Jeim 3:2 - Tedim Bible

² Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

Tedim Bible Revision 2017

² Eite khempeuh a khial thei zelzelte vive ihi hi. Kampauna ah a khial ngei lo mi a om leh a cingtaak mahmah hi a, a pumpi zong a uk zo mi ahi hi.

Jeim 3:2 Referans Kwoze

Jeim 1:26

Mi khat in, “Pasian ka bia hi,” ci-in amah a ki-up hangin ama kam a kham kei leh, tua mi in a kikheem suak a, ama biakna in a mawkna ahi hi.

Paunak 13:3

Pau a ki-ip zo mi in a nuntakna a hu hi a, a mawk paupau mi in amah a kisiasak tawm ahi hi.

1 PETER MASA 3:10

Bang hang hiam na cih uh leh: “Nuntakna-ah nuamsa a, ni hoih a nuam a mu nuam mi in, a leii in phatlohna a bawl loh nadingin kham hen. A muk in zuauthu a gen loh nadingin kham hen:

Mattiu 12:37

Bang hang hiam na cih uh leh, na thu genna hangin mawhsakna tawh na kipelh ding uh hi. Na thu genna hangin thukhenna na thuak ding uh hi,” ci-in a hilh hi.

Late 34:13

Siatna panin na leii kem in la, zuau genna panin na muk kem in.

Paunak 20:9

“Ka lungsim siangtho hi; mawhna ka nei het kei hi,” a ci thei ding kua om hiam?

Thuhilh-sia 7:20

A manin a gamta, a khial ngei het lo, leitungah mi khat zong om het lo hi.

ROM (Romans) 3:10

Lai Siangtho sungah: “Midik khat beek a om kei hi.

Jeim 1:4

Note in a neu kha beek kisam loin na kicin’ nadingun, thuakzawhna lungsim in kicing takin hong bawlpha ta hen.

1 KUMPI MASATE 8:46

“Amaute nang tungah hong khialin – bang hang hiam cih leh mi a khial lo kuamah om lo hi–amaute tungah nang heh a, galte tungah amaute pia-in, amaute kimanin a galte’ gam a gamla ahi a, a nai-ah ahi zongin kipuakhia a,

Jeim 2:10

Bang hang hiam na cih uh leh, Thukham khempeuh a zuih hangin khatpeuh peuh a khial mi in, Thukham khempeuh a khial zo hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.

1 KORIN MASA 9:27

Midangte thu ka hilh khit ciangin hawlkhiatna ka thuak loh nadingin ka pumpi tumin, ka bawlsia hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

Galati 3:22

Tu-in ahih leh, a um mite in Zeisu Khazih upna tawh kipawl kiciamna a ngah nadingun Lai Siangtho in na khempeuhte mawhna sungah a khakcip hi.

ROM (Romans) 7:21

Tua hi a, a hoih a gamta nuam keima sungah mawhna thu a om cih ka thei hi.

2 KHANG TANGTHU NIHNATE 6:36

“Amaute nang tungah hong khialin (a khial lo kua om hiam?) amaute tungah nang heh a, galte tungah amaute pia-in, amaute a gamla gam ahi a, a nai-ah ahi zongin galmatin kipua khia a;

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

Galati 5:17

Bang hang hiam na cih uh leh, si-le-sa in Kha Siangtho tawh kido hi. Kha Siangtho in si-le-sa tawh kido hi. Bang hang hiam na cih uh leh, na sep nop uh bangin na sep theih loh nadingun tuate nih in khat leh khat kilem lo uh hi.

Late 39:1

“Ka leii tawh ka khialh loh nadingin ka gamtatna ka kikem ding a, ka omna-ah migilote a om lai teng ka kam ka kham ding hi,” ka ci hi.

Paunak 10:19

Kam tam paute, tampi khial a, pau ip theite mipil hi.

Paunak 21:23

Kampau a ki-ip zote, lungkhamna tawh kipelh hi.

Mattiu 12:34

No mualtan’ suante aw, no gilo na hih uh ciangin kam hoih bangci gen theih ding na hi uh hiam? Bang hang hiam na cih uh leh, lungsim dima om bangin kam in a gen thei hi.

Siampi Laibu 13:39

siampipa in vel ding a, a pumpi vun tunga om a tuampian munte pen a kang milmial ahih leh, tua in vun a phukhia meima ahi hi; amah a siang hi.

JOB (Job) 15:13

Pasian’ tungah a heh na hi a, amah a simmawh na hi hi, tua bang thu gen kei in.