Jeim 4:2 - Tedim Bible

² Note in na deihgawh uh hangin na ngah kei uh hi, na that uh a, na deih uh hangin na ngah kei uh hi, na kitawng uh a, na kido uh hi. Thu ngen lo na hih ciangun na ngah kei uh hi.

Tedim Bible Revision 2017

² Na na deih uh a, ahi zongin nei lo na hih manun mi na that nuam uh hi. Nate deihna lungsim na nei uh a, ahi zongin ngah zo lo na hih manun kitawngin na kilaii lawh uh hi. Pasian kiangah na deih uh ngen lo na hih manun a ngah lo na hi uh hi.

Jeim 4:2 Referans Kwoze

Johan 16:24

Tudongin ka min suangin bangmah na ngen kei uh hi. Na lungdamna uh a kicin’ nadingin ngen un, na ngah ding uh hi.”

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

Johan 4:10

Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Paunak 1:19

Zawhthawh thu tawh mi’ na a sutte in sihlawh tawntung zaw a, hih bang a gamtate in tu-a bangmah tuak ngitnget hi.

Habakkuk 2:5

Hauhna in zuaupi hi a, a huaiham mi in kiphasakin omkhong thei lo a, hankhuk mah bangin, pha zo, cih om sak thei lo a, lungkim hun cih nei thei lo hi. Tua ahih manin minam dangte a ban banin simin uk hi.

Isaiah 7:12

Ahih hangin Ahaz in, “Ka ngen kei ding hi, Topa ka ze-et kei ding hi,” ci hi.

Thuhilh-sia 4:8

Mi khat in a tapa ahi a, sanggam ahi zongin nei lo napi-in, a tawntungin nasemin a neihsa tawh lungkim hun nei thei lo hi. Kua adingin gimpi-in na sem a, a ut utin ta hoh lo ahi hiam? Hih in zong a mawknapi mah, a dahhuai nuntakna khat ahi hi.

Jeim 5:6

Midik tungah thu na khen uh a, na that zo uh hi. Amah in no hong thuk kei hi.

1 JOHAN MASA 3:15

A u a nau a mudah mi in mi that mi ahi hi. Mi that mi khat peuhmah sungah nuntak tawntungna a om kei hi ci-in na thei uh hi.

1 KUMPI MASATE 21:6

Amah in ama kiangah, “Bang hang hiam cih leh keimah in Jezre-el khuami Naboth kiangah thu genin, ‘Sum tawh lei dingin na leenggui lo hong pia in; ahih kei leh zong, na lungkim leh tua tang dingin leenggui lo dang kong pia ding hi,’ ka ci hi; amah in hong dawngin, ‘Nang tungah ka leenggui lo kong pia kei ding hi,’ hong ci hi,” a ci hi.