Jeim 3:5 - Tedim Bible

⁵ Tua mah bangin leii in na neu ahih hangin alianpi nate a kisaktheihpih thei hi. Bang zah alian sing tampi a neu mahmah mei tawh a kikangsak thei hi cih no na en un.

Tedim Bible Revision 2017

⁵ Tua mah bangin leii zong i pumpi na sung panin a neu mahmah khat hi napi-in thusia lian pipi piangsak zo hi. Gam khempeuh zong mei-ek neuno khat pan kipanin a kaang tum thei hi.

Jeim 3:5 Referans Kwoze

Paunak 18:21

Kampauna in sihna ahi a, hin’na ahi zongin piangsak thei a, i kampauna banga piangte san’loh phamawh hi.

Paunak 12:18

Ngaihsun lo-a kampauna in temhiam bangin mi liamsak thei a, mipilte’ kampauna in tua bang liamna damsak thei hi.

Paunak 15:2

Mipilte in pilna thu gen a, mihaite in haina thu gen hi.

Late 17:10

Amaute in hehpihna lungsim nei lo uh a, a kam uh tawh amaute kiphatsak pau uh hi.

Juda 1:16

Tua mite in phunin a mawhsak thei mi, amaute lunggulh deihgawhna bangin a gamta thei mi, a kam un kisaktheihna thu a gen thei mi, amau noptuamna ngaihsunin mi maitang a zahtak thei mi ahi uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Late 10:3

Bang hang hiam cih leh migilo in a lungsim deihna kiphatsak pih a, ngah nading a huaihampa in, Topa phuisam-in taisan hi.

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

Daniel 4:30

“Babilon khua bang zah takin lian ahi hiam! Kumpi ding leh, ka vangliatna ka thahatna kilat nadinga ka lam ahi hi,” a ci hi.

JOB (Job) 22:17

Hih mite pen Pasian a nial, Pasian in amaute bangmah a cih thei lo dinga a ki-umte ahi uh hi.

Paikhiatna 15:9

Galte in, ‘ka delh dinga, ka pha ding hi. A nate uh ka hawm ding a, ka deih zahzah-in tuate ka tang ding hi. Ka namsau ka dok ding a, ka khut in amaute susia ding hi,’ ci hi.

Daniel 3:15

Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.

Ezekiel 29:3

Topa Pasian in hih bangin gen hi, ci-in Izipt kumpipa Faro kiangah gen in: Gun sungah a om, awle lianpi ahi, nang Izipt kumpipa aw, keimah in nangma lang ka hi hi. Nail Gunpi, nangma aa in na gen a, nangma bawlsa-in na ngaihsun hi.

Paikhiatna 5:2

Ahih hangin Faro in, “Ama' aw ngai-in Israel ka paisak dingin Topa in kua ahi hiam? Topa ka thei kei hi, tua tham loin Israelte ka paisak kei ding hi,” ci hi.

Late 39:1

“Ka leii tawh ka khialh loh nadingin ka gamtatna ka kikem ding a, ka omna-ah migilote a om lai teng ka kam ka kham ding hi,” ka ci hi.

Paunak 26:20

Sing om kei leh mei mit a, gensiatna om kei leh kitotna bei hi.

Jeim 3:4

Ngai un, teembawte a lian mahmah uh a, huihpi in nakpi-in a mut hangin heina lenpa in a deih bangin, a neu mahmah heina tawh a hei thei hi.