Jeim 3:1 - Tedim Bible

¹ Ka u ka naute aw, Sia a sem kote in a khauhzaw thukhenna thuak ding ka hih manun note a tampi Sia suah ding na sawm kei un. Bang hang hiam na cih uh leh eite in thudotna i thuak zaw ding hi ci-in na thei ta un.

Tedim Bible Revision 2017

¹ Sanggamte aw, mite tungah thu a hilh eite pen midangte sangin a khauh zaw-in thu hong kikhen ding ahih manin note tampi sia na suak nuam se kei un.

Jeim 3:1 Referans Kwoze

1 TIMOTI MASA 1:7

Tuate in Thukham hilhna a sep nop uh hangin amau kampau ahi zongin, bang ci thu lamah amaute in a kiptakin ahilh uh ahi zongin a thei kei uh hi.

1 PETER MASA 5:3

atuam atuam na uk uh pawlpite, aana tawh hi loin, tuu honte maiah na pumpi uh limpha suakin, Pasian’ deihna bangin na cing un.

1 KORIN MASA 12:28

Pasian in a masa belin sawltakte, a nihna thuhilhte, a thumna laihilhte, tua khit ciangin nalamdang a lak theite, tua khit ciangin cina damsak theite, huhte, pawlpi ukte, paunam tuam tampi a gen theite, pawlpi sungah a koih zo hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

1 TIMOTI MASA 2:7

Keimah in tua teci pang mi za-ah ahi zongin, sawltak za-ah ahi zongin, upna thu leh thuman thutak thu Gentailte kiangah a hilh za-ah ahi zongin hong koih hi, ka cih ciangin thuzuau ka gen kei hi, thuman thutak ka gen hi.

Efesa 4:11

Khazih’ pumpi lamin nasep nading ahi zongin, misiangtho kipsak nading ahi zongin amah in mi kimkhatte sawltak za ahi zongin, mi kimkhat kamsang za ahi zongin, mi kimkhat Lungdamna Thu, thuhilh za ahi zongin, mi kimkhat pawlpi kem Sia za leh laihilh za ahi zongin a koih hi.

2 KORIN NIHNA 5:10

Bang hang hiam na cih uh leh, eite khempeuh in pumpi-ah i gamtatna ahoih ahoih lo bangin thukhenna ngah ciat dingin Khazih’ tokhom mai-ah i tung tek ding hi.

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Luka 16:2

A topa in sumkempa sam a, ‘Nang thu ka zak teng bangci thu ahi hiam? Na sumkep ciamtehna lai hong pia in. Bang hang hiam na cih leh, sumkep na nasem nawn kei ding hi,’ a ci hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

2 TIMOTI NIHNA 1:11

Tua thu hilh ding za-ah ahi zongin, sawltak za-ah ahi zongin, laihilh za-ah ahi zongin kei hong koih zo hi.

Johan 3:10

Zeisu in, “Nang in Israelte’ siapa na hi napi-in, hih thute thei lo na hi hiam?

Mattiu 10:24

A nungzuite in a siapa sangin lianzaw lo hi. Nasempa in a topa sangin lianzaw lo hi.

Luka 6:37

“Midangte’ thu na tan kei uh leh, thu tanna tawh na kipelh ding uh hi. Midangte na mawhsak kei uh leh, mawhsakna tawh na kipelh ding uh hi. Midangte’ mawhna na maisak uh leh, note mawhna a kimaisak ding hi.

Mattiu 9:11

Farisaite in a muh uh ciangin a nungzuite kiangah, “Na Siapa uh siahdongte leh mawhneite tawh bang hangin an ne khawm ahi hiam?” a ci uh hi.

Malakhi 2:12

Hih banga a gamta mi peuhmah, a kua a kua hita leh, Topa in sugawp hen la, Vanglianpen Topa’ tungah biakna a paipih ei minamte tawh hong kigawmsak ngei nawn kei hen.

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

Jeim 1:16

Ka it ka ute ka naute aw, na kikheem kei un.

Jeim 1:19

Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.

Jeim 3:10

Kam khat bek panin phatna leh samsiatna a paikhia thei mawkmawk hi. Ka u ka naute aw, tua banga hih ding kilawm lo hi.

Mattiu 23:14

“A simtat laitheite leh Farisaite aw, meigongte’ neihsa teng na nektumsak uh a, kineihna tawh saupipi thu na ngen uh hi. Tua ahih ciangin thukhenna lauhuaizaw na thuak ding uh hi.