Jeim 4:10 - Tedim Bible

¹⁰ Topa mai-ah na kiniamkhiat un. Tua bang na hih uh leh, amah in note hong pahtawi ding hi.

Tedim Bible Revision 2017

¹⁰ Topa mai ah kiniamkhiat un. Tua hileh amah in hong lian bawl ding hi.

Jeim 4:10 Referans Kwoze

Late 147:6

Topa in a kisikcip mite laamto-in, migilote leilak den’na hi.

Mattiu 23:12

Ama pumpi a kilamsang peuhmah in niamkhiatna a thuak ding hi. A kiniamkhiat peuhmah a kilamsang ding hi.”

1 PETER MASA 5:6

Tua ahih ciangin a hun a cin’ ciangin Pasian in note hong pahtawi nadingin, ama khut vanglian nuai-ah na kiniamsak un.

Luka 14:11

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

JOB (Job) 22:29

Pasian in mi kiphasakte niamkhiat a, mi niamte gum hi.

Late 113:7

Amah in leivui panin mizawngte lamto-in, ninphual panin mi cimawhte leh a lungkhamte domto a,

Luka 1:52

Amah in kumpite a kumpi tokhom tung pan kiasak a, mizawngte khangtosak zo hi.

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Late 27:6

Tu-in ka kimkot-a om ka galte tungah ka lu kilaamto-in, lungdam-a kikona tawh biak piaknate ama buk sungah ka pia ding a, la ka sa ding hi, Topa’ tungah la ngaih ka sa ding hi.

Late 30:1

Topa aw, nangmah phatin ka diang ding hi, bang hang hiam cih leh kei nong kaito khin a, ka tungah ka galte na lungdamsak kei hi.

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.

Late 28:9

Na mite hon in la, na luahte thupha pia in; amau cingpa hi in la, a tawntungin amaute huh in.

Paikhiatna 10:3

Tua ahih ciangin Faro' kiangah Moses leh Aaron pai uh a ama' kiangah, “Hebru mite’ Pasian, Topa in hih bangin ci hi, ‘Ka mai-ah nang na kiniamkhiat nading bang tan vei nial ding na hi hiam? Amaute in keima' na hong sep theih nadingin ka mite paisak in.

1 SAMUEL MASA 2:7

Topa in zawng sakin hausak hi; amah in niamkhiat sukin, zong sangto sak hi.

2 KHANG TANGTHU NIHNATE 7:14

keima minin a kisam ka mite amau mahmah kiniamkhiatin, thu ngenin ka mai hong zong a, amau’ gitlohnate panin a kihei uh leh, tua ciangin keimah in vantung panin ka za ding a, amaute’ khialhna maisakin a leitang uh ka hoihsak kik ding hi.

JOB (Job) 5:11

Amah in miniamte sang koih a, a dahte lungnuam sak hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Ezekiel 21:26

Topa Pasian in hih bangin ci hi: Na kumpi lukhu leh na dial khip la khia in. Nidang bang nawn lo ding hi. Mi neute hong lian ding a, Miliante hong neu ta ding hi.