Jeim 3:9 - Tedim Bible

⁹ Tua leii tawh eite in i Topa leh i Pa i phat thei hi, Pasian’ lim banga kibawl mite, leii tawh i samsia thei hi.

Tedim Bible Revision 2017

⁹ I leii tawh eiteʼ pa ahi Topa i phat thei a, Pasian tawh a kisunin a kibawl i mipihte zong tua i leii mah tawh i samsia thei hi.

Jeim 3:9 Referans Kwoze

Late 10:7

Ama kampau in hamsia leh khemna leh netniamna tawh kidim a, siatna leh manlohna thugenin nei hi.

Late 62:4

Ama za-liatna panin sukniam ding bek amaute in sawm uh hi. Amaute in thuman lo-ah nuam sa uh hi. Amaute in a kam uh tawh phat uh a, ahih hangin a sungtawng uh-ah samsiat uh hi.

Late 59:12

Amau kam-a mawhna, amau muk tawh a pauna thu hangin, amau’ kiphatsakna-ah amau mah awksak in. Hamsiatna zangin zuauthu a genna hangun,

Piancilna 9:6

Mi a that peuhmahte pen, midangte in amah that ding hi; bang hang hiam cih leh Pasian in ama' lim bangin mi bawl hi.

Sawltak 2:26

Tua ahih ciangin ka lungdam a, Ka leii zong a nuam hi. Tua tham loin, ka sa in lamenin a nungta ding hi.

2 SAMUEL NIHNA 19:21

Zeru-iah’ tapa Abishai in dawngin, “Amah in Topa’ sathau nilhpa samsia ahih manin hih thu hangin Shimei thah ding hilo ahi hiam?” a ci hi.

Piancilna 5:1

Hih in Adam’ suan-le-khakte’ tangthute ahi hi. Pasian in mi a piansakin, amah tawh a kisunin a bawl hi.

1 KORIN MASA 11:7

Pasal in Pasian’ lim leh minthan’na ahih ciangin a lu sit ding a kilawm kei hi. Numei ahih leh, pasal’ minthan’na ahi hi.

ROM (Romans) 3:14

Amaute kam un hangsan’na leh kamkhauh tawh a dim hi.

Mattiu 26:74

Piter in, “Tua pa ke’n ka thei kei hi,” ci-in hamsia tawh a kiciam khit phetin ak a khuang pah hi.

Mattiu 5:44

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

Isaiah 29:13

Tua ciangin Topa in: “Amaute’ lungsim kei tawh kigamla napi-in hih mite in a kam uh tawh kei kiangah hong nai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi;

Thuhilh-sia 7:22

Nang zong midang na samsiat zelzelna, tel takin na kithei hi.

Late 108:1

Pasian aw, ka lungsim a kigingsa-in om hi! Ka sa ding hi, phatna late ka sa ding hi! Kei ka tho ding hi.

Late 71:24

Keima siat nading a zongte zahhuai-in kiminsia-sak khin ahih ciangin sunthapai-in thuman tawh nong huhna ka gengen ding hi.

Late 63:4

Tua ahih ciangin ka nuntak lai teng nangmah kong phat ding a, ka khutte nang lamah lamto-in thu kong ngen ding hi.

Late 57:8

Ka tho ding hi! Harp lasakna leh laiza lasakna aw, tho un! Zingsang khuavak hong phong ning!

Late 51:14

Pasian, kei hong hon Pasian aw, sih nading daan panin kei hong honkhia in; nong hotkhiatna thu lungdam takin ka sa ding hi.

Late 35:28

Tua ciangin na thumanna leh nangmah phatna sunthapai-in ka gengen ding hi.

Late 34:1

Topa ka phat tawntung ding hi; amah phatna ka gengen ding hi.

Late 16:9

Tua ahih ciangin lungdamin, ka kipak a, lung muangin ka om hi.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

1 KHANG TANGTHU MASATE 29:10

Tua ahih ciangin a kikhawmte khempeuh’ omna ah David in Topa phat hi; tua ciangin David in: “Nang, Topa, ka pu uh Israel Pasian aw, a tawntungin thupha ngah ta in.

2 SAMUEL NIHNA 16:5

Bahurim-ah Kumpi David a tun’ ciangin Saul’ innsung innkuan mi, Gera’ tapa Shimei min nei mi khat hong paikhia hi; amah hong pai kawmin samsia tawntung hi.

Thukhente 9:27

Amaute lo-ah kuanin a leenggui lo uh panin leenggah khawmin cil uh a, pawi khamin amaute’ pasian’ inn-ah pai uh a, anne tuidawnin omin Abimelek zahko uh hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Late 145:21

Topa ka phat tawntung ding hi; mi khempeuh in a tawntungin ama min siangtho phat ta uh hen.

Late 145:1

Ka Pasian leh ka Kumpi aw, nangmah hong pahtawi-in a tawntungin nangma min ka phatphat ding hi.

1 PETER MASA 1:3

Anungta lametna thu a om nading ahi zongin, a sia thei lo, a kihhuai nitna om lo, a vul thei lo luahna eite in i ngah nading ahi zongin, Zeisu Khazih in sihna pan a thawhkik ciangin hehpihna lianpi tawh kituakin eite hong piang kiksak i Topa Zeisu Khazih’ Pa Pasian in thupha ngah ta hen.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Jeim 3:10

Kam khat bek panin phatna leh samsiatna a paikhia thei mawkmawk hi. Ka u ka naute aw, tua banga hih ding kilawm lo hi.