Jeim 5:16 - Tedim Bible

¹⁶ Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Tedim Bible Revision 2017

¹⁶ Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihteʼ thungetna in vang nei a, na lianpi sem zo hi.

Jeim 5:16 Referans Kwoze

Paunak 15:29

Topa in midikte’ thungetna ngai a, migilote’ thungetna don lo hi.

Mattiu 21:22

Upna tawh thu na nget uh leh, na nget khempeuh uh na ngah ding uh hi,” a ci hi.

Johan 9:31

Pasian in mawhneite’ thu ngai lo hi ci-in eite i thei hi. Pasian zahtaka ama deihna a zui mite thu Pasian in a ngai hi.

Late 34:15

Topa' mit in thumante’ lam en a, a bil in amau kikona lam nga hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

Jeremiah 33:3

Kei nong sap leh kong dawngkik ding a, na theih ngei nai loh a ki-im cip thu lianpite kong gen ding hi.

1 JOHAN MASA 3:22

A piak thupiaknate zui-in, amah a lungdamsak ding nate i bawl maninah i ngetna peuhmah ama kiang pan i ngah hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Sawltak 19:18

A um mi tampite in hong pai uh a, pulakin a gamtatna thu a gen uh hi.

1 THESALONIKA MASA 5:17

Thungen niloh un.

JOB (Job) 42:8

Tu-in bawngtal sagih leh tuutal sagih la-in Job kiangah paipih un la, note’ adingin biakpiakna-in nei un. Job in note’ adingin thu hong ngetsak ding a, keimah in ama thungetna ka pia ding hi. Note’ haina zahin kong minsiasak kei ding hi. Note in Job’ gen bangin keima thu a manin na gen kei uh hi,” a ci hi.

Piancilna 20:17

Tua ciangin Abraham in Pasian' tungah thungen a, Pasian in Abimelek damsak hi. Amaute in ta a neih theih nadingin a zi leh a numei-silate zong damsak hi.

Paunak 28:9

Mi khat in thukham a zuih nop kei leh, ama thungetna nangawn Pasian in zak thadahhuai sa hi.

2 KHANG TANGTHU NIHNATE 30:20

Tua ciangin Topa in Hezekiah’ thungetna pia-in mite mawhna maisak a, gimna ngahsak lo hi.

Gamlak-vakna 11:2

Tua ciangin Moses’ zak dingin mite kiko uh hi; Moses in Topa tungah thu ngen a, mei a mit hi.

Hebru 12:13

A khe zawte in a kilawi taktak loh nading, cidamna a ngah nadingin na paina lampi uh na tangsak un.

1 THESALONIKA MASA 5:25

Ute naute aw, kote ading thu hong ngetsak un.

Mattiu 3:6

amau mawhna khialhna pulakin Jordan gun sungah ama khut tungah kibaptaiz uh hi.

Hebru 13:18

Kote ading thu hong ngetsak un. Bang hang na cih uh leh, kote in komau pumpi theihna lungsim a pha nei-in, na khempeuh ah a hoihin gamtat nadingin a deih mi ka hi uh hi ci-in ka lungkim uh hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

ROM (Romans) 5:19

Mi khat in thu a ngaih loh maninah, mi tampite in mawhnei mite a suah mah bangin, mi khat in thu a ngaih maninah mi tampite in zong dikna a ngah mite a suak uh hi.

ROM (Romans) 3:10

Lai Siangtho sungah: “Midik khat beek a om kei hi.

Joshua 10:12

Tua ciangin, Topa in Israel mite tungah Amor mite a piak ni-in Joshua in Topa tungah thu gen hi; amah in Israelte’ muhna-ah, “Ni aw, Gibeon ah, nang kha aw, Aijalon kuam ah ding cip in,” a ci hi.

Hebru 11:4

Abel in Kain’ biakna sangin a hoihzaw biakna, upna tawh Pasian a bia hi. Tua ahih ciangin dik hi ci-in teci pan’na a ngah hi. Bang hang hiam na cih uh leh, ama piaknate Pasian in a sang hi. Tua ahih ciangin Abel in a si napi-in a upna hangin thu a hilh lai hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Piancilna 19:29

Pasian in kuam sunga khuapite a suksiat lai-in, Pasian in Abraham phawk a, amah in Lot’ ten’na khuapite a suksiat ciangin tua bang a suksiatna sung panin Lot sawlkhia a, tua bangin a piang ahi hi.

