Jeim 4:12 - Tedim Bible

¹² Thukham a pia mi leh thukhen mipa khat bek a om hi. Tua pa in gup ding ahi zongin, siatsak ding ahi zongin a hih thei hi. Na lawmte tungah thu a khen nang in kua mi na hi hiam?

Tedim Bible Revision 2017

¹² Thukham a pia pa le thu a khen pa pen Pasian bek hi a, amah bek in hong hon khia zo a, hong susia zo hi. Tua ahih manin bang hangin na mipihte uh gensia-in thu a khen thei dingin kingaihsun zenzen na hi uh hiam?

Jeim 4:12 Referans Kwoze

ROM (Romans) 14:4

Mi dang’ sawltak a dongtel nangmah in kua mi na hi hiam? Tua pa in a Topa thu dotna-ah a kip ahi zongin, a kip lo ahi zongin ahi ding hi. Ahih hangin a Topa in tua pa kipsak theihna a nei ahih ciangin a kipsak ding hi.

ROM (Romans) 2:1

Tua ahih ciangin midangte thukhenpa aw, na kisuahtak thei kei ding hi. Bang hang hiam na cih leh, midangte tungah thu na khen bangin nangmah in na hih ahih ciangin midangte thu na khenna in nangma mawhna om hi cih thukhen na suak hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Jeim 5:9

Ute naute aw, thukhenna tawh na kipelh nadingun khat leh na kiphunsan kei un. En un, kongkhak kiangah Thukhenpa ding-in a om hi.

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

ROM (Romans) 14:13

Tua ahih ciangin eite in tu-a kipanin khat leh khat thu kisuah loin om ni. Unau khat puk nading ahi zongin, a khialh nading ahi zongin hih loh nadingin na ciamteh zaw un.

ROM (Romans) 9:20

Pasian a nial mi aw, nang kua mi na hi hiam? A kibawl mi in, “Bang hangin kei hong hi ci bawl hiam?” ci-in a bawlpa kiangah a gen ding hiam?

Luka 12:5

Kua mi na kihta ding ci-in kong gen ding hi; pumpi a thah khit ciangin hel khua sungah a khul zo Pa na kihta un. Ahi hi, tua pa na kihta un kong ci hi.

JOB (Job) 38:2

“Kei’ pilna a nial dingin nang kua na hi hiam? Thu na theih loh lam a kilangsak na hi bek hi.

1 SAMUEL MASA 25:10

Tua ciangin Nabal in David’ nasemte dawngin, “David kua ahi hiam? Jessi’ tapa kua ahi hiam? Tu lai-in a tote kiang panin a taikhia nasem tampi om hi.