Jeremiah 1:17 - Tedim Bible

¹⁷ Tua ahih manin Jeremiah aw, na kawng gak in, Tho in la, kong sawl khempeuh amaute’ kiangah va gen in. Amaute kihta kei in; na kihtak leh amau mai-ah kong lau sak zawlai ding hi.

Tedim Bible Revision 2017

¹⁷ Tua ahih manin Jeremiah aw, kithawi in. Pai inla kong sawl khempeuh amaute kiangah va gen in. Amaute kihta kei in; na kihtak leh amauʼ mai ah kong lausak zaw lai ding hi.

Jeremiah 1:17 Referans Kwoze

1 KUMPI MASATE 18:46

Tua ciangin Topa’ vangliatna Elijah tungah om hi; amah in a kawng gakin Jezre-el lutna dongah Ahab mai-ah na tai hi.

1 PETER MASA 1:13

Tua ahih ciangin lungsim kawnggak gakin om un la, khuaval zulhtat loin Zeisu Khazih a kilat ciangin note kiangah hong tung ding hehpihna thupha lamen khin takpi-in om un.

Luka 12:35

“Note in na kawng uh gak un la, meivak vaksa-in na om un.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thu genna a za mipa in ka thu genna mah man takin gen ta hen. Buhtu leh buhtang bangci kibat theih ding ahi hiam? Topa in kong ci hi.

Paikhiatna 7:2

Nang kong thupiak khempeuh na gen ding hi; ama' leitang panin Israel mite a paikhiatsak nadingin Faro' tungah na sanggampa Aaron in gen ding hi.

JOB (Job) 38:3

Kipasal sakin dingto in la, kong thudot dingte hong dawng in.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Sawltak 20:20

Note ading thupha khat beek siit loin mi kikhopna sungah ahi zongin, inn khat pan inn khatah ahi zongin, ka hong hilh hi.

Paikhiatna 3:12

Amah in, “Nang tawh kong om taktak ding hi; hih in nangma adingin nangmah kong sawlna lim hi ding hi: nangmah in Izipt panin mihingte na paikhiatpih khit ciangin, nang in hih mual tungah Pasian’ na na sem ding hi,” ci hi.

1 KORIN MASA 9:16

Lungdamna Thu ka hilh manin kisaktheih nading thu om lo hi. Bang hang hiam na cih uh leh, thu hilh loin ka om thei kei hi. Thu ka hilh kei leh, gimna ka thuak hi.

Jonah 3:2

“Kithawi in la, a lian mahmah Nineveh khuapi-ah va pai-in kong gen sa thu va tangko in,” a ci hi.

Jeremiah 17:18

Kei a hong bawl siate na zahhuaisak in la, ahih hangin kei hong zahhuai sak kei in. Amaute na lungamsak in, ahih hangin kei hong lungamsak kei in. Amaute’ tungah siatna ni tungsak in la, a zah nih-in susia in!

2 KUMPI NIHNATE 4:29

Amah in Gehazi kiangah, “Na kawnggak gak in la, na khutah ka ciangkhut tawi-in pai in. Mi khatpeuh tawh na kituah leh amah hopih kei in; mi khatpeuh in nang hong hopih leh dawng kei in; tua ciangin naupang’ mai tungah ka ciangkhut va nga in,” a ci hi.

1 THESALONIKA MASA 2:2

Note in na theih uh mah bangin kote in Filippi khua-ah zawn’khalna leh bawlsiatnate ka thuak khit uh ciangin, i Pasian suangin nakpi-in nialna tawh Pasian’ Lungdamna Thu nomau kiangah lau loin ka hong hilh uh hi.

2 KUMPI NIHNATE 9:1

Tua ciangin kamsang Elisha in kamsangte’ sung pan khat samin ama kiangah, “Kithawi in la, hih sathau um tawi-in Ramoth-gilead ah va pai in.

2 KUMPI NIHNATE 1:15

Tua ciangin Topa’ vantungmi in Elijah kiangah, “Amah tawh paisuk in; amah kihta kei in,” a ci hi. Tua ahih ciangin amah ding-in kumpipa kiangah amah tawh paisuk a,

Jeremiah 1:18

En in, hih gambup langah ding dingin, Judah kumpite, uliante, siampite leh hih gam mi khempeuh langpan’ dingin tu ni-in nang, khuapi muanhuai khat bangin ahi zongin, sik khuampi khat bangin ahi zongin, sumngo kulhpi khat bangin ahi zongin kong bawl hi.

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Jeremiah 26:12

Tua ciangin Jeremiah in kumpi ulian khempeuhte leh mi khempeuhte’ kiangah, “Topa in na zaksak uh ahi hih biakinnpi leh hih khuapi lang khatah ka gen thu khempeuh a gen dingin kei hong sawl hi.

Jeremiah 36:8

Neriah’ tapa Baruk in zong Topa’ biakin sungah laizial sunga Topa’ kammal sim khiat dinga kamsangpa Jeremiah’ sawl bangbangin a hih hi.

Kah la 3:57

Na hong dawng a, lau lo dingin thu nong pia hi.