Jeim 4:11 - Tedim Bible

¹¹ Ute naute aw, khat leh khat na kikosia kei un. A u a nau a kosia mi ahi zongin, a u a nau thukhen mi ahi zongin Pasian’ Thukham a kosia hi; Thukham tungah thu a khen hi. Pasian’ Thukham tungah thu na khen uh leh, Pasian’ thu zui na hi kei uh hi; Thu a khen na hi uh hi.

Tedim Bible Revision 2017

¹¹ Sanggamte aw, khatlekhat kigensia kei un. A mipihte gensia-in thu a khente in Thukham gensia-in thu a khen ahi hi. Thukham na gensiat uh leh Thukham a zui hi loin thu a khen na hi uh hi.

Jeim 4:11 Referans Kwoze

1 PETER MASA 2:1

Tua ahih ciangin Topa in a pha hi ci-in note in na ciam zo uh ahih leh, gitlohna khempeuh, mi kheemna leh simtatna leh en’na khempeuh, gensiatna apawl apawl khempeuh note in paaikhia-in hong gupkhiatna ah na khan’toh nadingun Pasian’ thu nawizu siangtho a duh a suak tung naupangte bangin lungsim na nei un.

ROM (Romans) 2:1

Tua ahih ciangin midangte thukhenpa aw, na kisuahtak thei kei ding hi. Bang hang hiam na cih leh, midangte tungah thu na khen bangin nangmah in na hih ahih ciangin midangte thu na khenna in nangma mawhna om hi cih thukhen na suak hi.

Jeim 5:9

Ute naute aw, thukhenna tawh na kipelh nadingun khat leh na kiphunsan kei un. En un, kongkhak kiangah Thukhenpa ding-in a om hi.

Luka 6:37

“Midangte’ thu na tan kei uh leh, thu tanna tawh na kipelh ding uh hi. Midangte na mawhsak kei uh leh, mawhsakna tawh na kipelh ding uh hi. Midangte’ mawhna na maisak uh leh, note mawhna a kimaisak ding hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

Late 140:11

Mi gensiapa leitungah kip sak kei in la, mi ngongtatpa pen thusia in sulzuih mengmeng ta hen!

Efesa 4:31

Kimuhdahna khempeuh, hehna khempeuh, thangpaihna khempeuh, han’sanna khempeuh, mindai nading mi gensiatna khempeuh, hazatna khempeuhte note kiang pan na paaikhia un!

2 KORIN NIHNA 12:20

Bang hang hiam na cih uh leh, ka hong tun’ ciangin note in ka deih mi na hih loh uh a, keimah in zong no deih loh mi hi ding ahi zongin, note lakah kitotna, gendaina, nakpi-a hehna, kiseelna, kiphunsanna, kikhenna, kiphatsak theihna, buaina a suah ding ahi zongin,

2 TIMOTI NIHNA 3:3

ngeina bang itna a nei lo mi, kitotna lungsim nei mi, mi a gendai thei mi, a pumpi kikem zo lo mi, a hangsan mi, a hoih lam a deih lo mi,

1 TIMOTI MASA 3:11

Tua mah bangin amau’ zite in zong khuaval lo ding uh a, mite’ dai nading thu gensiam mi hi loin thuman thutak a nei mi, na khempeuhah a diktat mi ahi ding uh hi.

ROM (Romans) 7:7

Tua bang ahih leh, bang i ci gen ding hiam? Thukham in mawhna ahi i ci ding hiam? Tua bang hi zenzen lo hi. Ahi zongin thukham bek hangin mawhna lungsim ka thei hi. Bang hang hiam na cih uh leh, “Huaihamna lungsim nei kei in,” ci-in Thukham in na ci kei leh, huaihamna lungsim ke’n ka thei kei ding hi.

ROM (Romans) 2:13

Bang hang hiam na cih uh leh, Thukham a zate in Pasian mai-ah dikkisakna a ngah kei ding uh hi; Thukham banga a zuite bek in dikkisakna a ngah ding uh hi.

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.

Titu 2:3

Tua mah bangin numei teekte in zong Pasian’ thu tawh kilawm gamtatna a bawl nading, midangte a gendai loh theih nading, kham lua-a leenggahzu’ sila ahih loh nading, thu hoih a hilh theih nading tham loin, Pasian’ thu in gensiatna a thuak loh nadingin a khangno numeite in a pasal a it ding, a tate a it ding,

Jeim 1:16

Ka it ka ute ka naute aw, na kikheem kei un.

Jeim 1:19

Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.

Jeim 2:8

“Na pumpi na it bangin na lawmte na it in,” a kici Thukham na zuih uh leh, a pha in na gamta zo uh hi.

Jeim 5:7

Tua ahih ciangin ute naute aw, Topa hong pai matengin thuakin ngak un. Lokho mi in guahzu masa leh guahzu nunung a zuk matengin a manpha leitungah gahte thuum loin ngakin a lamen hi.

Jeim 5:10

Ute naute aw, gimna tawlna-ah Topa’ min tawh thu a hilh kamsangte’ lim na ciamteh un.