Jeim 3:15 - Tedim Bible

¹⁵ Tua bang pilna in vantung pan hong tung pilna ahi kei hi; leitung pilna, pumpi pilna, dawi gilo pilna ahi hi.

Tedim Bible Revision 2017

¹⁵ Tua bang pilnate vantung panin a hong pai hi lo a, leitung pilna, kha thu tawh a kisai lo, a dawivai ahi hi.

Jeim 3:15 Referans Kwoze

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

1 KORIN MASA 3:19

Bang hang hiam na cih uh leh, leitungmi’ pilna in Pasian mai-ah haina ahi hi. Bang hang hiam na cih uh leh, Lai Siangtho sungah, “Pasian in mi pilte amaute’ zuauthu tawh a man hi,” ci-in a kigelh hi.

Filippi 3:19

Tua mite in kisiatna-ah a tung ding uh hi, amaute’ pasian in a gilpi uh ahi hi; amaute in a maizumhuai a gamtatnate uh ah a kiphasak uh hi. Amaute in leitung nate a lunggulh uh hi.

1 KORIN MASA 2:14

Kha Siangtho a nei lo mi in Pasian’ Kha Siangtho’ thute a mang kei hi. Bang hang hiam na cih uh leh, tuate haina a sa a, tua thute Kha Siangtho bek tawh kikhentel thei ahih ciangin amah in a thei zo kei hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

1 TIMOTI MASA 4:1

Kha Siangtho in a tel taka a genkholh inah, a tawpna hun ciangin,

Juda 1:19

Tua mite in Kha Siangtho nei lo uh a, pawlpi kikhenna a bawl thei mi, pumpi deihna bek a zui thei mite ahi uh hi.

1 KORIN MASA 3:3

Bang hang hiam na cih uh leh, leitung lungsim a nei mite na hi lai uh hi. Note lakah ki-en’na leh kitotna a om lai tengin leitung lungsim a nei mite hilo na hi uh hiam? Leitung mite’ ngeina bangin gamta hilo na hi uh hiam?

Johan 3:17

Bang hang hiam i cih leh, leitung mite’ thukhen dingin Pasian in a Tapa leitungah hong paisak kei hi. Leitung mite in amah hangin gupna a ngah nadingun a hong paisak hi.

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Mangmuhna 9:11

Amau tunga kumpipa in Hebru kam-in Abaddon kici, ahi zongin, Grik kam in Apollion kici ahi zongin kiphuak a, kuam thukpi’ sawltak ahi hi.

Mangmuhna 2:24

Ahih hangin kong gensa thuhilhna a mang lo, Satan thu thukpi a kici nate a thei lo, a siam lo Thiatira khua-a a om lai mite kiangah kong geninah: no tungah adang van ka hong suan kei ding hi.

2 THESALONIKA NIHNA 2:9

Tua a kiseel Gilo a hong pian’na thu in, Satan bawlna bangin zuauna tawh kipawl vangliatna, nalamdang leh dipkuat huaina apawl pawlte tawh ahi zongin,

2 KORIN NIHNA 11:3

Gulpi in ama zuauna tawh Evua a kheem mah bangin note lungsim ngam-in kisia-in, Khazih lamah a om khin na lungsim siangtho uh a mangthang ding hi ci-in ka lunghihmawh hi.

1 KORIN MASA 1:27

Pasian in lungpilte zumsak nadingin leitung mihaite a teelkhia hi. A thahatte a zumsak nadingin leitungah a thanemte a teelkhia hi.

ROM (Romans) 1:22

“Lungpil mi ka hi uh hi,” a cih uh hangin mihai suak uh a,

Sawltak 13:10

“Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Luka 16:8

Thuman lo sumkempa in pilna tawh ahih ciangin a topa in a phat hi. Bang hang hiam na cih uh leh, leitung’ tate in amau khang lakah khuavak’ tate sangin a pil zaw uh hi.

2 SAMUEL NIHNA 16:23

Tua hun lai-in Ahithofel’ thugente in Pasian’ kammal mahmah bangin kingaihsun hi; tua bangin David leh Absalom in Ahithofel’ thugente thupi ngaihsut uh hi.

2 SAMUEL NIHNA 15:31

Tua ciangin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ciangin David in, “Topa aw, kong thum hi, Ahithofel’ thugente haina-in na heisak in,” a ci hi.

2 SAMUEL NIHNA 13:3

Ahih hangin Amnon in David’ sanggampa Shimeah’ tapa Jonadab min nei lawmpa khat nei hi; Jonadab in mi tei mahmah khat ahi hi: