Jeim 5:11 - Tedim Bible

¹¹ En un, a thuak zo mite in thupha a ngah mite a hi uh ci-in i gen hi. Job’ thuakna thu na za zo uh hi. Pasian in ama thu a zawh khit ciangin a hehpih theih mahmahna thu zong na thei zo uh hi.

Tedim Bible Revision 2017

¹¹ Tua bangin a thuak mite a hampha mahmah hi, i ci hi. Job in a thuakna ah a lungduaina na thei uh a, Topa in dikna le hehpihna nei ahih manin a tawpna ah Job tungah a piak thuphate na thei uh hi.

Jeim 5:11 Referans Kwoze

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

Paikhiatna 34:6

Ama' mai-ah Topa pai-in, “Topa, Topa, hehpihna nei-in a dik Pasian, lungduai-in itna kip leh thutakna tawh a dim,

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

2 PETER NIHNA 2:9

Tua ahih ciangin Topa in Pasian a biate ze-etna sung pan gumkhia ding ahi zongin,

Late 86:15

Ahih hangin Topa aw, nangmah in a hehpih thei, a dik Pasian na hi a, heh hak-in, itna kip leh thumanna tawh a kidim na hi hi.

JOB (Job) 2:10

Ahih hangin amah in a zi kiangah, “Numei haite’ kampau bangin na pau hi. Pasian’ tung panin a hoih sang i hih ciangin siatna zong sang lo ding i hi hiam?” a ci hi. Hih thu khempeuh ah Job in a kampau nangawnin khial lo hi.

1 PETER MASA 1:13

Tua ahih ciangin lungsim kawnggak gakin om un la, khuaval zulhtat loin Zeisu Khazih a kilat ciangin note kiangah hong tung ding hehpihna thupha lamen khin takpi-in om un.

Luka 6:36

Na Pa un hehpihna lungsim a neih bangin note in zong hehpihna lungsim na nei un.”

Kah la 3:22

A bei thei lo Topa hong itna leh a hehpihna in a kizom paisuak hi a,

Late 103:8

Topa dik-in hehpihna tawh kidim a, heh hak-in, a lian mahmah itna kip tawh kidim hi.

Gamlak-vakna 14:18

Tu-in, nang tungah hong thuum ing, nangmah in thuciamin, ‘Topa heh hak a, a itna kip lianin, mawhna leh thu palsatna maisak a, ahih hangin a mawhte siangsak ngei loin, pate’ mawhna tate tungah, khang thum khang lina dongin thuk hi,’ na cih mah bangin Topa’ vangliatna liansak in.

Hebru 10:39

Eite i hih leh, kisiatna tung dingin a nungkin mite lakah i om kei hi; gupkhiatna a ngah upna a nei mite lakah i om hi.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Efesa 2:4

Ahih hangin hehpihna tawh kidim Pasian in eite hong it phat maninah,

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

1 KHANG TANGTHU MASATE 21:13

Tua ciangin David in Gad kiangah, “Keimah in lungkhamna lianpi khat ka tuak hi; ama hehpihna lian mahmah ahih manin Topa’ khut sungah hong puksak in; ahih hangin mihing’ khut sungah hong puksak kei in,” a ci hi.

Hebru 3:6

Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

Luka 1:50

Amah kihta mite tungah, Khang khat pan khang khat dongin ama hehpihna a om tawntung ding hi.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Joel 2:13

Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Isaiah 63:7

Topa’ itna kip, Topa phatnate, Topa in eite tunga hong piak na hoihte khempeuh tawh kizui leh, ama hehpihna tawh kizui, a lianpi ama itna kip tawh kizui-in amaute tunga a piak, Israel innkuan tunga ama hoihna lianpite ka gengen ding hi.

Thuhilh-sia 7:8

Na khatpeuh a kipatna sangin a tawpna hoihzaw a, kiphatsakna sangin lungduaina hoihzaw hi.

Late 119:132

Nangmah hong itte tungah na hih ngei bangin kei lamah hong kihei in la, hong hehpih in.

Late 116:5

Topa dikin thuman a, i Pasian in hehpihna nei hi.

Late 103:13

Pa in a tate a hehpih bangin, Topa in amah a zahtakte hong hehpih hi.

Late 94:12

Topa aw, migilote’ adingin gum khat a kitawh hun matengin, haksat hun a tawlngak theih nadingin na thukham na hilh mi, na thuhilh mi in mi nuamsa ahi hi.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Late 78:38

Ahi zongin, amah in hehpihna lungsim nei ahih manin amau khialhnate maisak a, amaute susia lo hi; amah in a hehna iip zelzel a, a hehna khempeuh phongkhia lo hi.

Late 37:37

Paubaang lo mi ciamteh in la, thutang mi en in, bang hang hiam cih leh gal phuang lo mi’ adingin nopna om hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et khit ciangin kham bangin ka sian’thona a mu ding hi.

JOB (Job) 1:2

Amah in tapa sagih leh tanu thum nei hi.

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi; amaute lung khauh niloh uh a, a salsuahna uh Izipt-ah a paipih kik dingin makai khat seh uh hi. Ahi zongin nang in mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

2 KHANG TANGTHU NIHNATE 30:9

Bang hang hiam na cih leh Topa’ lamah note na kilehkik uh leh, na sanggamte uh leh na tate un amau a mante’ tung panin hehpihna ngahin hih gamah hong ciahkik ding uh hi. Bang hang hiam cih leh Topa na Pasian uh dikna leh hehpihna a nei hi a, ama lamah na kiheikik nak uh leh note kiang panin a maitang heikhia lo ding hi,” a ci hi.

Daniel 9:9

Nangmah in hehpihna tawh kidimin mawhna maisak a, ahih hangin kote in nang ka hong langpan’ uh hi.

Late 145:8

Topa dikin hehpihna nei a, hehhakin itna kip lianpi nei hi.

Late 51:1

Pasian aw, nangma itna kip om bangin kei hong hehpih in la, na hehpihna lian om bangin ka thu palsatnate hong phiatkhiat sak in.

Nehemiah 9:31

Ahi ta zongin na hehpihna lian hangin amaute beisak loin, zong na nusia kei hi; bang hang hiam cih leh nangmah in dikna leh hehpihna a nei na hi hi.

JOB (Job) 1:1

Uz gamah Job kici min nei mi khat om hi; tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah pel hi.

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

1 PETER MASA 3:14

Thuman thutak hangin gimna na thuak uh leh, thupha na ngah ding uh hi. Amaute’ tawn’na na lau kei un, na lungmang kei un.

Luka 11:10

Bang hang hiam na cih uh leh, a ngente khempeuh in a ngah ding uh hi. A zongte khempeuh in a mu ding uh hi. A kiute khempeuh ading kongkhak a hon’ ding hi.