Jeremiah 1:8 - Tedim Bible

⁸ Amaute kihta kei in, bang hang hiam cih leh nangmah hong dal dingin kong ompih hi, Topa in kong ci hi,” hong ci hi.

Tedim Bible Revision 2017

⁸ Amaute kihta kei in; bang hang hiam cih leh nangmah a hong hu dingin ka hong ompih hi, Topa in kong ci hi,” hong ci hi.

Jeremiah 1:8 Referans Kwoze

Joshua 1:5

Na nuntak sung tawntung kuamah in na mai hong khak zo lo ding hi; Moses tawh ka om mah bangin nang tawh zong kong om ding hi; nang kong tamasak kei ding a, kong nusia kei ding hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Isaiah 51:7

“Thumanna a thei, na lungsim sung uhah keima thu a vom mite aw, ka thu ngai un; mihingte’ kosiatna kihta kei un la, amaute’ simmawhna hangin lungkia kei un.

Thu-hilhkikna 31:6

Thahat un la, hang un, lau kei un la, amaute kihta kei un: bang hang hiam cih leh note tawh hong paipa in Topa na Pasian uh ahi hi; note hong cimawhsak lo ding a, hong nusia lo ding hi,” a ci hi.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Thu-hilhkikna 31:8

Na mai-ah a paipa in Topa ahi hi; amah in nang tawh hong om ding a, nang hong cimawhsak loin, zong hong nusia lo ding hi; lau kei in la, lungkia kei in,” a ci hi.

Paikhiatna 3:12

Amah in, “Nang tawh kong om taktak ding hi; hih in nangma adingin nangmah kong sawlna lim hi ding hi: nangmah in Izipt panin mihingte na paikhiatpih khit ciangin, nang in hih mual tungah Pasian’ na na sem ding hi,” ci hi.

Sawltak 18:10

Bang hang hiam na cih leh, nangmah tawh hong omkhawm ka hih manin kuamah in nang hong doin hong liamsuah kei ding hi. Bang hang hiam na cih leh, hih khua sungah keimah in mi tampi ka nei hi,” a ci hi.

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Sawltak 26:17

hilh a, teci-a pang za-ah nang kong koih nadingin nang kiangah ka hong kilang zo hi.

Sawltak 4:29

Tu-in Topa aw, amau tawn’na thu na ciamteh in la, cinatna a damsak nadingin na khut na zan lai takin na silate in,

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 10:26

“Tua ahih ciangin, amaute na kihta kei un. Bang hang hiam na cih uh leh, a kilak lo dinga kisincip bangmah om lo hi. A kithei lo dinga bu bangmah om lo hi.

Jeremiah 20:11

Ahih hangin Topa in a kihtak huai gal hangpa bangin, kei tawh hong omkhawm gige hi. Tua ahih manin kei hong bawlsiate a tuk ding uh a, kei hong zo lo ding uh hi. A tawntunga a mindaina uh kimangngilh ding hi.

Jeremiah 1:17

Tua ahih manin Jeremiah aw, na kawng gak in, Tho in la, kong sawl khempeuh amaute’ kiangah va gen in. Amaute kihta kei in; na kihtak leh amau mai-ah kong lau sak zawlai ding hi.

Isaiah 51:12

“Kei, keimah in note hong hehnempa ka hi hi; lopa bang ahi, a si thei mi, mihing tate lellelte bang hangin kihta na hi uh hiam?

Jeremiah 1:19

Amaute in nang’ lang khatah hong do ding uh hi. Ahih hangin a hong zo kei ding uh hi; bang hang hiam cih leh, Topa in kong cih-inah, nangmah hong dal dingin kong ompih ding hi,” hong ci hi.

Jeremiah 30:11

Bang hang hiam cih leh Topa in kong cih-inah, a hong honkhia dingin note kong ompih hi. Note kong theh thangna gamte khempeuh ka susia khin ding a, ahih hangin note kong susia kei ding hi. A kilawm zahin kong thuhilh ding a, daantat loin kong mawk nusiat kei ding hi.

Jeremiah 39:11

Babilon kumpipa Nebukhadnezzar in Jeremiah’ thu tawh kisai-in kumpi cing galkap mangpa Nebuzaradan thu pia a,

Jeremiah 42:11

Na kihtak uh Babilon kumpipa kihta nawn kei un. Topa in kong cih-inah, lau nawn kei un. Bang hang hiam cih leh amah’ khut sung pana hong honkhia ding leh hong lakhia dingin keimah in kong ompih hi.

Daniel 3:17

Mei phualpi sung panin hong honkhia thei pasian a om leh ka biak ka Pasian uh hi ding a, na khut sung panin a hong honkhia ding hi.

Daniel 3:25

“Tua ahih leh bang hanga meikuang sungah mihing li a kawi paipai mu ka hi hiam? Amaute lah kihen cip lo a, liam zong liam tuak beek lo uh hi — a lina penpa hoh pasian khat tawh a kibang hi,” ci-in a dawng hi.