Jeim 5:13 - Tedim Bible

¹³ Note lakah mi khat peuhmah gimna thuak a om hiam? Amah in thungen ta hen. Khat peuhmah a lungdam leh, la sa ta hen.

Tedim Bible Revision 2017

¹³ Lungkhamna a thuak na om uh leh thu na ngen un. A lungdam na om uh leh phatna la na sa un.

Jeim 5:13 Referans Kwoze

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Efesa 5:19

Late-a kipan kha la leh phatna la apawlpawlte tawh khat leh khat na kikum un la, na lungsim tak uh tawh Topa mai-ah la sa un.

Jonah 2:2

“Ka cihmawhna panin Topa ka sam a, amah in hong dawng hi; Sihna gam Sheol panin ka kiko-a, nangmah in ka aw nong za hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Jonah 2:7

Kei ka lung a kiat ciangin, Topa ka phawk a; ka thungetna, na biakinn siangtho sung, nangma kiang hong tung hi.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Mangmuhna 14:3

Tua mite in tokhom mai-a ganhing lite leh upate mai-ah la thak a sa uh hi. Tua la thak zong leitung pana lei khitsa tua mi sangkhat-thenli-tullite sim loh kuamah in a sin thei kei uh hi.

Luka 22:44

Amah gim mahmah ahih ciangin, nakpi-in thungen a, a khua-ul in lei tungah sisan malgol bangin a kia hi.

Mattiu 26:30

Amaute in la a sak khit uh ciangin, Oliv Mualah a paikhia uh hi.

Daniel 5:4

Amaute in zu dawn uh a, kham tawh, ngun tawh, sumngo tawh, sik tawh, sing tawh, suang tawh kibawl pasiante a phat uh hi.

Late 118:5

Ka cihmawhna-ah Topa ka sam a, Topa in hong dawng-in mun tanzau-ah hong koih hi.

Late 91:15

Amah in kei hong sap ciangin keimah in amah ka dawng ding hi; haksatna sungah amah ka ompih ding a, amah honkhia-in ka pahtawi ding hi.

Mangmuhna 7:10

Tua mite in: “Tokhom tungah a tu eite Pasian leh Tuuno tungah, Gupna thu a piang hi,” ci-in nakpi-in a kiko uh hi.

1 KORIN MASA 14:26

Ute naute aw, koici bang ahi hiam? Na kikhop uh ciangin lasakna ahi zongin, thuhilhna ahi zongin, Pasian’ lahkhiat thugenna ahi zongin, pau namtuam pauna ahi zongin, a khiatna gen theihna ahi zongin na nei ciat uh ahih ciangin pawlpi kipsak nadingin na khempeuh na hih un.

Luka 23:42

Zeisu kiangah, “Topa aw, na Gam sungah na lut khit ciangin kei hong ngaihsun in,” ci-in a gen hi.

Micah 4:5

Bang hang hiam cih leh mi khempeuh in, amau’ pasian ciat bia-in a thu mang ding uh a, ahi zongin eite in i hih leh i Topa Pasian a tawntungin bia-in a thu i mang ding hi.

Late 105:2

Ama tungah la sa un la, ama tungah phatna la sa un, a lamdang ama nasepte khempeuh gen un!

Late 95:2

Ama omna-ah lungdamna ko-in pai ni; phatna late, ama tungah lungdam takin sa ni!

Late 18:6

Ka gimna-ah Topa ka sam a, ka Pasian’ tungah huhna ngenin ka kiko hi. Amah in a biakinn panin ka aw hong za a, amah ka kohna aw in a bilte va ban hi.

JOB (Job) 33:26

Tua ciangin Pasian in ama thungetna pia ding a, amah in lungdamna tawh Pasian bia ding a, Pasian in ama adingin thu a hoih lamin heisak kik ding hi.

1 KHANG TANGTHU MASATE 16:9

Amah la sak un, phatna la amah sak un la, a lamdang ama septe khempeuh gen un!

Isaiah 65:14

en un, ka nasemte in lungdamin lasa ding uh a, note in lungsim na-sa-in kiko-in, lungsim gimna hangin na thuum ding uh hi.

1 KORIN MASA 14:15

Tua ahih leh, bang kici ding hiam? Kha tawh thu ka ngen ding hi, pilna tawh zong thu ka ngen ding hi. Kha tawh la ka sa ding hi, pilna tawh zong la ka sa ding hi.

Jeim 5:10

Ute naute aw, gimna tawlna-ah Topa’ min tawh thu a hilh kamsangte’ lim na ciamteh un.