Jeim 5:3 - Tedim Bible

³ Na kham na ngunte uh zong a keekseu khin hi. Tuate keekseuna in note lang khatah teci hi a, mei bangin note’ sa hong ne ding uh hi. Note in a nunung bel ni hi napi-in sum na khol uh hi.

Tedim Bible Revision 2017

³ Na ngun le na khamte uh kekseu khinta hi. Hih kekseuna pen note langah teci suak a, mei in a kattum bangin na sa uh hong ne tum ding hi. Hih a hun nunung ciangin tu-a bangin a piang dingin neihsa a khol na hi uh hi.

Jeim 5:3 Referans Kwoze

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Mangmuhna 20:15

Nuntakna laibu sungah a min om lo mi peuhmah tua mei li sungah a khiasuk hi.

Isaiah 2:2

Nidang ciangin Topa’ inn omna mual pen, mual liante lakah a sang penin kikipsak ding a, mual neute tungah kisangsak ding hi; tua-ah minamte khempeuh pai muamua ding uh a,

2 PETER NIHNA 3:3

Amasa bel-a theih ding akilawm thu in a nunung bel nite ciangin a kosia thei mite in amaute’ deihgawhna bang gamta-in:

2 TIMOTI NIHNA 2:17

Bang hang hiam cih leh, tuate in Pasian biak lohna lamah khangto-in, a dam ngei lo meima bangin a ne ding hi. Tua mite lakah Himenaius leh Filetas a om uh hi.

Micah 4:1

Mai lam hunah, Topa’ biakinn a omna mual, a sang pen mual hong suak ding a, minam tampi in hong zuan ding uh hi.

Micah 3:3

Ka mite’ sa na netum uh hi. A vun uh hawkin, a guh uh na satkham uh a, beel-a meh huan ding bangin na satnen gawp uh hi.

Jeremiah 19:9

A galte uh leh a that nuam mite in hong sim uh a, nek ding om lo lua ahih manin a tapate leh a tanute-uh’ sa ka nesak ding a, mi khempeuh in a innvengte’ sa a ne ding uh hi,’ va ci in.

JOB (Job) 16:8

Kei nong mancip a, ka gal na suak hi. Ka vun guak leh ka guh guak bek-in ka om a, keima mawhna a kilatna-in mite in ngaihsun uh hi.

Joshua 24:27

Tua ciangin Joshua in mite khempeuh kiangah, “En un, hih suangtum in eite’ langkhatah teci hi ding hi; bang hang hiam cih leh Topa in eite tungah hong thugen khempeuh za khin hi; tua ahih ciangin note in na Pasian uh tungah a man loin na gamtat loh nadingun tua suangtum in note langkhatah teci hi ding hi,” a ci hi.

Piancilna 49:1

Tua ciangin Jakob in a tapate sam a, “A hong tung ding hunte ah note tunga hong tung ding thu kong gen theih nadingin note hong kikhawm un.

Piancilna 31:52

Siatna bawl dingin keimah in hih suangcian kheng-in nang' kiangah kong pai loh nading, nang in hih suangcian leh khuam kheng-in kei' kiangah nong pai loh nadingin hih suangcian in teci khat ahi hi, khuam in teci khat ahi hi.

Mangmuhna 17:16

Nangma muh ki sawm leh sahangte in tua numei gilo a muhdah khit uh ciangin amah belh ding suan ding nei lo suakin ama sa ne-in, amah a kat tum nadingin mei tawh a hal ding uh hi.

Piancilna 31:48

Laban in, “Hih suangcian in tu ni-in nang leh kei' kikal-ah teci ahi hi,” ci hi. Tua ahih ciangin amah in Galeed ci-in min phuak a,

Sawltak 2:17

‘A nunung nite ciangin Mi khempeuh tungah ka Kha ka bua ding hi. Na tapate na tanute un thu hilhkhol ding uh hi. Na tangvalte un mang a mu ding uh a, Na puteekte un mang a man’ ding uh hi.