Jeim 5:9 - Tedim Bible

⁹ Ute naute aw, thukhenna tawh na kipelh nadingun khat leh na kiphunsan kei un. En un, kongkhak kiangah Thukhenpa ding-in a om hi.

Tedim Bible Revision 2017

⁹ Sanggamte aw, Pasian in note tungah thu hong khen khak loh nadingin khatlekhat na kiphunsan kei un. Thukhen ding pa hong nai mahmah ta a, hong tung dektak ta hi.

Jeim 5:9 Referans Kwoze

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte na it ding uh hi: keimah in Topa ka hi hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

Jeim 4:11

Ute naute aw, khat leh khat na kikosia kei un. A u a nau a kosia mi ahi zongin, a u a nau thukhen mi ahi zongin Pasian’ Thukham a kosia hi; Thukham tungah thu a khen hi. Pasian’ Thukham tungah thu na khen uh leh, Pasian’ thu zui na hi kei uh hi; Thu a khen na hi uh hi.

Mattiu 24:33

Tua mah bangin ka gensa khempeuh na muh uh ciangin, Mihing Tapa kongbiang dongin hong nai zo hi, ci-in na thei ta un.

1 PETER MASA 4:9

Phun loin khat leh khat zin na kido un.

Piancilna 4:7

Lim takin hih lecin, nang hong kisang lo ding ahi hiam? Lim takin na hih kei leh nang hong hih nuamin mawhna in na kongah hong buk a, nang hong uk nuam hi. Ahih hangin nang in tua mawhna na zawh ding ahi hi,” ci hi.

Galati 5:26

Khat leh khat kibawlsiatna, khat leh khat kihazatna tangin mawkna minthan’nate lunggulhin om kei ni.

1 PETER MASA 4:5

Tua mite in a nungta mite leh a si mite tungah thukhen dingin a om kholpa mai-ah thusuahna a thuak ding uh hi.

Galati 5:14

Bang hang hiam na cih uh leh, “Na pumpi na it bangin na lawmte na it in,” a cihna thukham na zuih uh leh, Thukham khempeuh a zui khin na suak uh hi.

1 KORIN MASA 10:11

Tua thu khempeuh in limlahna ahih nadingin tuate tungah a na tung hi. Leitung khang a nunung bela piang eite hong kihilh nadingin a kigelh hi.

Marka 13:29

Tua mah bangin, tuate a piang na muh uh ciangin, amah in kongbiang dongin a hong nai zo hi, ci-in na thei ta un.

2 KORIN NIHNA 9:7

Mi khempeuh in amau lungsim sung uhah a hanciam bangin pia uh hen. Hazatna lungsim tawh ahi zongin, khia loin om thei lo ding cihna lungsim tawh ahi zongin kipia lo ding hi. Bang hang hiam na cih uh leh, piak nopna lungsim tawh a pia mi bek Pasian in a it hi.

Marka 6:19

Herodias in Johan mudah a, a that nuam hangin that zo lo hi.

Late 59:15

Amaute an zongin vak kawikawi uh a, an a kham uh ngah kei leh humham uh hi.

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.

Ezekiel 7:12

A hun hong tung ta a, a ni hong nai zo hi. Mi khempeuh tungah ka hehna hong tung ta ding ahih manin sumlei sumzuak nasepna in a kiman’na om nawn lo hi.

Jeim 4:12

Thukham a pia mi leh thukhen mipa khat bek a om hi. Tua pa in gup ding ahi zongin, siatsak ding ahi zongin a hih thei hi. Na lawmte tungah thu a khen nang in kua mi na hi hiam?

Jeim 5:7

Tua ahih ciangin ute naute aw, Topa hong pai matengin thuakin ngak un. Lokho mi in guahzu masa leh guahzu nunung a zuk matengin a manpha leitungah gahte thuum loin ngakin a lamen hi.

Jeim 5:10

Ute naute aw, gimna tawlna-ah Topa’ min tawh thu a hilh kamsangte’ lim na ciamteh un.