Jeremiah 1:9 - Tedim Bible

⁹ Tua ciangin Topa in a khut tawh hong zam phei-in ka muk hong lawn sak-a hong hopih hi. “En in, ka thute na kam sungah kong koih khin zo hi.

Tedim Bible Revision 2017

⁹ Tua ciangin Topa in a khut tawh hong zam phei-in ka muk hong lawnsakin hong hopih hi. “En in, ka thute na kam sungah kong koih khinzo hi.

Jeremiah 1:9 Referans Kwoze

Luka 21:15

Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi.

Luka 12:12

Bang hang hiam na cih uh leh, na gen ding uh thu tua hun lai takin, Kha Siangtho in hong hilh ding hi,” ci-in a gen hi.

Isaiah 51:16

Vantungte zalin, lei bulpi ka phut a, Zion kiangah, ‘Nang in keima mi na hi hi. Na kam ah ka thu kong koih khin a, ka khut lim tawh nang kong hu hi,’ ka ci hi,

Isaiah 50:4

Thugenna tawh a lunggim mite tha a pia thei kammal ka theih nadingin, Topa Pasian in ka gen ding thu hong hilh khin hi. Ama hong hilhnate a ngai dingin zingsang simin hong phong hi.

Mattiu 10:19

Ahih hangin amaute in note hong piak uh ciangin, bang ka ci pau ding hiam, bang thu ka gen ding hiam ci-in lunghimawh kei un. Bang hang hiam na cih uh leh, na gen ding uh thu tua lai takin na ngah ding uh hi.

Jeremiah 5:14

Tua ahih manin Topa, a vanglian Pasian in hong gen-inah: “Amaute in tu-a bangin gen uh ahih manin na kam sunga mei banga ka kuan’sak ka thute in sing tawh kibang hih minamte kangtum zaw ding hi.

Ezekiel 3:10

Tua khit ciangin amah in thu hong gen thuah lai a, “Ezekiel aw, nang tungah kong thugen khempeuh lim takin ngai in la, ciamteh in.

Isaiah 49:2

Amah in ka kam, namsau hiam bangsak a, ama khut liim tawh kei hong hu hi; amah in a kinawtngil thaltang bangin kei hong bawl a, a hiamsa-in zat pah dingin a thallawng sungah kei hong koih hi.

Marka 7:33

Zeisu in tua pa mihonpi lak pan samkhia a, gam daihna munah a paipih khit ciangin, a khutmete a bil lang nih sungah guangin, a cil phih a, a leii zong a lawng hi.

Gamlak-vakna 23:5

Topa in Balaam’ kamah thu guang a, “Balak kiangah ciahkik in la, hih bangin na gen ding hi,” a ci hi.

Thu-hilhkikna 18:18

Amau’ sanggamte lak panin nang tawh a kibang kamsang khat amaute adingin ka khangsak ding hi; ama kam sungah ka thute ka guan’ ding a, amah ka thupiak khempeuh amah in amaute tungah gen ding hi.

Jeremiah 36:2

“Laizial khat la in la, tua sungah Josiah kumpi a suah kum, nang kong hopih masak hun-a kipan tuni ciang dong Israel gam, Judah gam leh gamdang khempeuhte’ lang khatah ka thugente khempeuh gelh in.

Daniel 10:10

Tua lai takin khut khat in kei hong lenin, ka khut leh ka khuk-ah hong phong to a, liing kankan kawmin ka ding to hi.

Daniel 10:16

Tua ciangin pasal mel tawh a kibang mi khat thakhatin ka mai-ah hong suak-a ka muk a hong lawn’sak hi. Tua ciangin kamka-in thugen dingin ka kisa hi. Ka mai-a dingpa kiangah, “Topa aw, ka mangmuhna in ka tha hong zawsak lua ahih manin ka ci liin a pha thei kei hi.

Thu-hilhkikna 18:16

note in, ‘Si kha ding ka hih manin Topa ka Pasian’ aw hong zasak kik kei in,’ ci-in na kikhop ni-un Horeb ah Topa na Pasian uh tung pan na deih bang uh hi ding hi.

Thu-hilhkikna 18:17

Topa in kei kiangah, ‘Amaute in a gensa uh thu in a man taktakin ci uh hi.

Isaiah 59:21

Note tawh hih bangin thuciamna ka bawl hi: Nang tunga a om ka kha leh na kamsung a, ka koih keima thukhamte leh ka thuhilhnate note tungah kong pia khin a, tu-a kipanin a tawntungin note in tua thute zui-in na suan na khakte uh kam pan paikhia lo ding a, a khang khangin na maimangsak kei ding uh hi,” a ci hi.

Jeremiah 15:19

Tua ahih manin Topa in, “Nong kilehkik leh kong koihna ngei ah kong koih ding a, ka na na semkik ding hi. Thu manpha lo gen loin thu manpha na gen leh, ka kamsang-in kong zang ding hi. Amaute nang kiangah hong pai ding uh a, nang na hih leh amau’ kiangah na pai kei ding hi.

Jeremiah 34:6

Jeremiah in zong hih thu teng khempeuh Jerusalem khua-a Judah kumpipa Zedekiah kiangah a gen hi.