Jeim 5:5 - Tedim Bible

⁵ Note in leitungah lungdam nopsakna ngahin na om zo uh hi. Kithah ni adingin na lungsim uh na vaak thau zo uh hi.

Tedim Bible Revision 2017

⁵ Hih leitung na nuntak sungun uang nekin na nop tat mahmah uh hi. Note hong kigawh hun ding kiginna-in a kithausak phitphet na hi uh hi.

Jeim 5:5 Referans Kwoze

1 TIMOTI MASA 5:6

Ahih hangin a mawktatna-ah, nopsa-a a om meigongnu ahih leh, a nuntak hangin si-in a om hi.

Luka 16:25

Abraham in, ‘Ka ta aw, nang na nuntak lai-in nopsakna na ngah a, tua mah bangin Lazaras in zong a pha lo nate ngah hi ci-in na ngaihsun kik in. Tu-in ahih leh, amah in nopna a ngah kik hi. Nang na hih leh, gimna na thuak hi.

Luka 16:19

“Nidang lai-inah sumhaupa khat a om hi. Tua pa in puansan leh saihadial puan silhin ni simin nuamin an pha bel ne-in a om hi.

Amos 6:1

Israel minamte in muan-a hong neih, minam laka ulian ahi, Zion-ah nuntak nuama a om hithiat, Samaria-ah lungmuang taka a om note’ adingin, zumhuai mahmah hi.

Jeremiah 12:3

Ahih hangin Topa aw, nangmah in kei nong thei a, ka gamtatnate nong mu a, nang bang zah-a hong it cih nong entel hi. Amaute gawh dinga kikoih tuu bangin kaikhia in la, a kigawh ni a tun’ mateng tuam koih in.

Mangmuhna 18:7

Amah in ama pumpi pahtawi-in nopsakna a khan’ mah bangin, nakpi-a bawlsiatna leh kahna kikona thuaksak in. Bang hang hiam na cih uh leh, amah in, “Kei kumpinu ka hi hi, meigongnu ka hi kei hi. Cikmah hunin ka kap ngei kei ding hi,” ci-in a lungsim sungah a kingaihsun hi.

Jeremiah 25:34

“No makaite aw, tau un la, kap un, no uliante aw, vut lakah kikhuk un. Bang hang hiam cih leh hong kithahlup ni ding leh na kikhenthang ni ding uh hong tung zo hi; tuutal teelte bangin hong kithatlum ding hi.

Isaiah 22:13

ahih hangin note in lungdamna leh kipahna, bawngtalte leh tuute gawhna, sa nekna leh leenggahzu nekna na nei zawsop uh a, “Zing ciangin si ding i hih ciangin ne-in dawn ni” na ci uh hi.

1 SAMUEL MASA 25:36

Tua ciangin Nabal kiangah Abigail hong tung hi; en in, kumpipa’ pawi tawh kibangin amah in a inn sungah pawi na kham hi. Nabal lungnuam mahmah hi; bang hang hiam cih leh amah in zu kham mahmah hi; tua ahih ciangin zingsang khuavak mateng ama kiangah bangmah gen peuhmah lo hi.

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;

2 PETER NIHNA 2:13

gitlohna thaman ahi gitloh bawlna a thuak ding uh hi. Tua mite in sun lai takin pawikham uh a, noptatin a om uh hi. Note tawh pawi a kham uh ciangin amau kheemna tawh noptat lua-in a nin baang kinuh mi ahi uh hi.

2 TIMOTI NIHNA 3:4

thuciam a siasak mi, thuhilh a ngai nuam lo mi, kisaktheihna tawh a hai thei mi, Pasian sangin leitung nopsakna a it zaw mi,

ROM (Romans) 13:13

Pawikhamna, guih theih zu kham luatna ahi zongin, hukna, lanna kihhuaina ahi zongin, kitotna, kidemna ahi zongin tangin, sun laitak mah bangin kilawmin gamta ni.

Ezekiel 39:17

Topa Pasian in kei kiangah, “Ezekiel aw, amaute’ adingin ka bawlsak biak piakna sa a ne dingin mun khempeuh panin vasa khempeuh leh ganhing khempeuh hong pai nadingun sam in. Israel mual tung gamah pawi lianpi mahmah khat om ding a, a duh zahzahun sa ne-in si dawn ding uh hi.

Isaiah 56:12

Amaute in, “Hong pai un leenggahzu la ni, kham theih zu ne-in gilvah ni; zing ciangin zong tu ni mah bangin gen zawh lohin nuam ding hi,” ci uh hi.

Isaiah 47:8

Tua ahih ciangin tu-in, a nuam bek a ut, lungmuang tak-a a tu hit-hiat, na lungsim sungah, “Keimah hi’ng, kei sim loh midang om kei’ meigongin om kei ning, ta-khuai cih zong sin kei ning,” a ci khuapi aw, hih thu za in:

Isaiah 3:16

Topa in hih bangin ci hi: Jerusalem numeite kiphasakin ngawng doksa-in lam pai a, kiphatsakna tawh a mit uh hei pampam-in hi tuihtuihsa-in pai uh a, a khe uh tawh gingsak sualsual ahih uh ciangin;

Thuhilh-sia 11:9

Khangnote aw, na khangno uh nuam sa un la, na khangno lai-un lungdam un. Na hih nop peuhpeuh uh hih un la, na ut bang bangun gamta un. Ahi zongin na gamtatna uh tawh kizui-in, Pasian in thu hong khen ding lamtak phawk gige un.

Paunak 17:1

Kitawng kawmin pawipi sungah an nekna sangin, lungnuam takin moh keu themkhat nekna hoihzaw hi.

Paunak 7:14

”Tu ni-in biakpiakna ka bawl a, nek ding sa tampi ka nei hi.

1 SAMUEL MASA 25:6

Hih bangin amah na hopih ding uh hi: ‘Nang tungah nopna om ta hen, na innkuan tungah nopna om ta hen, na neih khempeuh tungah nopna om ta hen,

Late 73:7

A lungsim panun gitlohna pusuak sak uh a, a ngaihsutna uh gitlohna tawh dimlet hi.

Ezekiel 16:49

Na sanggamnu’ mawhna in: Amah leh a tanute in nek ding tampi nei-in nuamsa mahmahin dai takin om uh ahih manin amaute kiphasak uh a, a zawng a cimawhte don lo uh hi.