Jeremiah 15:1

Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

1 KUMPI MASATE 13:6

Tua ciangin kumpipa in Pasian’ mipa kiangah, “Tu-in Topa na Pasian’ maipha kunh in la, ka khut a ngei a bat nadingin kei adingin thu hong ngetsak in,” a ci hi. Tua ciangin Pasian’ mipa in Topa tungah kunh hi; tua kumpipa’ khut a ngei bang kik a, a ni danga mah hong bang hi.

Piancilna 32:28

Tua ciangin amah in, “Na min Jakob kici nawn loin Israel kici ding hi, bang hang hiam cih leh Pasian leh mite tawh na kilai khin a, na zo hi,” ci hi.

Piancilna 20:7

Tua ahih ciangin tu-in mipa’ zi pia kik in; bang hang hiam cih leh amah in kamsangpa khat hi a, amah in nang’ adingin thu hong ngetsak ding a, nang na nungta ding hi. Ahih hangin nang in tua numei na piak kik kei leh nang leh na neih khempeuh na sih taktak ding uh thei in,” ci hi.

1 SAMUEL MASA 12:18

Tua ahih ciangin Samuel in Topa tungah thungen a, Topa in tua ni-in vanging sakin guah zusak hi; tua ciangin mi khempeuh in Topa leh Samuel nakpi takin zahtak uh hi.

Paikhiatna 17:11

Moses in a khut a san’sak peuhmah ciangin Israel in neh hi; amah in a khut a niamsak peuhmah ciangin Amalekte in neh hi.

Paikhiatna 9:33

Tua ahih ciangin Faro' kiang pan khuapi pua-ah Moses paikhia a, Topa’ lamah a khut zan hi; vanging leh gialpi tawp a, leitungah guah bua nawn lo hi.

1 THESALONIKA MASA 5:23

Nopna hong pia Pasian mah in note khempeuh hong siangthosak ta hen. Note lungsim, na kha leh na pumpi uh, i Topa Zeisu Khazih hong pai kik ciangin mawhsakna tawh a kipelh nadingun hong keem ta hen.

Kolose 1:9

Tua ahih ciangin kote in zong ka zak uh ni pan akipan, note ading thungen tawntungin ka om uh hi.

Luka 9:6

Amaute paikhia uh a, Lungdamna Thu hilhin, cinate damsakin, khuapi leh khuaneute ah a pai kawikawi uh hi.

2 SAMUEL NIHNA 19:19

kumpipa kiangah, “Ka to kumpipa in Jesusalem a nusiat ni-in na nasempa’ gamtat khialhna ka topa in kei hong mawhsak kei in la, hong ciamteh kei in; kumpipa in ngaihsutin nei kei in.

1 SAMUEL MASA 12:17

Tu ni in mangbuh lak laitak hilo ahi hiam? Amah in vanging leh guah hong puak theih nadingin Topa tungah thu ka ngen ding hi; note adingin kumpi khat na ngetna uh hangin Topa muhna-ah na gamtatnasa uh na gitlohna uh a liatna thu thei-in na mu ding uh hi,” a ci hi.

Jeremiah 42:2

kamsangpa Jeremiah’ kiangah, “Kong thuumna uh hong ngai in la, hih a hong kinusia teng adingin Topa na Pasian’ kiangah, thu hong ngetsak in. Bang hang hiam cih leh khat vei lai-in mi tampi ka hih uh hangin tu-in nong muh mah bangin, mi tawmno khat bek ka hi ta uh hi.

Marka 1:5

Jerusalem khuapihte akipan Judah gamah a om mi khempeuhte in ama kiangah va pai uh a, amau mawhna pulakin ama khut tungah, Jordan gun sungah a kibaptaiz uh hi.

Sawltak 8:24

Simon in, “Na thupiak khat beek keima tungah a tun’ loh nadingin Pasian kiangah thu hong ngetsak in,” a ci hi.

1 SAMUEL MASA 1:12

Topa mai-ah thungenin a om lai takin Eli in tua nu’ kam na en hi.