Jeremiah 1:1 - Tedim Bible

¹ Benjamin gam Anathoth khua-a siampi khat ahi, Hilkiah’ tapa Jeremiah thu gente hih bang ahi hi.

Tedim Bible Revision 2017

¹ Benjamin gam Anathoth khua-a siampi khat ahi Hilkiahʼ tapa Jeremiahʼ thugente hih bang ahi hi.

Jeremiah 1:1 Referans Kwoze

Ezekiel 1:3

Tua Babilon gam Khebar Gun gei-ah ka om lai takin siampi Buzi’ tapa keimah Ezekiel in Topa’ hong thugenna ka za a, ama vangliatna zong kei tungah hong tun’na ka phawk hi.

Jeremiah 11:21

Tua ahih manin hong that nuam a, “Topa’ min tawh thu hilh kei in. Na hilh leh kote’ khutlum-in na si ding hi,” a hong ci Anathoth khua mite tawh kisai-in

2 KHANG TANGTHU NIHNATE 36:21

Tua sungin Israel leitang in a sabbathte a kicingin na tang hi. Kamsang Jeremiah tung tawnin Topa’ thugen a tun’ nadingin kum sawmsagih a cin’ nadingin leitang a kinusiat sung khempeuh leitang in sabbath tawlngakna a tang ahi hi.

1 KHANG TANGTHU MASATE 6:60

tua ciangin Benjamin minamte’ gam sung panin Geba a lonona gamte tawh, Alemeth a lonona gamte tawh, leh Anathoth a lonona gamte tawh ahi hi. Amau’ innkuan khempeuh’ khuapite in sawm-le-thum ahi hi.

Amos 7:10

Beth-el a, om siampi Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gamsung siasak ding hi.

Amos 1:1

Tekoa khua-a teeng tuucingte lakah Amos a kici mi khat om hi. Uzziah in Judah kumpi hi-in, Joash’ tapa Jeroboam in Israel kumpi a sep laitak, zinlin’ ma kumnih hun lai takin, Pasian in Amos tungah hih thute kilangsak hi.

Isaiah 1:1

Judah gam kumpite ahi Uzziah, Jotham, Ahaz leh Hezekiahte’ hun lai in, Amoz’ tapa Isaiah in Judah gam leh Jerusalem khua tawh kisai a muh mangmuhnate in:

Isaiah 2:1

Judah gam leh Jerusalem khua tawh kisai Amoz’ tapa Isaiah muhna thu in:

Mattiu 2:17

Pasian’ kamsangpa Jeremiah in a gensa bangin tua lai takin a tung hi.

Mattiu 16:14

Amaute in, “Mi kimkhat in, ‘Baptaizpa Johan,’ a ci uh hi. Kimkhat in, ‘Elijah’ a ci uh hi. Midangte in, ‘Jeremiah akipan Pasian’ kamsangte khatpeuh hi,’ a ci ciat uh hi,” ci-in a gen uh hi.

Mattiu 27:9

Pasian in kamsangpa Jeremiah tungah, “Israel mite in a man a tansa mipa man dangka sawmthum a la uh a,

1 KUMPI MASATE 2:26

Tua ciangin siampi Abiathar kiangah kumpipa in, “Nangma mun leh gam a omna Anathoth ah ciah in; bang hang hiam cih leh na sih ding a kilawm ahi hi. Ahih hangin nangmah in ka pa David’ mai-ah Topa Pasian’ thuciamna singkuang na puakna leh ka pa’ gimna ah na gim khopna hangin tu tungin nang kong that kei ding hi,” a ci hi.

2 KHANG TANGTHU NIHNATE 35:25

Jeremiah in zong Josiah hangin kah la phuak hi; pasal lasate leh numei lasate khempeuh in tu ni dongin amau’ kahna ah Josiah tamlawh uh hi. Amaute in Israel sungah hih thu biakna ngeina kipin bawl uh hi; en in, Kah La sungah tuate kikhum hi.

2 KHANG TANGTHU NIHNATE 36:12

Amah in Topa a Pasian’ muhna ah a sia gamta hi. Topa’ kam panin thu a gen kamsang Jeremiah’ mai-ah amah kiniamkhiat lo hi.

Ezra 1:1

Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

Isaiah 10:30

Gallim khuamite aw, nakpitakin kiko un; Laisah khuamite aw, ngai un! Anathoth khuamite aw, amah dawng un:

Jeremiah 29:27

Bang hangin note’ kiang a, thu hong hilh Anathoth khuami Jeremiah taai lo na hi hiam?

Daniel 9:2

Amah kumpi a suah zawh a kum masa kumin keimah Daniel in, Topa in kamsang Jeremiah tunga Jerusalem kum sawmsagih sung kisia ding hi, ci-a a genna laibute simin, tua thute ka ngaihsun hi.

Ezra 2:23

Anathoth khuami zakhat leh sawmnih-le-giat ahi hi.

Jeremiah 30:1

Topa in Jeremiah hopih a,

Jeremiah 37:12

Tua laitakin Jeremiah zong Jerusalem khua panin a behte kiangah a gamh luah teng la dingin Benjamin gamah pai dingin a dingkhia hi.