vantung leh leitungah a om khempeuh in nangma’ aa ahi hi; Topa aw, kumpigam in nangma’ aa hi a, tuate khempeuh tungah nang a lutangin hong kisangsak hi.


leitung mite’ thu a manin khen a, a kilawm bangin mite’ thu khen hi.


Ahi zongin Pasian in tanglai pek-a kipan kumpi hi a, leitungah hotkhiatna a sem ka Kumpi ahi hi.


Vantung panin nangmah in thukhenna na genkhia hi; gimna a thuak leitung mi khempeuh hon dingin Pasian in thu khen ding hong kipat ciangin leitung lau-in taang loin om hi.


Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.


Thei nai lo na hi hiam? Za nai lo na hi hiam? Topa pen tawntung Pasian hi a, leitung mong khempeuh a Piangsakpa ahi hi. Amah gim lo a, zong tawl lo hi; ama thu theihtelna kigen zo lo hi.


Amah in gumkhiapa leh tankhiapa hi a, vantung leh leitungah, lim leh nalamdangte a bawl hi. Humpinelkaite’ thahatna panin, Daniel a suakta sak hi,” a ci hi.


Ama mai-ah mualliante liing a, Mualneute tuisuak hi. Ama mai-ah leitang kicim a, leitung leh a tunga om khempeuh liing uh hi.


Swiv nou:

Piblisite


Piblisite