Jeim 4:7 - Tedim Bible

⁷ Tua ahih ciangin Pasian’ ukna na mang un. Dawimangpa na kham un; na kham uh leh, note kiang pan a taikhia ding hi.

Tedim Bible Revision 2017

⁷ Tua ahih manin Pasianʼ thu na mang un. Dawimangpa na nial un. Nial le-uhcin no kiang panin tai khia ding hi.

Jeim 4:7 Referans Kwoze

Efesa 4:27

Dawimangpa hun na pia kei un.

1 PETER MASA 5:6

Tua ahih ciangin a hun a cin’ ciangin Pasian in note hong pahtawi nadingin, ama khut vanglian nuai-ah na kiniamsak un.

Hebru 12:9

Lam khat panin, pumpi tawh kipawl pate’ khut tungah eite in hilhna i thuak ciangin, amau i zahtak hi. Tua tham loin, khalam-a i Pa’ ukna thuakin nungta zaw ding hilo i hi hiam?

ROM (Romans) 10:3

Bang hang hiam na cih uh leh, amaute in Pasian’ dikna thei loin, amau dikna kipsak nading a zong uh ahih ciangin, Pasian’ dikna thu a mang kei uh hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

JOB (Job) 1:21

Tua ciangin amah in, “Ka nu sung panin guaktangin ka suak a, Guaktang mahin ka ciahkik ding hi. Topa in hong pia a, Topa mah in hong lakik hi; Topa’ min kiphat ta hen,” a ci hi.

2 KHANG TANGTHU NIHNATE 30:8

Tu-in na pute na pate uh bangin lungkhauh kei un la, note kiang panin a lauhuai ama hehna a kiheikhiat theih nadingin Topa’ lamah kipia un la, amah in a tawntung dingin a sian’thosaksa a biakinn ah pai-in Topa na Pasian uh, bia un.

Mattiu 11:29

Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

Efesa 5:21

Khazih zahtakna hangin khat leh khat nuai-ah na pumpi uh na kiniamsak un.

1 PETER MASA 2:13

Topa ading a lian bel kumpipa ahi zongin, a pha lo gamta mite daan pia ding leh a pha gamta mite pahtawi dingin kumpipa in a koih mangte ahi zongin, mite in a koih ukna nei khempeuh ahi zongin na mang un.

2 SAMUEL NIHNA 15:26

ahih hangin amah in, ‘nang tungah lungkimna ka nei kei hi,’ hong cih leh, en in, hih lai-ah kei ka om hi, amah in hoih a sak bangin kei tungah hong hih hen,” a ci hi.

Daniel 4:25

Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.

Late 68:30

Pumpeng lak-a teeng ganhingte, minamte’ bawngno lak a, bawngtal honte taigawp in. Siah a lunggulhte tuancil in la, gal a uuk mite, thehthang gawp in.

1 SAMUEL MASA 3:18

Tua ahih ciangin Samuel in ama kiangah a vekpi-in genin bangmah iim lo hi. Tua ciangin amah in, “Amah in Topa ahi hi; amah in hoih a sak bangin amah hih sak in,” a ci hi.

Jeremiah 13:18

Kumpipa leh a nu’ kiangah, “Na kumpi tokhomte tung panin hong tuaksuk un, bang hang hiam cih leh na kumpi lukhute uh na lu tung pan-un kiakhin zo hi,” va ci un.

ROM (Romans) 14:11

Bang hang hiam na cih uh leh, Lai Siangtho sungah: “Ka nuntak bangin ka mai-ah mi khempeuhte a khukdin’ ding uh a, Leii khempeuh in Pasian a phat ding uh hi, ci-in Pasian in thu a pia hi,” ci-in a kigelh hi.

Sawltak 26:19

“Tua ahih ciangin Agrippa Kumpipa aw, vantung mangmuhna ngai loin ka om kei hi.

Sawltak 9:6

Ahih hangin tho in la, khua sungah tum in, na gamtat nadingin thu hong kihilh ding hi,” a ci hi.

Daniel 4:32

Mite sung pan hong kihawlkhia ding a, gamsate tawh na teeng khawm ding hi. Bawngtal bangin kumsagih sung lopa na ne ding hi. Tua ciangin Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi,” a ci hi.

Efesa 6:13

Tua ahih ciangin a haksa gitlohna ni a tun’ ciangin khaam zo-in, phatmawhna khempeuh manin na do zawh nadingun Pasian’ hiamte khempeuh na silh un.