Jeim 2:9 - Tedim Bible

⁹ Ahih hangin mi maitang zahtak tuam na neih uh leh, gitlohna a bawl mi na hi uh hi; thungai lo mi cihna Thukham in note tungah thu hong khen ding hi.

Tedim Bible Revision 2017

⁹ Ahi zongin mi na deidan uh leh note a khial na hi uh a, Thukham a palsat na hi veve uh hi.

Jeim 2:9 Referans Kwoze

Siampi Laibu 19:15

“Note in thukhenna ah thuman lo na hih kei ding uh hi; note in mizawngte langgen loin, a liante thu zui loin, thumanna tawh na vengte thu na khen ding uh hi.

Johan 8:9

Tua thu a zak uh ciangin, a teekpen pan a khangnopen dongin khat nungah khat a paikhia uh hi. Zeisu guak om a, numei zong a lai zangah a om hi.

1 JOHAN MASA 3:4

Mawhna ahih mi khempeuh in thukham a kan uh hi. Khialhna in thukham kanna ahi hi.

ROM (Romans) 3:20

Bang hang hiam na cih uh leh, thukham tawh mawhna kilang ahih ciangin thukham a zuihna tawh, Pasian mai-ah kuamah in dikkisakna a ngah kei ding hi.

Johan 16:8

A hong tun’ ciangin, mawhna, siangthona leh thukhenna leitung mite kiangah a pulak ding hi.

Johan 8:46

Ka tungah mawhna a om hi ci-in note lakah kua in hong lak ahi hiam? Keimah in thuman thutak hilh ka hih leh, bang dingin kei hong um lo na hi uh hiam?

Juda 1:15

Pasian’ thu a deih lo mi khempeuh in Pasian deih loh a bawlna uh na khempeuh akipan Pasian’ thu a deih loh uh mawhna a neite in, Topa tungah gensiatna kam khempeuh a kilangsak ding ahi zongin, Topa in a kisim zo lo misiangthote tawh hong paikhawm ding hi,” ci-in a genkhol hi.

Galati 2:19

Keimah in Pasian hangin ka nuntak theih nadingin Thukham tawh Thukham hangin si-in ka om hi. Keimah in Khazih tawh singlamteh tungah sihna ka thuakkhawm zo hi.

1 KORIN MASA 14:24

Mi khempeuhte in kamsangin a om lai takin a um lo mi ahi zongin, a siam lo mi ahi zongin hong tum ciangin pawlpi khempeuh in tua pa mawhsakin, nakpi takin amah kingaihsun sak ding uh hi.

Thu-hilhkikna 1:17

Thukhenna ah angvan na nei kei ding uh hi; a neu leh a liante a kibangin na ngai ding uh hi; mihing maitang na zahtak kei ding uh hi; bang hang hiam cih leh thukhenna in Pasian’ aa ahi hi; note adingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Sawltak 10:34

Piter in a kam ka-in thu a hilh-inah, “Pasian in mite maitang et tuam a nei kei hi cih ka thei takpi hi.