Jeim 4:3 - Tedim Bible

³ Thu na nget uh hangin na deihgawh nopsakna hoih lote na ngah nadingun ngen khial na hih ciangun na ngah kei uh hi.

Tedim Bible Revision 2017

³ Pasian kiangah na nget sun uh ciangin zong noteʼ nopsak nading bek ngenin, na ngaihsutna uh man lo ahih manin a ngah lo na hi uh hi.

Jeim 4:3 Referans Kwoze

1 JOHAN MASA 5:14

Ama mai-ah eite in i ngah lau loh nading thu in, ama deihna bangin na khempeuh thuumin i nget leh, a hong ngaih nading thu ahi hi.

1 JOHAN MASA 3:22

A piak thupiaknate zui-in, amah a lungdamsak ding nate i bawl maninah i ngetna peuhmah ama kiang pan i ngah hi.

Jeim 4:1

Note lakah galdona leh kitotna koi pan hong piang ahi hiam? Note’ pumpi sung uhah a om nate lakah gal a bawl thei na deihgawhnate uh pan piang hilo ahi hiam?

Micah 3:4

Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Paunak 21:13

Mizawngte’ huh ngetna a pia nuam lote pen, amau zong cimawhin huhna a nget ciangun kipia lo ding hi.

JOB (Job) 35:12

Amaute migilo mi kihisakte ahih manin, huh ding a nget hangun Pasian in pia lo hi.

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Topa in ci hi.

Luka 15:13

Tua nung ciangin sawtvei kihal loin a taneu in ama sum khempeuh khawm a, gamlapi gamah pai-in tua santak ah noptatna lamsang uang lua ahih ciangin, a sum teng a zang khin hi.

Marka 10:38

Zeisu in, “Note in nong ngetna uh na thei kei uh hi. Ka dawn ding hai dawn zo ding na hi uh hiam? Ka thuak ding baptaizna thuak zo ding na hi uh hiam?” a ci hi.

Mattiu 20:22

Zeisu in, “Note in na hong ngetna uh na thei kei uh hi. Ka dawn ding hai dawn zo ding na hi uh hiam?” a cih ciangin, “Ka dawn zo ding uh hi,” a ci uh hi.

Jeremiah 11:14

“Tua ahih manin Jeremiah aw, hih mite ading thungetsak kei in la, amau’ taangin thuumsak kei in. Bang hang hiam cih leh amau gim ngah a, hong sap uh ciangin ka ngai kei ding hi.

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Lim takin kei nong zong ding uh a, ahi zongin koi mah-ah nong mu kei ding uh hi.

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Late 18:41

Huh ding ngenin amaute kiko uh a, ahih hangin a hon ding kuamah om lo hi; amaute in Topa tungah ko uh a, ahih hangin amah in dawng lo hi.

Jeremiah 11:11

Tua ahih ciangin Topa in kong cih-inah, en un, a suahtak theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Luka 15:30

Ahih hangin numei gilote tawh kikhawla na sum na pai a mangsak, na tapa hong tun’ ciangin ama ading bawngno thau na gawhsak hi,’ a ci hi.

1 KUMPI MASATE 3:11

Pasian in ama kiangah, “Nangmah in hih thu hong ngenin, nangma adingin khan’ sauna ahi a, hauhna ahi a, na galte’ nuntakna ahi zongin hong ngen loin, a man thu theih nadingin nang adingin thu theihtelna hong ngen na hih manin,

Luka 11:10

Bang hang hiam na cih uh leh, a ngente khempeuh in a ngah ding uh hi. A zongte khempeuh in a mu ding uh hi. A kiute khempeuh ading kongkhak a hon’ ding hi.