Jeim 4:14 - Tedim Bible

¹⁴ Zingciangin bang thu a piang ding na thei kei uh hi. Note’ nuntakna un bang tawh a kibang hiam? Note in tawlkhat a kilat khit ciangin a mangthang thei tuikhu na hi uh hi.

Tedim Bible Revision 2017

¹⁴ Zing ciangin na nuntakna uh bangci ding cih nangawn na thei kei uh hi. Meiilum tawl khat sung kaii-in a mangthang pak tawh a kibang lel na hi uh hi.

Jeim 4:14 Referans Kwoze

1 PETER MASA 1:24

Bang hang hiam na cih uh leh: “Mi pawl khempeuh in lopa kung tawh kibang uh hi, Amaute’ minthan’na khempeuh zong lopa pak tawh kibang hi. Lopa kung a keu thei a, a pak zong a pulh thei hi;

Late 39:5

En in, ka nuntakna hun tuk khat tan bang bekin na bawl a, ka nuntakna hun nang’ muhna-ah bangmah gen tham lo hi. Mihing khempeuh in husan bang bek hi takpi hi.

1 JOHAN MASA 2:17

Leitung leh leitung deihgawhnate in a mangthang ding ahi uh hi. Pasian’ deihna bang a gamta mi ahih leh, a kip tawntung ding hi.

Late 102:3

Bang hang hiam cih leh keima nuntakna, meikhu bangin beimang a, ka pumpi, meikuang bangin a sa hi.

Jeim 1:10

Sumhau sanggam in kiniamsakna a thuakna ah kilungdamsak thei ta hen. Bang hang hiam na cih uh leh, amah in lopa paak bangin mangthang hi.

Late 89:47

Topa aw, nuntak hun bang zahin tom cih hong phawk in; mihingte a mawkna dingin bawl na hi hiam?

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

Isaiah 38:12

Tuucingpa’ puanbuk bangin ka omna inn kibotkhia-in kei kiang panin kilakhia hi; siamgante in a hial bangin ka nuntakna kihial khin a, amah in siambu panin kei hong at khia hi; sun leh zan tawntung gimna hong kithuaksak a,

Late 78:39

Amah in, amaute pen mihing hi lel a, hong paikik nawn lo huih nung bang ahihna uh phawk hi.

Late 144:4

Mi pen husan’ khat tawh kibang a, ama nite in a tai dandan nilim tawh kibang hi.

Paunak 27:1

Zing ciang hun-a ding kima-sialh kei in, tu leh tua hun kikal-a piang ding na thei kei hi.

Isaiah 2:22

Ama’ nakvang sungah husan’na a om mipa muang kei in; Ama’ husanna pen banga sim tham ding ahi hiam?

2 SAMUEL NIHNA 19:34

Ahih hangin Barzillai in kumpipa kiangah, “Keimah in kumpipa tawh Jerusalem ah a paito dingin ka nuntak ding kum bangzah hun nei nawn ka hi hiam?