Jeremiah 1:13 - Tedim Bible

¹³ Topa in a nih veina hong hopih leuleu-a, “Bang na mu hiam?” ci-in hong dong hi. Kei zong, “Beel a so khat ka mu-a, a leilu lam panin hong awnsuk hi,” ka ci hi.

Tedim Bible Revision 2017

¹³ Topa in a nih veina hong hopih leuleu a, “Bang na mu hiam?” ci-in hong dong hi. Kei zong, “Beel a so khat ka mu a, leilu lam panin hong awn suk hi,” ka ci hi.

Jeremiah 1:13 Referans Kwoze

Ezekiel 11:7

Tua ahih ciangin Topa Pasian ahi keimah in note kiangah kong gen thu in: Hih beel tawh kibang hi, na cih uh man hi. Beel sunga om sa pen na thahsa uh misi luanghawmte ahi hi. Ahi zongin note ahih leh khuapi sung panin kong lawnkhia ding hi.

Ezekiel 11:3

Amaute in, ‘A sawt loin innlamna panin a meet i ngah ding hi. Hih khuapi in anhuanna beel tawh kibang a, eite in a sunga om sa kihuan tawh i kibang hi. Eite pen mei in hong kang thei lo ding hi,’ ci uh hi.

Zekhariah 4:2

Amah in, “Bang na mu hiam?” ci-in hong dong hi. Kei zong, “Kham tawh a kibawl meivakkhuam khat ka mu hi. Tua meivakkhuam in meivak sagih nei a, meivak tui koih nading hai khat zong a khuam dawnah om hi. Tua meivak sagihte in meivakkhau nei ciat uh hi.

Piancilna 41:32

Faro’ mang nih a phakna pen tua thu in Pasian’ sehsa hi, a cih nopna hi a, Pasian in tomno sungin hong tungsak ding hi.

Jeremiah 24:3

Topa in hong hopih a, “Jeremiah aw, bang na mu hiam?” ci-in hong dong hi. Kei zong, “Theigah ka mu hi. A limcite limci mahmah a, a limci lote limci lo lua ahih manin nek theih ding bang hi lo hi,” ka ci hi.

Isaiah 55:11

keima kam panin a paikhia ka thu zong tua mah bang ding hi; a hawmpi-in kei kiangah hong tungkik lo ding a, keima ngimna-sa bangin tangtung sakin, amah ka sawlna thu tangtun’ ding hi.

Ezekiel 12:28

Tua ahih ciangin Topa Pasian ahi keima thu genna: ‘Zekai cih om nawn lo ding a, ka gensa bangin tung ding hi. Topa Pasian ahi keimah in ka gen khin zo hi,’ ci hi,’ ci-in gen in hong ci hi.

Amos 8:2

Topa in, “Amos aw, bang na mu hiam?” hong ci a, “Seeng sunga kikoih singgah min ka mu hi,” ci-in ken zong ka dawng hi. Tua ciangin Topa in, “Ka mi Israelte adingin a bei hun uh tung ta hi. Amaute daan ka piak ding ka khawl nawn peuhmah kei ding hi.