Jeim 4:5 - Tedim Bible

⁵ Lai Siangtho’ thu in: “Eite sunga teeng Kha Siangtho in eite hong aam mahmah hi,” a cihna in a mawkna ahi ci-in na um uh hiam?

Tedim Bible Revision 2017

⁵ Lai Siangtho sungah, “Eite sungah a hong guat kha pen Pasian in ngai mahmah hi,” ci-in a kigelhna a mawkna-in a kigelh sa na hi uh hiam?

Jeim 4:5 Referans Kwoze

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

1 KORIN MASA 6:19

Note pumpi in Pasian hong piak, na sung uhah a teeng Kha Siangtho’ biakna inn ahi zong, na pumpi uh no’ aa ahi lo ahi zongin thei lo na hi uh hiam?

Gamlak-vakna 11:29

Ahih hangin Moses in ama kiangah, “Keima tangin hong hazatsak na hi uh hiam? Topa’ mi khempeuh kamsang hi hen la, Topa in amau sungah ama lungsim guan leh ka cih lai tak hi!” a ci hi.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

Late 37:1

Migilote hangin nangmah kilungsosak kei in la, a man lo-a gamta mite eng kei in!

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Piancilna 37:11

A sanggamte in amah haza uh a, ahih hangin a pa in hi thugenna ciamteh hi.

Piancilna 30:1

Rachel in Jakob tawh ta a neih lohna a kimuh ciangin, amah in a sanggamnu eng hi; amah in Jakob' kiangah, “Ta hong pia in, tua ahih kei leh si ning!” ci hi.

Piancilna 26:14

Amah in tuuhon leh bawnghon, innkuan mi tampi nei a, Filistia mite in amah eng uh hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Galati 3:8

Pasian in upna tawh Gentail mite’ dikkisakna a kipsak hi ci-in Lai Siangtho in thei kholin, Abraham kiangah, “Nangmah hangin mi pawl khempeuh in thupha a ngah ding uh hi,” ci-in Lungdamna Thu a na hilh khol hi.

Sawltak 7:9

Tua pawlte’ pate in Josef a haza uh a, Izipt gamah a zuak uh hi.

Johan 10:35

Pasian thu a ngahte in pasiante ahi uh a kicih leh, Pasian Lai Siangtho kinial lo ahih ciangin,

Thuhilh-sia 4:4

Mi khat leh khat, hauh nop man-a kidemna hangin nakpi-a na kisem ahihna ka mu hi. Hih zong a mawknapi hi a, huihpi nung delh mah tawh kibang bek hi.

Paunak 21:10

Migilote in thusia bekbek deih uh a, a lawmte nangawn zah tuan lo uh hi.

Late 106:16

Giahphual-ah, mite in Moses leh Topa’ mi siangtho Aaron a hazat uh ciangin,

ROM (Romans) 1:29

diklohna tawh, gitlohna tawh, duhgawh huaihamna tawh, hazatna tawh, en’na tawh, mi thahna tawh, kitotna tawh, kheemna tawh, etsat muhdahna tawh a dim uh hi.

ROM (Romans) 9:17

Lai Siangtho sungah Faro kumpipa kiangah, “Ka vangliatna nangma tungah ka lah nading ahi zongin, ka min leitung khempeuh ah a kizelh nading ahi zongin nangmah kong sangsak zo hi,” a ci hi.

Isaiah 11:13

Efraim in hazatna a neihnate bei ding a, Judah mi a galbawlte kisusia ding hi; Efraim in Judah haza nawn lo ding a, Judah in Efraim galbawl nawn lo ding hi.

Johan 19:37

Adang Lai Siangtho sungah “Tua mite in amaute sutpa a en ding uh hi,” ci-in a kigelh hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?

Piancilna 38:9

Ahih hangin Onan in a tate pen ama aa a hih loh ding thei hi; tua ahih ciangin a sanggampa’ zi tawh a lupkhawm ciangin a sanggampa tungah ta pia kha ding ahih manin a na tui lei lakah buasak hi.