Jeim 5:10 - Tedim Bible

¹⁰ Ute naute aw, gimna tawlna-ah Topa’ min tawh thu a hilh kamsangte’ lim na ciamteh un.

Tedim Bible Revision 2017

¹⁰ Sanggamte aw, Topaʼ min tawh thu a gen kamsangte na phawk un. Gimna a thuak laitakun lungduai-in a thuaknate uh na etteh un.

Jeim 5:10 Referans Kwoze

Hebru 13:7

Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Sawltak 3:21

Tanglai panin ama kamsang siangthote’ kam uh tawh a genkholh mah bangin na khempeuh a bawl thak kik hun matengin, vantung in Zeisu a sang ding hi.

Luka 6:23

Tua lai takin nuam un la, lungdamin na diang un. Bang hang hiam na cih leh, vantungah nop tuamna lian na ngah ding uh hi. A pute a pate un zong kamsangte tua bangin a bawlsia uh hi.

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Isaiah 39:8

Tua ciangin Hezekiah in Isaiah kiangah, “Nong gensa Topa’ thu hoih hi,” a ci hi. Bang hang hiam cih leh amah in, “Kei’ hun sungin nopna leh lungmuanna om ding hi,” ci-in ngaihsun hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Jeremiah 26:16

Tua ciangin kumpi uliante leh mi khempeuhte in siampite leh kamsangte tungah, “Hih pa in Topa in Pasian’ min tawh thu hong gen ahih manin sihdaan piak tuak lo hi,” a ci uh hi.

Jeremiah 23:22

Ahih hangin amaute in ka lungsim tawng dong thei uh hi leh ka thu gente ka mite tungah a tangko ding uh a, a nuntakna hoihlote panin kikhel sakin, a gamtat hoih lote panin zong a kikhelsak khin zo ding uh hi.

Jeim 4:11

Ute naute aw, khat leh khat na kikosia kei un. A u a nau a kosia mi ahi zongin, a u a nau thukhen mi ahi zongin Pasian’ Thukham a kosia hi; Thukham tungah thu a khen hi. Pasian’ Thukham tungah thu na khen uh leh, Pasian’ thu zui na hi kei uh hi; Thu a khen na hi uh hi.

Jeim 5:7

Tua ahih ciangin ute naute aw, Topa hong pai matengin thuakin ngak un. Lokho mi in guahzu masa leh guahzu nunung a zuk matengin a manpha leitungah gahte thuum loin ngakin a lamen hi.

Jeim 5:9

Ute naute aw, thukhenna tawh na kipelh nadingun khat leh na kiphunsan kei un. En un, kongkhak kiangah Thukhenpa ding-in a om hi.

Jeim 5:13

Note lakah mi khat peuhmah gimna thuak a om hiam? Amah in thungen ta hen. Khat peuhmah a lungdam leh, la sa ta hen.