Jeim 4:6 - Tedim Bible

⁶ Topa in thupha hehpihna a tamzaw hong pia hi. Tua ahih ciangin Lai Siangtho sungah a gen-inah, “A kisatheite Pasian in kham a, ahih hangin lung kiniamkhiat mite thupha hehpihna a pia hi,” ci-in a gen hi.

Tedim Bible Revision 2017

⁶ Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasianʼ hong hehpihna lian zaw hi.

Jeim 4:6 Referans Kwoze

Mattiu 23:12

Ama pumpi a kilamsang peuhmah in niamkhiatna a thuak ding hi. A kiniamkhiat peuhmah a kilamsang ding hi.”

Paunak 3:34

Amah in mi kihisakte bang mahin sim lo a, a kiniamkhiatte tungah maipha pia hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

Paunak 18:12

A kiniamkhiatte in zahtakna ngah uh a, a kihisakte in siat ding a manawh hi ta hi.

Late 138:6

Bang hang hiam cih leh Topa lian napi-in amah in a neute don hi; ahih hangin a kiphasakte ahih leh amah in gamlapi panin mu thei hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Paunak 22:4

Kiniamkhiat-a, Topa zahtakna thaman in, hauhna, minthan’na, leh khan’sauna ahi hi.

Luka 14:11

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

JOB (Job) 22:29

Pasian in mi kiphasakte niamkhiat a, mi niamte gum hi.

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Luka 1:52

Amah in kumpite a kumpi tokhom tung pan kiasak a, mizawngte khangtosak zo hi.

Paunak 15:33

Topa zahtakna in pilna mah hi pah a, kiniamkhiatna in pahtawina hong ngah sak hi.

2 KHANG TANGTHU NIHNATE 33:12

Amah a lungkham ciangin Topa a Pasian’ maipha kunh-in a pu a pate’ Pasian mai-ah nakpi takin amah kiniamkhiat hi.

1 SAMUEL MASA 2:3

Tua bangin kiphatsakna tawh pau nawn kei in la, na kam sung pan kihihsakna gingkhiasak kei in; bang hang hiam cih leh Topa in theihna Pasian hi a, amah in gamtatnate tawikhai hi.

2 KHANG TANGTHU NIHNATE 34:27

hih mun leh a tunga teengte langpan’na ama kammal na zak ciangin na lungsim kisikin Pasian mai-ah na kiniamkhiat a, keima mai-ah nang kiniamkhiatin na puante balkekin ka mai-ah kap na hih manin, kei zong nang kong za hi, Topa in ci hi.

2 KHANG TANGTHU NIHNATE 32:26

Ahih hangin Hezekiah a lungsim kiphatsakna thu-ah amah leh Jerusalem a, teeng mite kiniamkhiat uh ahih manin amaute tungah Topa’ hehna hong tung lo hi.

Mattiu 13:12

A neite kipia beh ding a, a hauzaw ding hi. A neilote kiang pan a neihsa nangawn kilakhia ding hi.

2 KHANG TANGTHU NIHNATE 33:23

A pa Manasseh a kiniamkhiat bangin Topa mai-ah amah kiniamkhiat lo a, hih Amon in mawhna tam piangsak semsem hi.

Paikhiatna 18:11

Topa in pasian khempeuh sangin a liat zawkna tu-in ka thei hi, bang hang hiam cih leh mite' tungah kiphatsakna tawh Izipt mite a gamtat lai takin amah in Iziptte’ khut nuai panin mite khahkhia hi,” a ci hi.

Isaiah 54:7

Tomno sung nang kong nusia pak a, ahih hangin hehpihna lianpi tawh nang kong lakik ding hi.

Late 9:12

Bang hang hiam cih leh mi thahna a hua-pa in amaute phawk a, a thuak mite’ aw mangngilh lo hi.

2 KHANG TANGTHU NIHNATE 33:19

Tua ciangin ama thungetna, leh ama kutna Pasian in a san’na, leh ama khialhna leh a cihtaklohna khempeuh, leh amah a kiniamkhiat ma-in mual dawn a, biak piaknate bawlin Asherahte leh milimte a koihna munte, en in, Thu-mu-te’ Khang Tangthu sungah kigelh hi.

Jeim 4:10

Topa mai-ah na kiniamkhiat un. Tua bang na hih uh leh, amah in note hong pahtawi ding hi.