Jeim 5:4 - Tedim Bible

⁴ Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Tedim Bible Revision 2017

⁴ Na lo uh a hong khawhsakte a thaman pia lo na hih manun tu-in amauteʼ phunna za un. An la dingin na sawl uh miteʼ phunna Vanglian Topa in za khinta hi.

Jeim 5:4 Referans Kwoze

Siampi Laibu 19:13

“Note in na vengte uh na nengniam kei ding uh a, a na na sut kei ding uh hi. A kicial nasempa’ thaman pen a zingsang dong zan tawntung na kemcip kei ding uh hi.

Jeremiah 22:13

Thumanlo pi-a inn lam a, zuauthu tawh in dei tungnung a lam mi, a mawkna-a ama’ na a innvengte a semsak mi, a thaman a pia lo mi in gimna thuak ta hen.

ROM (Romans) 9:29

Isaiah in:, “Vantung Topa in eite ading khaici hong omsak lai hi kei leh, Eite in Sodom leh Gomorrah khuate i bang zo ding hi,” ci-in a masa-a a gen bang ahi hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Paikhiatna 22:27

bang hang hiam cih leh ama' kituamna in tua bek hi a, tua in ama' pumpi adingin puansilh ahi hi; amah bang dang tawh lum ding ahi hiam? Amah kei' tungah hong kiko leh ke’n ka za ding hi, bang hang hiam cih leh keimah in hehpihna ka nei hi.

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?

Late 9:12

Bang hang hiam cih leh mi thahna a hua-pa in amaute phawk a, a thuak mite’ aw mangngilh lo hi.

JOB (Job) 34:28

Amaute in mizawngte kapsak gawp uh a, mizawngte’ huhngetna awging Pasian in za hi.

Paikhiatna 3:9

Tu-in, en in, Israel mite’ kikona kei' kiang hong tung khin a, Izipt mite in amaute a netniamna ka mu khin hi.

Piancilna 4:10

Topa in, “Nang’ bang hih na hi hiam? Na sanggampa’ sisan, leilak panin keitungah hong kiko hi.

Kolose 4:1

Tote aw, note in zong vantungah om Topa khat na neih uh na thei un la, thuman thutak leh a kilawm a kituakin na silate uh na bawl un.

Habakkuk 2:11

Note hong langpan’ dingin kulh suangte nangawn kiko ding a, innkamte in zong kikopih ding uh hi.

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Thu-hilhkikna 15:9

Na lungsim ah ngaihsutna hoih lo hong omin, ‘Kum sagihna, maisakna kum hong nai hi,’ ci-in na sanggampa gal mi etin amah bangmah na piak loh ciangin na lang khatah Topa tungah amah kiko-in, nang tungah khialhna a suah khak ding kingaihsun in.

Isaiah 5:9

Vanglianpen Topa in ka zakna-ah hih bangin kiciam hi: “Aman takin, inn tampi tak hawmsuak ding a, a lian a hoih innte ah a teeng om lo ding hi.

Mattiu 9:37

Tua ciangin Zeisu in a nungzuite kiangah, “Buh at ding tampi a om hi. Ahih hangin a at ding mite a tawm hi.

JOB (Job) 7:2

Sila nasemte in niliim lunggulhin, a kicial nasempa in a thaman a ngak tawh kibang hilo ahi hiam?