Jeim 3:14 - Tedim Bible

¹⁴ Ahih hangin note lungsim sung uhah hazatna leh kidemna siatna a om leh, thuman thutak tawh kilem loin kisathei kei un.

Tedim Bible Revision 2017

¹⁴ Ahi zongin na lungsim uh ah enna, gitlohna le huaihamna a om leh a zuaugen na hi uh a, pil ing, ci-in kisialh nading bangmah om lo hi.

Jeim 3:14 Referans Kwoze

Jeim 3:16

Bang hang hiam na cih uh leh, hazatna leh kidem nopna a om leh, gamlumna leh a kihhuai gilo bawlna apawl apawl a piangsak uh hi.

1 KORIN MASA 13:4

Itna in a lungduai thei hi, a hehpih thei hi. Itna in ki-elna a om kei hi. Itna in a kisathei kei hi, a kiphasak thei kei hi,

Filippi 2:3

Huaihamna lungsim, a mawkna minthan’ deihna lungsim neihna tawh bangmah na hih kei un. Midangte in note sangin a phazaw hi ci-in lungsim niamkhiatna tawh khat leh khat na kingaihsun un.

1 KORIN MASA 3:3

Bang hang hiam na cih uh leh, leitung lungsim a nei mite na hi lai uh hi. Note lakah ki-en’na leh kitotna a om lai tengin leitung lungsim a nei mite hilo na hi uh hiam? Leitung mite’ ngeina bangin gamta hilo na hi uh hiam?

ROM (Romans) 13:13

Pawikhamna, guih theih zu kham luatna ahi zongin, hukna, lanna kihhuaina ahi zongin, kitotna, kidemna ahi zongin tangin, sun laitak mah bangin kilawmin gamta ni.

2 KORIN NIHNA 12:20

Bang hang hiam na cih uh leh, ka hong tun’ ciangin note in ka deih mi na hih loh uh a, keimah in zong no deih loh mi hi ding ahi zongin, note lakah kitotna, gendaina, nakpi-a hehna, kiseelna, kiphunsanna, kikhenna, kiphatsak theihna, buaina a suah ding ahi zongin,

Filippi 1:15

Mi kimkhatte in ki-en’na lungsim leh kitotna lungsim tawh Khazih’ thu a hilh uh hi.

Jeim 5:19

Ka u ka naute aw, note lakah mi khatpeuh mah in thuman thutak lam pan pial a, a khialh ciangin,

Sawltak 5:17

Tua lai takin siampi ukpa leh amah tawh a kipawl Saddusi mite khempeuh a ding uh a, hazatna tawh a dim uh hi.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

1 TIMOTI MASA 6:4

tua mi in kisathei-in, bangmah thei loin thu kidotna kikumin, a kam bek tawh a seel mihai ahi hi. Tua bang a bawl leh, en’na, kitotna, gensiatna, hazatna tawh upkhialhna lungsim neihna in thuman thu tawh a kipelh mite kitotnate a piang thei hi.

1 KORIN MASA 5:2

Tua banga gamtate note lakah na hawlkhiat nadingun, lungsim dahna na neih loh uh tham loin, na kisathei uh hi.

ROM (Romans) 2:8

Paupeng lungsim mi, thuman thutak a ngai lo mi, a dik lo thu a ngai mite tungah hehna leh thangpaihna a koih ding hi.

Paunak 27:4

Hehna leh sinsona siahuai a, ahi zongin hazatna siahuai zaw lai hi.

Paunak 14:30

Lungnopna in pumpi cidamsak a, hazatna in guh muatsak natna ahi hi.

2 KUMPI NIHNATE 10:31

Ahih hangin Jehu in a lungsim khempeuh tawh Israel Pasian, Topa’ thukham sungah lim takin gamtat ding ngaihsun lo hi; Israelte a khialhsakna ahi Jeroboam’ khialhnate panin amah kihei lo hi.

Galati 6:13

Bang hang hiam na cih uh leh, vunatna a thuak mite in Thukham zui loin note’ pumpi uh hangin kisathei nuamin note vunat nading a deih uh hi.

Galati 5:26

Khat leh khat kibawlsiatna, khat leh khat kihazatna tangin mawkna minthan’nate lunggulhin om kei ni.

Galati 5:21

en’na, zukham luatna, pawikhamna akipan tua bang gamtatnate ahi uh hi. Tau banga gamta mite in Pasian’ Gam a luah kei ding uh hi ci-in nidanga kong cih mah bangin tu-in zong ka hong ci khol hi.

Galati 5:15

Ahih hangin khat leh khat na kipeh, na kinek uh leh, khat leh khat na kisiasak ding uh hi ci-in lunghimawhin kikem un.

1 KORIN MASA 5:6

Na kisaktheihna uh a hoih kei hi. Silngo tawmkha in annel sial lom khat a tawksak ding thei lo na hi uh hiam?

ROM (Romans) 2:17

Nang Judah mi kicihna ngah a, Thukham muang a,

ROM (Romans) 1:29

diklohna tawh, gitlohna tawh, duhgawh huaihamna tawh, hazatna tawh, en’na tawh, mi thahna tawh, kitotna tawh, kheemna tawh, etsat muhdahna tawh a dim uh hi.

Sawltak 26:9

“Nazareth khua mi Zeisu’ min langpanin ahi thei zahzaha sep ding mah hi ci-in ka kizo khin a,

Sawltak 13:45

Ahih hangin Judah mite in mihonpi a muh uh ciangin haza uh a, Paul’ thuhilhna a gensia uh hi.

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Mattiu 27:18

Bang hanga hih bang dong ahi hiam i cih leh, amaute in Zeisu a een’ man-unah a piak uh a thei hi.

Habakkuk 1:3

Bang hangin hih bang siatnate leh lungkhamnate hong musak na hi hiam? Kisuksiatna leh kisukgawpna in hong umcih a, kitotna leh kiseelna, mun citeng ah om hi.

Isaiah 11:13

Efraim in hazatna a neihnate bei ding a, Judah mi a galbawlte kisusia ding hi; Efraim in Judah haza nawn lo ding a, Judah in Efraim galbawl nawn lo ding hi.

JOB (Job) 5:2

Mihaipa in ama hehna sih lawh a, muhdahna in sihna piangsak hi.

2 KUMPI NIHNATE 10:16

Tua ciangin amah in, “Kei tawh hong pai in la, Topa ading ka deih luatna hong thei in,” a ci hi. Tua ahih ciangin amah in a leeng sungah amah tuang sak hi.

Piancilna 37:11

A sanggamte in amah haza uh a, ahih hangin a pa in hi thugenna ciamteh hi.

Sawltak 7:9

Tua pawlte’ pate in Josef a haza uh a, Izipt gamah a zuak uh hi.

Galati 5:20

milim biakna, mibumna, kitot na’ng bawlna, kitotna, kidemna, hehna, kiseelna, kithutuah lohna, kipawl khenna

1 TIMOTI MASA 2:4

Tua Pasian in mi khempeuh in gupna ngahin, thuman thutak a theih nading a deih hi.

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

Piancilna 38:9

Ahih hangin Onan in a tate pen ama aa a hih loh ding thei hi; tua ahih ciangin a sanggampa’ zi tawh a lupkhawm ciangin a sanggampa tungah ta pia kha ding ahih manin a na tui lei lakah buasak hi.